本人在此只提供思考,香港澳門人嘅前途應該由香港澳門人公投決定.粵人嘅國家體制亦應該由大粵人公投決定.

當宣傳大粵獨立時必有人提出港澳定位問題.我相信隨著更多人加入論壇同立國方向嘅訂立,特別係國家行政體制確立.大粵民國政府、黨派要面對香港澳門作出一致定位. 噉樣先可以畀更多人了解大粵,支持我哋獨立. 只要我哋有互相尊重嘅態度，理解雙方意願，就可以解決分歧.
如果有人問你以下問題你會點答？大粵要獨立係因為唔接受外來政權掠奪型嘅統治同中原人對粵人啲奴化,種族清洗.點解可以接受滿清國同英國,葡國任意分割大粵? 係唔係只要外國能把殖民地打理得OK,我大粵可繼續割讓土地比佢哋? 同文同種不同國比比皆是,點解大粵要吞拼香港同澳門?係唔係大粵同共產黨一樣貪心一樣有侵略性? 如果唔係! 客家人得唔得民主自覺獨立成國? 潮州汕頭得唔得獨立成國,再從新加入中國?

時下一啲廣東人皆有嘅態度多為相信同港澳同文同宗,地理位置相鄰,經濟互動平凡.認為外國人都知道Hong Kong同Cantonese嘅關係.海外廣東人對香港多有感情,有共同價值觀,共同嶺南文化，好多人喺港澳生活過.不過都要諗下，香港係國際金融中心,獨立嘅好處多得是.有感情唔係統一嘅藉口,大粵人需要多瞭解香港同澳門人.要知道他們需要啲乜.大粵人先被滿清瓜分百餘年,再被共產一刀切,同港澳都分開咗60幾年.千萬唔好似中共噉樣想搞一國兩制嘅殖民主義。但亦要堤防直布羅陀主義.

從香港嘅角度嚟諗，雖然與廣東同宗但不同文,香港係英文為主粵語為次.受英國文化影響行英國制度. 香港曾係殖民地,因此可自決公投,選擇其定位.獨立後希望加入英聯邦.經濟獨立,有良好嘅港口運作.如果新加坡可以獨立為一國,香港為何不能.唔少港人認為廣東人支持共產,過咗羅湖就到咗共產北方,到處都講普通話.但亦有香港人所具備國際視野,應知道大粵對其嘅重要性.從土地,能源,人力上考量,香港同大粵不可與新加坡同馬來西亞相比。加入英聯邦嘅好處喺邊?提醒香港人通常思考嘅一點誤區係大粵經濟落後,冇制度.要追上香港水平好難.佢哋冇諗到中共對粵人嘅思維荼毒同對大粵嘅掠奪.獨立後嘅大粵唔會經濟落後同冇制度.只需極短時間就可最近香港.

粵人應該識得分析"獨立"與"合拼"嘅概念,噉樣符合現代文明，亦可以保全獨立後最大利益. 我地明顯唔接受所謂大中華一統向外掠奪型嘅"統一",就算喺中華聯邦嘅框架下,粵人啲利益都會受損，因此我地唔可以用撈頭啲思維嚟對待港澳。現今世界有好多同文同種但唔同國家嘅例子都係"分立"典範，亦有獨立嘅德克薩斯共和國,佛蒙特共和國會加入美聯邦嘅個案。加拿大,澳大利亞嘅最高國家元首喺英國女王同女王嘅代表總督，但冇人話英聯邦啲成員國冇乜獨立自主，查實同文同種能方便建立"合作"關係而得到利益最大化.所以呢啲"獨立"國家喺共同價值觀下"合作"一起.

而粵人有冇氣量面對獨立後嘅香港國同澳門國亦係問題? 意大利人接受梵蒂岡,法國人接受摩納哥侯國因為啲小國係國中之國,冇威脅. 但唔少西班牙人就唔接受直布羅陀現狀,馬來西亞人亦唔接受新加坡,原因就喺外國勢力介入可能性. 大粵人能否接受喺自己國境內有個國際水域?英美在此水域屯兵同經常性演習?能否接受喺自己嘅水域航行忽然間要向第三國交過路費?真係要諗清楚。

從現狀到將來獨立,制度將係最大關鍵， 而家嘅香港澳門喺中共嘅殖民地,有國界,一般人不能隨便跨越.呢樣造成一個特別政權氣候無法改變.將嚟大粵獨立到底要行邊一個政治制度?如果喺總統制噉就會同喜歡議會內閣制的香港相抵觸.從交通設施到法律制度要統一都會花好多金錢和人力.

2014年雨傘運動之後邦聯黨發現香港本土出現大量港奸同粵奸，佢哋以外國為家，但喺香港做出違心嘅事情，吃兩家茶禮。呢一樣嘢喺我粵地較少見，但同中原接近。呢個信息話畀我哋知，香港有好多機會投資者，粵地獨立前後都要小心面對港人。尤其國家成立初期，如果香港唔去排撈，下下包容窩藏我粵地通緝嘅撈頭和粵奸，噉香港就係粵地嘅敵國。粵邦聯係文化多元嘅地方，但容不下共產撈頭。若香港嘅多元喺包括埋呢啲冇文化嘅殖民者，噉香港嘅國運唔會長。


以下係一啲經常提到嘅大粵同香港澳門關係方案:

聯邦制,國家統一.香港澳門喺大粵的兩個States,無論從政治,交通等制度都和大粵各州一樣.允許有地方基本法律但以大粵最高憲法爲準.
----會讓香港人失去一向嘅自豪感.而且會對香港現行制度進行修改,噉樣會遭到很多人反對.除非大粵民國係實行現行嘅香港制度.香港一向就是國際金融中心,如果併入大粵就可能喪失其地位.

歐盟模式. 有統一憲法和議會,統一貨幣. 互相自由出入.詳情可參考歐盟運作. http://www.youtube.com/watch?v=OCUF5t1kRlI
----解決咗香港要對現行制度進行修改嘅問題.但統一憲法會使香港矮化,統一貨幣會對一向獨鍾美元嘅香港受損.而且對其國際金融中心地位有影響.冇咗關口香港人怕大粵人口大量進入香港國

國與國關係.
---解決合併所有存在問題.大粵方面需要考慮對香港國,澳門國的多方面政策.如能源提供,食物轉運和人力需求.香港國向來傾向美英,精英階層歧視大粵,大粵要有充分準備同佢哋競爭香港市場.而且要劃清海上邊界,隨時應對英美嘅軍事行動. 如果香港國封鎖我哋珠三角海上出口問要買路錢,我哋點面對?

邦聯制
----有很高彈性的制度,沒有限制. 冇中央權力存在,所有權力都在州政府中.所有議事都要全數通過唔會有地方被矮化.

希望大家能多啲討論呢個話題,多啲同香港獨立人士交流意見.大粵國就有更明確嘅目標.

