粵獨應該同支那嘅民主派保持絕對分割！（附：縮水支那版圖）


粵獨可以同港獨、澳獨、臺獨、閩獨、吳獨、圖博獨、東土獨、南蒙獨、滿獨、回獨聯成一線，一齊諗計搞散支那。

唯獨唔可以同現時支那嘅做反派，亦即係海外嘅支那民主派、法輪功等漢人社團無分妳我打成一氣！粵獨一定要同呢啲海外嘅支那做反派保持距離，做好分割！

點解要噉？

好簡單，因為而家，粵喺支那係被殖民者，漢喺支那係統治者，粵係畀漢殖民！殖民者畀被殖民者民主，祇有一個可能，呢嗰就係，殖民者畀被殖民者獨立，予以被殖民者政治上嘅自由，而支那嘅漢人殖民者，係根本唔會畀我粵呢種機會嘅！唔論佢係獨裁支那定係民主支那！

支那嘅民主派同做反派假如唔接受我哋粵獨嘅理念，噉佢哋一樣係我哋嘅敵人，記著，我哋係嚟反支那嘅！包括反拒絕畀我哋粵獨嘅民主支那！

粵民主還粵民主，漢民主歸漢民主，漢民主絕唔會為我哋帶嚟粵民主！

我哋粵獨運動同爭取成個支那民主憲政嘅運動兩者之間會有任何嘅所謂共同目標！

粵獨同爭取我哋大粵本土嘅民主憲政至係目標一致嘅！

任何將粵獨同成個支那嘅民主混成一談嘅行為，係我睇嚟，實質上就係支根未脫嘅表現。

噉喺去到乜嘢嘅一個程度我哋粵獨至可以同呢啲支那嘅民主派同做反派有偈傾呢？呢個標尺係有嘅，就係：呢啲支那嘅民主派同做反派必須承認佢哋革命或者做反嘅地理界限，係一個比而家要細好多縮水好多嘅支那，而呢個細好多縮水好多嘅支那嘅地域範圍，顯然唔包括粵獨、港獨、澳獨、臺獨、閩獨、吳獨、圖博獨、東土獨、南蒙獨、滿獨、回獨各自所聲稱擁有嘅疆土。

就好似下邊呢幅圖噉，由粉紅色圍成嘅就係我所講嘅細好多同縮水好多嘅支那嘅疆域。祗要呢啲支那嘅民主派同做反派肯承認支那嘅國土僅局限於呢一粉紅圈範圍以內，噉我哋同佢就有得傾。

簡單D講，我地一心，一致，要做嘅系民族獨立。而吾系參與支那嘅政治改革，或改朝換代。

通過你的貼子，我得到左一D靈感，做左一個提案，並開始系百度宣傳啦。
http://ifree.xp3.biz/2545
謝謝你呀！

六四係支那民主運動嘅焦點，不過，六四的確唔關我哋事，六四同粵民族覺醒、粵獨思潮冇任何顯性而直接嘅關聯。

六四係支那內部嘅一次民主運動，當年呢股六四思潮之所以會波及嚟我哋大粵，噉係因為，我哋大粵係支那嘅殖民地，支那嘅政治風潮，我哋大粵冇可能會置身事外，完全唔受佢嘅影響，再加上我哋大粵本土同支那直接交界，呢個影響就更顯著喇。不過，呢個影響對我哋嚟講，係外來嘅，佢並冇催生出大粵本土化嘅民主，六四搞嚟搞去搞呢搞路，都係搞緊佢哋支那自己嘅漢民主。

祇不過，漢民主係冇乜可能為我哋帶嚟粵民主嘅，即使真係有噉嘅可能，我哋粵人所享受到嘅所謂民主，亦不過係變質嘅、施捨式嘅、兼且係受漢人嚴密操控嘅。

任何一個國家，包括現時非常民主嘅歐美富國，佢主體統治民族嘅政治精英，係絕對唔敢輕易攞自己前政府，或者講，係祖宗留落嚟嘅遺產冒險開玩笑嘅。一向以懷舊著稱嘅亞洲文明、東方文明，就更之然會噉。