以下係我本人構想嘅香港國,澳門國加入大粵的邦聯制,特殊國與國不對等關係.純屬個人意見不代表政府立場 (不斷修改中)

國號 Confederation of Cantonia Hong Kong & Macau 簡稱 CHM Confederation 粵港澳邦聯

香港國,澳門國同大粵國互通特別三條約 Treaty of United Security
1.香港國,澳門國同大粵國不能單獨參加聯合國.喺聯合國由CHM Confederation代表其利益.
2.香港國,澳門國同大粵國不能不能單獨參加政治同盟.
3.香港國,澳門國同大粵國不能單獨參加軍事同盟.

成立邦聯外交議事會.由147人組成,由每國選出49人組成,任期4年.設外交會長一職,由三國的議事員輪流擔當,任期4年. 邦聯外交議事會代表各成員國在聯合國的利益
在邦聯外交議事會下設立聯合國外交行政機關,處理聯合國相關事務.

邦聯外交議事會無權干涉成員國內政,無權指揮成員國軍隊,無權對外國宣戰. 當各成員國喺各議會通過向同一國家或地區宣戰時.邦聯外交議事會可向各成員國租借軍隊成立邦聯軍, 外交會長當任臨時邦聯軍最高統帥. 邦聯外交議事會不得租借軍隊超過91天,繼續租借需要各成員國的各議會認可.戰爭結束後一個月邦聯軍必須解散. 聯合國維和部隊也由各成員國租借,最高司令官由邦聯外交議事會委任.

邦聯外交議事會同其屬下聯合國外交行政機關總部設在珠海(考慮到廣珠澳大橋通車後果度係三國嘅中心).總部副設三國軍隊的服務中心,平時用作交流同共同軍演的指揮部.戰時承擔邦聯軍臨時指揮部.

邦聯各國可獨立喺外國擁有領事館.
邦聯各國可以獨立參與所有國際性組織如WTO,WHO (聯合國除外)
邦聯各國可擁有不同嘅所有制度(政治,經濟,法律,教育,交通),最高法律為邦聯各國憲法.釋法權在各國最高法院
邦聯各國可以擁有國家級軍隊.雖然唔可單獨加入軍事同盟,但可以單獨對非邦聯敵對國家進行支援.(例如美國唔是邦聯敵對國家,香港國對美軍航空母艦開放港口停泊,大粵國無權干預)

通過公投解決，是否統一關稅同貨幣.設立中央銀行.是否又需要制定引渡條約.

以下為大粵國對香港國,澳門國嘅臨時條約.確立時間表喺大粵建國初期實行,當大粵完成去共產化後取消.粵港澳邦聯成為對等關系，公民來往自由可互相參政:
香港澳門獨立為國,可設邊防限制大粵人到香港國,澳門國,大粵國不限制香港國,澳門國人出入大粵
外國人士擁有香港,澳門簽證即可視為得到大粵國簽證.但得到大粵簽證也不能進入香港國,澳門國.
當香港國人同澳門國人放棄其國籍時可立即得到大粵國國籍.香港國人同澳門國人喺海外子女在其18歲時可選擇加入大粵國籍.
香港澳門人可以做大粵最高元首,參加大粵議會.但大粵人不能做香港澳門最高元首,參加香港澳門議會.
大粵國防軍提供對香港國,澳門國保護.所有軍事基地.後勤補給都向香港澳門軍隊開放使用.香港澳門國人可以參加大粵國軍隊,大粵國人不可參加香港國,澳門國軍隊

ps. 至於以上條款會讓大粵國喪失國家主權的疑慮, 我解釋係喺我嘅構想中,大粵同香港澳門嘅關係應該像意大利同梵蒂岡. 粵人要對"國"呢個概念有所認知,我建議國家最大行政區域為"州"或"邦國"state.大粵本身亦應該由多個邦國所組成.每個邦國有其獨立的行政,立法同法院機構.噉樣就解決左多民族自治問題,加上香港國同澳門國組成邦聯就變成粵港澳邦聯, 國中多國,比聯合王國更進步.

香港可以同我國組成聯邦，成為大粵嘅一個state
至於澳門方面，基於佢哋嘅地方性，澳門人冇乜野心比較順民，而且政治偏向冷感，
我哋大可將佢列入去珠海市嘅行政規劃入面

引用：“以下喺大粵國對香港國,澳門國的條約:
香港澳門獨立為國,享有完全自治.可設邊防限制大粵人到香港國,澳門國,大粵國不限制香港國,澳門國人出入大粵
外國人士擁有香港,澳門簽證即可視為得到大粵國簽證.但得到大粵簽證也不能進入香港國,澳門國.
香港澳門人可以做大粵最高元首,參加大粵議會.但大粵人不能做香港澳門最高元首,參加香港澳門議會.
大粵國防軍提供對香港國,澳門國保護.香港澳門國人可以參加大粵國軍隊,大粵國人不可參加香港國,澳門國軍隊”

上述既条款系建国初期非常必要，为保护港澳被支那化提供左一道有效既屏障，但我认为应该设立时间表，系一定时间内实行大粤国去支那化以及脱共遗害，当目的达到既时候，大粤联邦就可以取消上述限制，享受自由既公民社会。我好欣赏楼主提出既单向政策，因为可以利用港澳支那化程度尚小既特点反哺大粤，对我国复国建设好有利。

本贴置顶并公告。

澳門有開放賭業,現在不知到大粵人民對賭博的制度看法.只好把它以個別例子處理.如果併入珠海,那珠海不是也要開放賭業.

[quote="lilian1318"]引用：“香港澳門人可以做大粵最高元首,參加大粵議會.但大粵人不能做香港澳門最高元首,參加香港澳門議會。”
quote]

嚴正抗議！反對呢條！

簡直係亂嚟！假如係噉，噉就係港澳嚴重干涉我大粵民國嘅主權同內政！

粵港澳關係係平等嘅，憑乜嘢大粵民國嘅總統要搵個香港或者澳門人嚟做？

大粵民國嘅總統一定要係土生土長嘅大粵民國公民，喺立國之初嘅頭一百年，原則上要喺大粵土生土長嘅粵族人裡頭選出。

香港人做返佢哋香港共和國嘅總統。

澳門人做返佢哋澳門共和國嘅總統。

未來粵港澳三國關係：

係特殊國家關係，係親緣國家關係。有如英美特殊關係一樣。

不過特殊歸特殊，親緣還親緣，三國之間嘅關係一定要係平等同對等嘅，三國要相互尊重各自嘅主權，互不干涉各自嘅內政。

諸如咩嘢“香港人澳門人可以做大粵最高元首，參加大粵議會，但大粵人不能做香港澳門最高元首，參加香港澳門議會”；“可設邊防限制大粵人到香港國，澳門國，大粵國不限制香港國，澳門國人出入大粵”唔該統統收埋佢。因為噉係港澳嚴重干涉我大粵民國嘅主權同內政！

最後結果如何，由香港澳門民眾投票決定

無論結果如何 ，大粵國居民會尊重香港人的選擇

如果大陸實施民主聯邦化,我建議大粵民國加入中華聯邦,作為一個加盟共和國

我哋大粵國臨時政府越來越專業啦~好啊！我哋要將廣大獨立同目前中國大陸0既民主運動結合起黎，爭取撈佬概理解同支持，以減少阻力，同時也推進大陸民主化，瓦解中共獨裁，分化撈松實力，以圖保證大粵建國順利同安全。

當看到邦聯同聯邦（confederation and federation）受中原人奴化者必定想起春秋時代嘅諸侯國同某D時代嘅藩王割據，呢個就係深受大一統觀念嘅荼毒後果。諸侯國乃周天子分封，（唔係當地人建立嘅地方政權，係周朝王族分封到各地）只不過後期占地為王而已。理論上就同而家中國派官員到各省任職，如果有官員占地為王成咗軍閥一個道理。諸侯任命官員要向周天子回報同各省官僚要到中央述職見黨主席一鬼樣。中原人國家觀念歷來就係中央管地方，地方不能自治，只係有時中央權力大，有時地方官僚唔聽中央講而已。中國根本就冇存在過邦聯或聯邦時代，以後也唔會出現。妳問我點解？好簡單，因為撈頭有中原王朝天下觀。佢哋視其他族群為蟻民，蠻夷，只有被其統治先可天下太平。就係到咗現代，西方列國打到中國爬喺到，撈人都仲係叫人哋蠻夷。如果冇四大發明D鬼佬仲喺度耕田。改革開放後廣東上海經濟騰飛，撈頭講得最多嘅就係粵人唔講文明，吳人係破漁村民不可理喻同香港爛（難）漁村民有得比，冇咗阿爺死硬。可見中原人嘅優越感從來就如此。中國其實就系D撈頭為咗殖民掠奪中原以外民族或地方而建立嘅帝國（蘇聯翻版佢）。撈頭明白到其愚民教育管制方法嘅公平競爭社會，中國一定會敗亡。所以要不斷用武力向外殖民消滅有可能嘅競爭對手，將其奴化。天下大一統為其最終目的，懂漢字講漢語嘅地方都係中國嘅一部份。呢個帝國結構建立喺D撈頭為上等公民，其他人都係次等。國家觀念就係冇咗撈頭皇帝同撈頭父母官，天下就大亂國家就唔存在。所以其他民族天生註定被撈頭管制。人人平等同政府為人民公僕嘅概念對撈頭嚟講係笑話。國家為人民所有，地方官員應由當地人選出，國家議會有地方代表組成根本就不在撈頭嘅文化裏面。
近期有好多人大肆宣傳中華聯邦概念，反對各民族獨立建國，反對台獨同港澳特區化。最有名嘅講法莫過於“如果廣東獨立噉中山開平又得唔得獨立？中共唔民主，唔係獨立嘅理由。等到佢民主咗可以要求佢改聯邦制，到時實現自治。”其下之意係D大蠻夷要獨立，噉D小蠻夷得唔得獨立？梗係唔得啦。點可以冇王管？脫離殖民係唔可能啦，不如叫D主人比多D自由過妳重好。撈頭從嚟就唔會分權比其他人。睇下D所謂自治區就知道，都係D撈頭管軍政財。除中原外，其他地方人都唔可以做級別較高嘅官員。所有高官都由撈頭委派，毫無自治而言。中華聯邦只不過係水中月鏡中花，比人發下白日夢等撈頭好用另一方式繼續殖民掠奪。

最好就联邦拉，邦联同埋盟国关系都太疏离
盟国更适合对台湾嘅关系，同埋周边民主国家

好似澳洲同新西蘭咁就得啦。

亂噏廿四！支那嘅民主關我哋粵國叉事吖！

唔理佢支那民主唔民主，我哋大粵一樣要脫離支那獨立！

聯邦制，設：

聯邦自治市：
香港自治市、澳門自治市、廣州首都自治市。

州屬：
廣府、潮汕【閩南語潮汕片為第二官方語文】、雷州【閩南語雷州片為第二官方語文】、客家【客家語為第二官方語文】。

借問一聲請問香港共和國有冇網站?

有！

香港獨立建國聯盟（我是香港人連線）

http://www.hkfront.org/

感覺英支色彩太濃厚，HK本土味突顯唔出嚟。

我公布我本人認真思考後的結果。

香港，澳門。做大粵民國的特別行政區，有自己基本法，有可以特首，全民直選，高度自治。

理由：因為變化最少，所以成本最低。

廣東人做香港澳門主人，我相信香港澳門人會有真正嘅“回歸”感。

我就投左國與國,
作為一個香港人,我梗係想香港有返自治權啦,如果聯邦制,國家統一 同 同盟國, 真係會令香港矮化, 始終我地有自己的經濟同司法制度,澳門亦都係,
但係我都想3個國家之間有某程度上的合作,粵嚟粵掂講的"親緣國家關係"我AGREE,凝聚實力又唔會干涉大家

咪壓港澳同我哋大粵聯合


假如以分裂嚟壓港澳同我哋聯合，港澳會服咩？妳要知道，香港同澳門而家係攞著國際行政實體嘅金漆身份嘅，佢哋可以以獨立行政實體嘅身份嚟參加一啲國際組織同國際賽事，呢個殊榮，我哋兩廣直到今時今日都冇法子享受得到。再講，喺支那嘅架構底下，我哋成日話省港澳省港澳，港澳入粵之後就肯定會變成穗港澳，甚至再降一級變成深港澳，港珠澳之類，呢個地位落差對港澳嚟講實在太大喇！而且，大粵不嬲係廣州行先，廣州絕冇可能讓出大粵龍頭老大兼首都之位。地位嘅落差巨大，加上港澳一直以嚟對粵有著心理上嘅優越感，同佢哋喺文化同社會發展等軟實力方面事實上直到而家仲保有對粵嘅先進性，等等呢啲，假如有外圍因素作出不利嘅催化發酵，噉必然好快就會有怨氣出嚟，我哋真係唔想每逢一啲值得我哋粵人歡聲鼓舞嘅日子裡頭，喺港澳嘅街頭，會有連場嘅反粵示威。

都係嗰句，呢啲噉嘅大一統理念睇落好似幾美好，不過其實都係啲鏡花水月，冇幾大可能會實現，因為佢並唔切合現時嘅政治實體格局，無謂畀穗港嘅爭拗亂咗大粵一向以嚟嘅行政體例喇。我哋唔係撈，都係少啲所謂嘅大一統思維喇，呢啲咁垃圾嘅見解對我哋百害而無一益。

點樣維護兩廣裡頭九大族裔關係嘅團結同利益平衡，以促成共同抗撈脫支嘅大業，先係我哋眼前嘅要務。兩廣嘅事都千頭萬緒，仲撈埋港澳越南，殷著消化不良掙餐死。

港澳地方細？細得過星加坡摩納哥？HK1103平方公里700萬人，馬交27.3平方公里50萬人，而星加坡先626平方公里484萬人，摩納哥仲細1.95平方公里3.2萬人。呢個世界面積比港澳仲細嘅蚊形小國仲大把，至於人口，同啲蚊形細國嚟比，港澳算係巨無霸。

港澳衰敗純粹撈繆論，不足掛齒。講真，論文化輻射力同影響嘅持久度，民智活躍度同言論開放度，國際美譽度同國際聲望，現代社會發育嘅成熟度，廣州直至而家仲差緊幾皮畀港澳，BG，SH嗰啲就更加唔使提，根本唔入流。