前政府，或者係祖宗留落嚟嘅遺產，裡頭最重要嘅係乜？咪地產囉，對一個國家嚟講，就係佢前政府所直接控制嘅疆域版圖。

各位應該知道，英國喺國王專制統治時代，就佔領著包括北愛在內嘅成個愛爾蘭，顯然，英格蘭人同愛爾蘭人係兩個截然唔同嘅民族，英格蘭人係殖民者，愛爾蘭人係受奴役嘅被殖民者。直到20世紀初，英國國內徹底民主化，英國亦都冇自動畀北愛獨立，直到今時今日，英國政府都唔打算噉做。北愛南邊嘅愛爾蘭之所以會成功獨立，係因為有嚟自愛爾蘭本土化勢力嘅支持，民選嘅英國政府從嚟都冇主動放棄愛爾蘭嘅打算，之但係佢鬥唔過愛爾蘭本土要求愛爾蘭獨立嘅主流民意，所以佢冇得揀，唯有畀愛爾蘭獨立。換句話講，愛爾蘭嘅獨立，係英國政府冇辦法將愛爾蘭嘅主流民意引誘到向著佢嗰邊，係英國政府對愛爾蘭主流民意規管失效嘅必然結果。

而而家嘅北愛，點解搞嚟搞去都獨立無望？原因正正係英國政府可以穩固噉把持著北愛嘅民意，所謂嘅鐵票效應對現時各國民主政治格局嘅奠定，可謂一柱擎天。就算民進黨點爛，深綠嘅臺獨人士都會死撐，呢啲就係鐵票！顯然，喺鐵票嘅背後，深刻體現著各方選民喺種族、民族、宗教上高根深蒂固嘅歧異！支那有句老話，叫非我族類，其心必異，喺而家現實嘅民主政治裡頭，處處有著呢句嘢嘅折射。英國政府可以穩固噉把持著現時北愛嘅民意，靠嘅係嗰班佔北愛人口多數兼且經已完全英格蘭化嘅北愛新教徒，而呢班北愛新教徒，唔理妳新芬黨點友善噏乜都好，佢哋都祇會投票畀啲親英格蘭嘅黨派。

類似嘅例子仲有唔少，加拿大仲係英屬嗰陣，就佔著法語系嘅魁北克，加拿大獨立之後，英語系嘅中央政府又呃又氹，收買人心，之但係法語系嘅魁北克始終冇放棄獨立嘅追求，經過幾次驚險嘅魁獨公投，英語系嘅加國中央政府都係紊水過關，終於，佢忍無可忍，倚靠著加國內部超多嘅英語系選民嘅力撐，提請國會並通過咗杜絕往後再舉行魁獨公投嘅具法律約束性嘅議案。非我族類，其心必異，呢句支那老話喺現實歐美民主政治裡頭再次得到兌現。

顯然，漢人係一個好懷緬佢哋威水歷史嘅民族，亦即係好亞洲、好東方嗰隻。堪稱開明嘅民選歐美政治精英，對佢哋祖宗留落嚟嘅既得利益，尤其係對佢哋前政府留落嚟可以直接掌控嘅疆域版圖，都視若瑰寶，倍加珍惜。唔通妳會指望作風肯定比民選歐美政治精英更亞洲、更東方、亦即係更保守頑固嘅民選支那政治精英會有更令人驚嘆嘅讓利？？？

漢唔涵蓋粵，漢人或者所謂華人內部嘅民主，係絕唔會惠及我哋粵人嘅！噉係因為，我哋粵人同佢哋漢人係兩個九唔搭八、大纜都扯唔埋嘅民族！呢個係鐵嘅事實，唔論妳承認抑或唔承認。

要支那真心畀我哋大粵民主，噉祇有一個可能，就係大粵完全畀撈漢化晒，至低限度要漢化50%以上，就好似而家嘅北愛噉，祗要大粵有50%以上係撈，噉支那就可以穩固噉把持著撈化咗嘅大粵嘅所謂主流民意，就好似而家嘅英國政府穩坐釣魚臺噉把持著現時嘅北愛民意一樣。

顯然，呢種噉嘅局面係我哋粵獨所絕冇可能接受嘅，粵獨所能接受嘅結果祇會係，大粵0%漢化。所以，我哋激發粵獨公投係必然嘅！妳話，嗰啲作風肯定比民選歐美政治精英更亞洲、更東方、亦即係更保守頑固嘅民選支那政治精英，佢哋嘅耐性、佢哋嘅包容又有冇可能去到加國英語系政治精英嘅境界呢？？？

唔使諗喇，必定冇！講唔埋，我哋連一次粵獨公投都未搞得成就畀啲撈倚仗漢人係支那主體統治民族嘅優勢強行喺支那國會立法禁制我哋喇！

所以我先話，漢民主係絕對冇可能為我哋粵人帶嚟真正嘅粵民主嘅！祇有粵獨功成，我哋粵人至會享有真民主！

以分裂支那大陸為手段，獨立大粵為目的。