而家仲搞咩經濟特區？OUT唔OUT啲？直頭當咗HK係SZ咩？唔係吖？而家HK主流民意要嘅雙普選，普選嚟做乜？潛思維咪就係爭取更大嘅自決權，為日後嘅獨立再進一步囉。

粵港澳，唔係父子，而係兄弟


假如港澳粵人肯同我哋大陸嘅兩廣粵人同一屋簷下，分甘同味，我哋兩廣粵人當然無限歡迎，求之不得喇！

假如佢哋唔肯，要分灶食飯，我哋亦都唔可以勉強，我哋兩廣粵人要將港澳粵人當成係兄弟，而唔係仔女嚟看待。

啲撈嘅思維其實就好似妳上邊所講嘅一樣，家長意識！專制蠻橫！佢哋唔單止唔知醜將我哋大粵當成係佢嘅“仔女”，仲妄圖喺呢個基礎上要我哋聽晒佢支笛！以為妳係我“生”嘅，我打死妳都得！而且，仔大仔世界！呢句嘢我諗妳都聽得多喇！

港澳之前過繼咗畀英葡鬼佬咁耐，佢哋啲思維肯定同我哋大陸嘅兩廣粵人有好大差別嘅。

粵嚟粵掂講嘅有道理。

吾理點樣，我地，無論廣東，廣西，香港，還係澳門，海南，同埋全世界粵語人，廣東話人，都有一個共同嘅最大敵人。。。。就係中國撈，支那撈！！！！！！！！！！！

衹要從粵地趕絕支那撈，普撈。做乜野都值得。

以粵獨嘅視角評《為什麼我想香港獨立/自治》——論粵港統合嘅唔現實性以及粵獨同港獨嘅根源性歧異 兼議粵獨嘅建基：基於自由主義嘅民族主義


《為什麼我想香港獨立/自治》呢篇港獨文寫得理性平和、唔激越、唔標榜，以好平實抒發自身感受嘅口吻嚟阐明港獨理念係基於個人自由意志嘅觀點。同齋怨恨齋鬧支那衰屄嘅《蝗蟲天下》比起上嚟，佢更加入肉噉直接點明香港要獨立，同時亦對港獨理念嘅內核作出相當完備噉表述，文中表現出嚟嘅睿智令人讚賞，不過，對支那殖粵嘅切膚痛楚令我冇辦法認同個中嗰種過於和緩嘅語氣，我欣賞《蝗蟲天下》嘅激情敢鬧，我諗粵獨文章嘅文風應該更加激越昂揚，畢竟香港同大粵嘅處境好唔同，大粵遭受嚟自支那殖民嘅痛遠超HK千百倍。

民主係乜？民主首先係每一個人自己嘅自主，自主係實時性嘅，以前同以後嗰啲人嘅自主代替唔到而家嘅人嘅自主，自主係一種作出選擇嘅行動，呢種選擇由每個人嘅個人感受嚟決定，個人感受係每一個人行動取向嘅根源。港獨基於香港人嘅天賦人權，香港人嘅自主選擇就係香港人權嘅最好體現，香港人嘅個人感受決定香港人嘅自主選擇，假如而家嘅香港人感受唔好，香港就可以獨立，而唔使理會100年前或者100年後香港人嘅睇法，更加唔使理會香港以外嘅人（無論而家嘅，抑或100年前或者100年後）嘅睇法，上邊篇港獨文就係圍著呢個論點嚟寫嘅。

民主精神係全人類都可以受用嘅（即使支撈亦唔例外，佢哋有冇受用呢一福澤嘅稟賦係另當別論），但係民主嘅踐行卻受著明顯嘅族群因素嘅影響，喺多種族聚居地域，民主政治嘅結果喺絕大多數狀況下都祇會傾向於對呢一地域嘅主導族群有利，喺當世國際政治裡頭，經已有諸如英國北愛、加拿大魁北克、西班牙巴斯克等少數族群被屈服於強勢族群之下嘅著名實例。民主除咗實時性之外，顯然仲帶著鮮明嘅民族性。即使支那日後真係出現民主政治，噉亦祇會令漢撈一族獲益，而絕唔會惠及喺支那國家架構下低畀支撈侵殖嘅其他少數族群。所以，粵獨根本毋須關注支那民唔民主，粵獨理念嘅根基在於粵人嘅民族覺醒，繼而反支殖民族自決，最後獨立。個人自由意志嘅元素可以揉合喺民族覺醒度，不過就唔可以替代，粵獨嘅主脈搏係民族覺醒，噉同港獨好唔同，港獨並唔強調香港人係“香港族”，而淨係睇重今時今日香港人嘅個人感受，港獨嘅主脈搏係港人嘅自由意志。

支殖深淺程度嘅唔同同粵港國際政治實體地位嘅差異決定粵獨同港獨各自側重嘅唔同。香港早就畀個圈圈實，早喺百幾年前，HK就經已獲得國際政治實體嘅地位，呢一地位，正係粵獨、藏獨、疆獨等所夢寐以求嘅，HK有條國際社會所公認嘅政治分界線喺度，根本就唔使同支那講妳係乜族我係乜族妳講咩話我講咩話所以我同妳係唔同嘅，而祗需確定妳係大陸嘅我係香港嘅就得喇，HK有咗呢個圈圈，等於擁有香港人身份界定嘅天然標尺，港獨理念嘅建構根本唔使著眼於勾勒出我同支那之間嘅區分線，而祗需本著人權民主同突顯個人自由意志嘅思路嚟做就OK喇。而我哋粵獨所處嘅局面要遠比港獨嚴峻，首先係粵同支嘅分野未有清晰嘅實質嘅界定，所謂嶺南、南粵祗係一個好模糊嘅淨有人文地理而冇現實政治意義嘅一個術語，國際社會係唔會承認一個冇清晰邊界嘅文化區域係一個國際政治實體嘅。所以粵獨要同支那分，先以語言嚟分，跟著就係最關鍵嘅民族覺醒，由語言嚟界定族屬，之後再沿著民族自決嘅路最終實現大粵嘅政治獨立。粵獨係獨立咗至會有國際認可嘅政治實體邊界，粵獨需要以政治獨立嚟確定大粵嘅政治地理界線，以突顯粵支之間嘅區分，而港獨就相反，佢以現有嘅政治界線嚟甄別香港人同大陸人，佢要致力渲染界內香港人嘅反大陸感受以達至HK政治獨立。

喺呢篇港獨文度有一句：唔分種族立國基於友誼，好能夠體現港獨精神，港獨唔需要“香港族”嘅民族覺醒，港獨祗需要喺香港出力催谷香港人嘅反大陸感受，並將呢種感受同HK嘅人權民主掛接好就得喇，港獨可以將港人嘅反大陸感受直接演繹成香港民主運動嘅化身：港獨=反大陸感受=香港人作出嘅選擇=香港民主。港獨祗需要基於港人嘅自由意志，而唔再使有其他嘢。港獨嘅建基點好單一，但卻係非常之高，佢100%同風靡現世嘅自由民主嘅普世價值相通互融，港獨處喺呢一高點上高，根本就唔驚諸如歷史淵源論、嶺南文化論、同一民族論、共同語言論等嘅反港獨理論嘅掣肘。

點樣面對港澳，係粵獨一個好大嘅課題，粵獨裡頭既有諸如創建粵屬香港政治特區、粵港“一國兩制”、粵港聯邦、過份關注香港人嘅粵族認同、強調粵港同根講著同一種語言等嘅各式粵港應該統合嘅思維，亦有粵港澳係三個親密但係互為對等各自自理嘅政治實體嘅分立思維。我係堅定嘅粵港澳分立派，喺好早之前粵協爭鳴嘅時代，我就經已噉諗。睇完上邊嗰篇港獨文之後，我相信各位鍾情粵港統合嘅粵獨同志對港獨應該會有一個更清晰嘅認知：港獨冇任何同粵獨統合嘅思維同意欲。

對於粵獨嚟講，“撈”呢個概念至關重要，佢係粵人區分粵支甄別敵我嘅最重要基準。呢種喺嶺南粵人裡頭廣返流佈嘅族群界定方式，香港卻唔通行，“香港”同“大陸”幾乎係香港人區分自己友定外人嘅唯一標記。香港人“大陸”嘅概念遠勝“撈”呢個概念萬倍，一個粵人同一個撈頭落到HK，香港人唔會專程區分邊個係粵邊個係撈，而祗會以“大陸”、“內地”、“中國”一概論之。即使係粵人，亦顯而易見噉畀香港人標籤成非香港嘅外來人，即使呢種外來人好特別，講著同香港人完全相通嘅語言，亦冇得例外。呢啲就係粵人同港人嘅區別，就算粵人好似支殖政府噉使出諸如歷史、文化、民族、語言等嘅招數都冇用，冇認同就係冇認同，呢啲空泛嘅辭措同港人現時嘅自身嘅感受相比，根本不足掛齒。假如粵人攞歷史淵源嚟同港人講，妳咪港獨喇，嚟粵獨喇，我哋有著共同嘅祖宗，港獨會一句dat埋嚟：我哋衹在乎而家嘅感受，100年前我哋祖宗點諗代替唔到我而家點諗，我同我祖宗係兩個完全唔同嘅人，民主衹體現喺生拗拗嘅人而非死咗嘅人身上，民主嘅魅力在於因時而變。假如粵人扐嶺南文化出嚟，港獨會話，雖然我都認同嶺南文化，不過喺我身度更多嘅係香港文化，佢係英倫文化喺香港嘅土著化版本，堪稱粵英結晶，而妳粵人雖然亦都好興歐西化，之但係妳哋嘅歐化程度遠唔及我呢。假如粵人同港獨講，我哋都係粵族人吖，港獨睇怕會好愕然，因為香港人本嚟就對“民族”呢樣嘢敏感度唔高，而組成而家香港人嘅成份亦都好複雜，既有早期拓展香港嘅蜑家人、圍頭人（廣府人嘅一支，講粵語莞寶方言）、客家人，亦有香港開埠之後嚟嘅廣府人、四邑人、海陸豐鶴佬人、潮汕人、印度人（摩羅叉、啹嘎兵），甚至更有1949年之後由北邊走難嚟嘅吳越人，正因為噉，香港人嘅族群認同會更加著眼於佢哋而家住緊嘅一個叫“HK”嘅島仔，所以妳同佢哋講佢哋係粵語人或者廣東話人佢哋或者仲會勉強接受到。粵人攞共同語言嚟拉攏港人或者係最殺食嘅一招，不過即使係噉，粵獨吸納港獨睇怕都係好勉強嘅，因為共同母語絕唔係共同政治結盟嘅最緊要因素，同一母語而又各自政治分立嘅例子而家喺世界通街都係，而且香港嘅前宗主國英國所屬嘅英語系國家就係最好嘅樣版。

睇到呢度，或者會有粵獨人話，港獨全賴香港人反大陸感受嘅集聚至可以成事，而香港人之所以反大陸，係因為支那衰，香港人更多嘅係借反大陸嚟含沙射影噉反支那，祗要大粵一獨立，大粵就係佢哋嘅“新大陸”，香港人嘅反大陸情意結必定就此消解，港獨一定冇行。不過持噉睇法嘅粵獨人顯然諗得太過天真而且一廂情願，香港而家對“大陸”嘅諸多嫌三嫌四，撈頭嘅惡行固然佔咗其中一部分，但係仍然有唔少係直接針對我哋粵地同粵人嘅，呢樣嘢粵人自己應該好清楚。“新大陸”同“舊大陸”喺港人眼裡頭唔會有質嘅區別，都祗係“大陸”，正如同撈共同撈民運喺粵獨眼中一樣，都祗係撈。

“大陸”呢個概念係因應“香港”而嚟嘅，“香港”有幾耐“大陸”就有幾耐，佢哋係孖公仔，如影隨形。“香港”嚟自一條有過百年歷史嘅為國際社會所公認嘅港支政治邊界，招牌臘臘ling嘅百年老號“香港”，又點會輕易消失？想冇“大陸”，除非先冇“香港”，而要冇“香港”，一係香港人死晒，噉冇可能，一係住喺香港嘅人唔再認為自己係“香港”人，亦即係話，要等到凝聚而家香港人嘅族群認同感徹底崩潰敗壞嗰陣，“香港”同“大陸”至有可能喺呢個世界度消失，但係，一個創造出燦爛現代都會文明嘅族群，會有可能喺頃刻間瓦解咩？

前十幾廿年，粵人會好強烈噉感受得出港人對粵人發自內心嘅優越感，有人話，嗰時粵地窮，所以先至畀港人睇唔起，但係時至今日，粵地經濟實力同生活水準經已大幅提升，而港人依然仲保有對粵人或多或少或明或暗嘅歧視，呢種歧視，係香港人整體對大陸心理抗拒嘅外在顯現，噉正正從反面影射出現時香港人存在著非常強烈嘅內部認同。一個族群之所以存在而唔離散唔畀其他族群歸併，佢要有凝聚力，凝聚力嘅源頭可以係有歷史脈絡可尋嘅宗教文化、語言、民風民俗，亦可以係現代嘅一種國民精神（乜乜魂之類嘅嘢），香港人嘅內部認同，正係源自後者，而且單純源自後者，噉顯然同香港作為政治實體短暫嘅歷史以及佢近現代輝煌嘅成就直接相關（而粵人嘅內部認同則嚟自粵語、古南越文化遺存、同粵人近現代嘅勃興，歷史同現代兩方面嘅元素兼具）。發達嘅經濟同繁盛嘅港式文化，糅合著一貫以嚟嘅英式法治，孕育出一個高度發展融匯東西嘅現代都會文明，以及獅子山下呢一香港精神（最近喺HK勁唱嘅旨在必達港人反大陸感受嘅《蝗蟲天下》同上邊篇港獨文度，就經已明確認定獅子山係香港魂嘅標誌）。假如話，個幾世紀之前由於英國人嘅介入，港支政治邊界出現，催生“香港”，噉隨著英國人嘅撤退而維繫“香港”續存嘅，就係呢一香港精神，佢係香港人族群認同得而存在嘅根源，佢亦係港獨所賴以依存嘅，佢決定咗粵獨同港獨冇可能有共同嘅民意基礎，因為粵人係唔會體味到咩叫做“獅子山下”嘅。

人係有榮譽感、天性喜好自由嘅動物，由個人組成嘅族群對呢一特性係當然承繼，呢個世界唔會有任何一個族群甘願屈居人下，做人哋嘅二等公民，祇要一有機會，嗰啲受異族群壓迫嘅族群就會爭著拆夥分灶，自己嘅嘢自己話事妳話幾好，尤其係喺自由民主風勁吹嘅當代，新生嘅獨立民族國家祇會越嚟越多，呢個現象可以輕易噉喺人性上搵到解釋（聯合國嘅成員國而家越嚟越多，近呢20年嚟，有25個新生獨立國家入聯，而同期祇有2個獨立國家消失）。喺當今反支殖嘅大氛圍下低，有著鮮明粵本土色彩嘅粵獨可以揭竿而起，噉同樣有著自己精神支柱而且起步唔比人遲起點唔比人低嘅港獨當然亦會係自成一體，又使乜依附喺其他脫支勢力羽翼之下？現時，促使香港人成為獨立族群嘅香港精神已經誕生，而且呢一精神喺香港人與日俱增嘅反大陸感受嘅催谷下底被不斷強化（最新近嘅傑作就係蘋果日報嘅反蝗蟲廣告同《蝗蟲天下》嘅勁熱），港獨因此而起。現世香港人腦裡頭顯然祇有香港認同而冇大粵認同，噉亦注定粵港至少喺未來兩三代人內，都唔具備雙方統合嘅民意根基。香港人嘅狀況，同廣西東南部白話人形成鮮明對比，廣西白話人之所以冇自成一系，除咗基於佢哋同廣東粵語人有著共同嘅支殖感受（廣西白話人作為廣西最大族群，佢哋嘅政治地位卻長期低於廣西少數族裔嘅壯族，呢樣嘢同廣東粵語人喺廣東一直畀客家人騎住可謂同病相憐），以及佢哋對廣東粵語人強烈嘅語言同文化認同之外（喺廣西，粵語電視廣播晨早畀撈禁絕，以致催生出廣西白話人對廣東粵語人同廣東粵語文化比以往更熾烈嘅歸附感，廣西白話人之前多次而且至今仍然不斷出聲要求廣東粵語人拯救佢哋），更同佢哋至今未有蘊育出足以令佢哋同其他族群清晰分割嘅精神內核直接相關。

一個族群乃至一個國家嘅衰敗消亡，根源在於呢個族群呢個國家國民凝聚力嘅渙散以至國民精神嘅整體崩潰，同時喺外部，亦要有一個窺視者喺度虎視眈眈準備隨時吞食至得。喺當世通常情況下低，呢樣嘢好少會發生，尤其係喺國家層面（近呢20年嚟祇有東德同南也門兩例，噉同喺冷戰結束之後佢哋賴以立國嘅共產主義精神支柱崩塌直接相關，但係同樣嘅嘢喺深受支那支配嘅朝鮮身上並冇發生），任何族群任何國家，對逆境都會保有強頑嘅抗爭力（否則佢哋唔會存世至今），祗要唔到萬不得已，佢哋係絕對唔會輕言放棄自身嘅獨特色彩以至政治獨立嘅，我哋睇到，即使而家衰到貼地國內七國咁亂又海盜又饑荒嘅索馬里，亦絲毫冇放棄自身主權嘅諗法。不過噉，凡事都有例外，海地算係唯一嘅特例，幾年前，貧窮積弱嘅海地發生特大地震，首都太子港遭受滅頂之災，面對立國以嚟最犀利嘅天災，海地人普遍頹廢放棄，要美國接管海地嘅呼聲甚囂塵上，呢個就係國民精神崩潰引致國民對自己國家厭惡遺棄嘅最佳例證，當然，後嚟美國並冇接收到佢哋，不過若然美國真係有心，噉睇怕海地晨早就畀美國統合咗，而且，呢種統合仲係基於海地人自己意願嘅添。

喺現世崇尚個人自由民族自決嘅國際政治氛圍下低，假如一個細國家或者細政治實體嘅國民普遍有心加入一個鄰近大國，而呢個鄰近大國嘅國民亦普遍有意接納，噉雙方完全可以通過各自嘅全民公投嚟確認並完成呢一統合，國際輿論亦唔會有乜反彈，因為，噉係建基喺統合雙方各自民意都同意嘅基礎之上嘅。老一輩嘅粵人曾經仲好記得，五六十年前嘅香港並唔繁榮，亦唔係咩東方之珠，經濟同文化發展更遠唔及廣州，嗰時仲有著唔少嘅香港人因為粵地生活好而回流大陸，呢陣假如剔除英國同支那兩個外在政治因素，就齋以民意決定歸屬呢一現世普遍認可政治準則嚟一次粵港公投，噉相信贊成粵港統合嘅幾率會好高。不過，隨著粵港實力對比喺呢五六十年間發生巨變（雖然現時產經力粵已經追貼，不過文化力粵仍然大幅落後），大粵現時而且至少喺往後50-75年之內都唔再具備推動粵港統合所需要嘅嚟自香港方面嘅民意資本（雖然喺大粵本土呢方面嘅民意資本一直充盈，不過噉並冇作用，粵港統合嘅關鍵唔在於粵民意而在於港民意）。而家嘅香港唔再係往日跟喺粵後邊嘅二流貨色，香港人亦從寡少渙散變成齊心聚眾，最關鍵嘅仲係，凝聚而家香港人並預期繼續凝聚未來至少兩三代香港人嘅香港精神已經誕生，而五六十年前嘅香港人根本就冇“獅子山下”噉嘅概念。自由民主呢一普世價值主導著現時全球政治生態，喺呢種架構下低，民意決定一切，要統合一定要雙方民意都認同至得。顯然，噉事實上形成咗一道粵港統合所難以逾越嘅屏障，因為，想要有著強烈內部認同、繁盛富足、現代文明發育程度極高嘅香港出現類似海地噉嘅狀況，而家嘅機會係零，往後50-75年嘅機會亦會無限趨近於零。

當然，粵港統合唔一定係粵統合港，港又有冇統合粵嘅可能呢？粵獨人裡頭主張大粵建都香港嘅，估計就係出自噉嘅思路。不過，呢一思路顯然欠缺民意同往績支持。首先，建基各有唔同嘅粵獨同港獨喺粵港未獲獨立之前一直係分立互不統屬嘅兩個系統，粵獨同港獨並冇合併嘅可能，所以粵港統合並唔係粵獨港獨先統合咗再一齊共建一國，而係粵獨同港獨喺大粵同香港各自先行建國跟著再兩國統合。噉樣嘅統合，代表著令各自唔同於對方嘅獨特性嘅消失同雙方利益嘅重新攤分，對於富而細嘅香港嚟講，極冇著數。將香港嘅財富利益資源攤薄畀北邊嘅“大陸哩”，香港人絕對唔制，正因為噉，所以香港人一直以嚟，都祗著眼於香港嘅權益，香港人亦從嚟冇諗過要將香港嘅邊界延伸過深圳河以至成個大粵。即使粵獨讓利將合併之後嘅國都定喺香港，亦難以令香港民意信服，反而會畀香港人覺得呢個祗係令佢哋落疊嘅一個局。因為，國內人口向國都集聚幾乎係一個世界性現象（東方國家更係如此，大粵冇可能會例外），香港既為大粵國都，冇可能再長期將自己同大粵其他地方隔離開，大量大粵人口嘅擁入係可以預期嘅事，而且，香港亦冇可能繼續嬌嗲做金波囉，香港賦稅必然會有一部份上繳大粵聯邦政府（首都民眾唔使向所在國政府納稅從古至今聞所未聞）。我哋應該清楚，人口侵殖同資源被佔正正係催生港獨嘅根源，突然間有咁多亞燦二世擁嚟，水又畀人泵走，到時睇怕呢支《蝗蟲天下》又會喺HK畀港人勁唱。

況且，若然真係由香港主導粵港統合，港獨理念必定乘勢北進大粵，祗不過以香港人反大陸感受為支點嘅呢一理念專屬性好強，一離開香港就會水土不服，將呢樣嘢扐上嚟大粵盞會畀粵人鬧。唔通為咗統合，粵人就要屈質自己做二等公民？粵人民意制咩？退一萬步，假設大粵其他地方都容忍（雖然事實上噉冇可能），不過可以絕對肯定嘅係，廣州民意一定會強力反彈。呢種由香港主導嘅統合，令廣州地位必降，廣州人一定唔願，或者妳會講，廣州民意代表唔到全大粵民意，的確，廣州代表唔晒全粵（雖然喺大粵民意裡頭廣州民意擁有事實上嘅高權重），但係廣州卻可以代表到粵獨，廣州係粵獨嘅象徵，粵獨嘅根髓喺廣州，而冇粵獨就唔會有粵國，冇粵國粵港統合根本就子虛烏有。

香港同星加坡有著相同嘅定位，佢哋都祇係存在喺現世嘅商業性質城市共和國，喺歷史上，有唔少呢類型嘅國家出現過，諸如威尼斯、熱那亞、佛羅倫薩甚至仲好有名，同而家嘅香港同星加坡一樣，佢哋最顯著嘅特點亦係細而富。呢啲的式嘅城市商業共和國，普遍對拓殖疆土冇乜興趣，佢哋亦唔需要噉做，佢哋嘅命脈在於貿易，佢哋嘅國民趨利而冇大嘅政治視野，往往祗睇重本埠一地嘅利益得失，噉嘅性質注定佢哋冇辦法好似重農工尚兵武嘅古羅馬同莫斯科噉，從一個小城邦壯大成超強帝國。呢個亦可以解釋到，點解最後喺意大利話事嘅係嚟自都靈嘅撒丁王國而唔係威尼斯同熱那亞，而統一德意志嘅係嚟自柏林嘅普魯士而唔係漢堡同不萊梅兩個自由市。嚟到現代，呢啲袖珍嘅商業共和國聲勢更差，星加坡堪稱當代最標青嘅城市共和國，但係要佢主宰並唔算大嘅大馬亦屬奢望，而當年同星加坡比肩嘅另一粒前英屬海峽殖民地嘅明珠：檳城，乾脆就畀大馬食埋。喺世界政治史上高，至今仲未有一例由一個商業性質城市共和國統合鄰近遼闊國家嘅成功個案。大粵嘅國土規模同人口以及而家嘅實力遠非1960年代嘅大馬可比，星加坡50年前做唔到嘅事，唔見得將來嘅香港有幾大機會做到。蛇始終係吞唔到象嘅，除非佢變身成小暴龍，之但係，香港根本冇潛能同可能成為另一個16世紀嘅莫斯科。

而論獨立嘅難度同進度，粵獨注定要比港獨崎嶇，粵獨所要行嘅路同所要解放嘅國土，比起港獨，要大好多，我哋完全冇理由相信，大粵都獨立建國而香港依然仲係支那屬下嘅一個特別行政區。港獨要比粵獨快成事嘅幾率好高，既然人哋都經已先行獨立，做乜仲要舒尊降貴做妳粵國嘅一塊屬地？況且港獨仲唔係唔使成本嘅添，噉就畀人歸併，香港國政府又點對得住為香港獨立而獻身嘅志士？呢樣嘢港獨係絕對唔會應承嘅，假如粵國唔理有香港民意力撐嘅港獨嘅感受，疊埋心水一意孤行，噉就係對香港民意嘅強姦，同時亦係對一個國際認可嘅主權國家嘅入侵。

按最保守嘅時間嚟推，係粵獨同港獨喺同一時間功成，不過即使係噉，粵獨亦好難以諸如“一國兩制”、粵港聯邦、高度自治之類嘅名目嚟箍實港獨。“一國兩制”、高度自治呢啲嘢早就喺香港臭名昭著唔在講，而最關鍵嘅，係粵獨同港獨一直以嚟，都係各自分立彼此互不涵蓋亦無法取代對方地位嘅兩個系統，港獨嘅萌生比粵獨更早，兩者按著唔同嘅思路嚟行，雖然彼此間有脫支嘅共鳴，不過就冇足以催發佢哋產生聚合嘅強力要素（港獨同粵獨就有如港獨同臺獨港獨同藏獨一樣，有嘅祇係共鳴共贏，而唔係共通共同）。未來粵港嘅政治走勢話畀我哋知，無論係粵統合港抑或係港統合粵，幾乎都冇可能（粵係襄王有夢港就神女無心，基於粵地民意壓力，粵亦冇可能對港無限讓利），若然勉強為之，勢必搞到粵政動盪，到時睇怕粵港要好似當年星馬噉，聯抉上演喺三兩年內分完又合合完再分嘅馬騮戲至可以收科。

呢度亦會有人問，噉點解粵獨唔尋求同港獨盡可能多嘅共通，行好似港獨噉祗需要純粹基於粵人自由意志嘅粵獨路呢？噉唔係可以更好噉拉近粵獨同港獨之間嘅分歧咩？答案好簡單，大粵冇香港所具備嘅為國際社會所公認嘅可以同支那本土清晰分開嘅政治分界線以及由之而嚟嘅國際政治實體地位。假如法國人喺100年前將法屬廣州灣（而家嘅湛江）嘅政治邊界延伸至涵蓋兩廣而且呢條政治邊界可以一直保留至今，噉粵獨完全可以按港獨模式行港獨而家行緊嘅路，而毋須過份強調粵人獨特嘅民族性呢樣嘢。

就港獨而言，佢完全毋須擔心發生喺香港境內以反大陸感受為基調嘅民眾群體運動畀人當做係支那民運嘅一部份，香港一啲泛民友口口聲聲聲稱香港民主係支那民主嘅一部分，剔除呢句嘢裡頭佢哋主觀嘅支奴傾向，查實更從反面突顯咗香港民主同支那民主嘅天然分野，國際社會根本就唔會認為發生喺香港界內嘅民主活動係支那範疇之內嘅民主。一條國際社會公認嘅政治分界同一個國際社會認可嘅國際政治實體地位嘅作用就可以咁交關。祗要呢條分隔香港同支那嘅政治邊界唔消失，噉香港民主就永遠都唔會畀支那民主惡意標籤、異質、以至收編。而一旦界內香港人嘅反大陸感受畀港獨催谷到過半數以上，港獨就可以以香港自由民主由香港人自己決定嘅大大條道理嚟名正言順噉帶領香港獨立建國。

粵獨就唔同，粵域同支那冇明確分界，假如粵獨好似港獨噉純粹以粵域民主為主軸嚟展開行動，唔使幾耐，粵獨就會發現，佢正喺度蕩失路，佢正畀撈民運強力侵蝕，以至異質敗壞。國際輿論亦唔會刻意同妳分開粵域民主（以至粵語民主）同支那嘅撈民運，而祇會一概以支那民主論之。正正因為噉，民族覺醒至顯得對粵獨咁至關重要，粵獨祇有將獨立運動嘅性質昇華成爭取民族自由呢樣嘢（而唔係捍衛母語保育文化或者其他），至足以彌補冇粵支政治分界所帶嚟嘅先天缺失，而祇有到嗰陣，粵獨至可以去到而家藏獨所處嘅嗰種一眼就畀人清晰分別敵我嘅階段（藏支之間一樣冇清晰嘅政治分界，但係就冇人認為藏地民主係支那民主嘅一部分）。所以，粵獨同藏獨一樣，注定係一個以民族性為基調嘅自由運動，粵人自由意志嘅最好體現，就係粵人嘅民族自由，有咗民族自由，就意味著獨立嘅粵國，並由此帶嚟國際社會認可嘅粵支政治分界。

相比於單純建基喺自由主義嘅港獨，粵獨嘅核心內涵要更加複雜，粵獨本質上係一種基於自由主義嘅民族主義，粵獨精神係粵本土民族覺醒思潮同粵本土世居民眾自由意志展現嘅混合濃縮。精神可以虛擬構建一啲令人嚮往嘅呢種精神所認為嘅理想目標（甚至有啲目標喺當代人眼中睇嚟係天馬行空），以令信眾明白佢哋往後要行嘅方向。不過，精神嘅具體踐行需要考慮現實嘅政治。粵獨所植根嘅民族主義必定會提出，粵港澳而家嘅分立係百幾年前歐人同支撈共同瓜分大粵嘅結果，粵獨可以唔承認呢一有損於粵嘅安排。的確，百幾年前嘅呢一安排直到而家仲依然令好多粵人好唔啹，呢個亦都係粵獨裡頭收返港澳一直呼聲不絕嘅最重要原因。粵獨當然有權譴責百幾年前嘅不公，但係卻唔應該採取單邊主義用事實嘅行動嚟取消呢一安排，噉意味著對兩個獲國際公認嘅國際政治實體嘅公然入侵。以反殖民地化嘅角度，採取單邊主義行動強行統合域內嘅他國殖民飛地（大粵可視港澳為前英葡今支那喺粵域境內嘅他國殖民飛地）確係粵獨嘅其中一個選項，喺1950-1980年代，國際政治充斥著反帝國主義要求殖民地解放嘅濃烈氛圍，印度同印尼就係借咗呢個東風，喺1954、1961同1976年分別以武力吞併法屬本地治里、葡屬果阿同葡屬東帝汶。之但係粵獨所處嘅年代，並冇強烈嘅反帝反殖嘅國際政治氛圍，取而代之嘅，係自由民主嘅普世價值（冷戰之後歐美嘅國際贊譽度大增，經已唔再係昔日邪惡“帝國主義”嘅象徵），而港獨同粵獨啱啱就建基喺呢一價值觀之上，所以粵獨經已冇咗強行單邊行動嘅外圍有利先機。粵獨嘅呢一選項固然仍然存在，不過卻冇現實嘅可行性。

祗要熟悉世界政治史，應該好清楚普世價值呢家嘢係會變嘅，畀現世人強烈斥責嘅種族歧視同殖民主義喺一百年前卻係世界主流嘅普世價值，去到冷戰時代，帝國主義同共產主義（通常伴隨著反殖民主義）並立成為世界兩大主流普世價值，冷戰之後，自由民主思潮（通常伴隨著文化多元以及民族主義）獨霸世界並成為現世主流普世價值。普世價值祇係一種流行時間以年代以至以世紀嚟計嘅政治潮流。所以，一百年後自由民主仲係咪保持得著世界主流普世價值呢一地位，好難講，或者可以，或者會讓位畀民族主義，或者會讓位畀宗教主義，一百年後影響粵港統合嘅國際政治生態係點，冇人會知，粵港統合最後係咪成事，睇後世粵人嘅機變因應喇。不過喺依家凡事講求民意噉嘅狀況下低，粵獨如果仲依然單方面強調唔合事宜嘅粵港統合，甚至諗埋採取諸如封鎖禁運等嘅超戇居手段夾硬嚟，噉顯然衹會惹嚟香港方面嘅強烈戒心，港人會異常關切自己受到威脅嘅政治獨立，以至引發佢哋不惜一切噉去尋求外力嘅保護。

禁運係撈頭好鍾意成日噏喺口嘅懲治香港嘅王牌，並自認為呢個係一種令香港屈服嘅好好嘅手段，所以喺《蝗蟲天下》裡頭至會有句“如果冇支那，香港晨早死”嘅嘢嚟畀港人反潤。好不幸，而家我哋唔少嘅粵人亦畀呢啲傻撈所蠱惑，居然認同禁運係對港施壓嘅好翹，實在太悲哀喇，呢啲蠢過隻豬嘅友仔都唔認真搵隻腦諗諗，我哋依家並唔生活喺由大陸皇朝控制一切主宰所有資源命脈嘅古代，自中世紀結束，世界就進入咗環球海洋貿易嘅時代，香港靠海嘅地理位置天生就令佢擁有優越嘅抗禁運稟賦，所以，一早就冇咗齋靠陸上禁運就可置香港於死地呢支歌仔唱喇。況且，有星加坡嘅經驗教訓在先，香港因應對港禁運亦絕對唔會束手無策，佢肯定會有計（諸如海水淡化、增建電廠、海路補給、限電限水、食物配給等）紓緩因陸上禁運而引致嘅種種負面影響。仲有一樣嘢就係，無論支那抑或大粵，都冇能力抵擋得著因禁運造成嘅人為人道主義災難所招致嘅長時間嘅強大國際輿論譴責。

既然禁運唔得，噉封鎖又點吖？禁運派肯定會噉問，佢哋甚至會話，既然支那都敢豪言“封鎖”臺灣，噉大粵唔通連封鎖香港都做唔到？香港比臺灣細得多兼且仲同大粵本土黐到實又冇隔著道海啵。冇錯，大粵的確有全面封鎖香港海陸空嘅先天疆域優勢。雖然香港唔似得萊索托聖馬力諾呢啲內陸國噉，四邊都畀大粵陸地氹氹kwaak圍住，香港祇有北邊同大粵本土相連，香港嘅南邊東邊西邊都靠海而同大粵本土形成天然分隔，之不過，香港嘅領海並唔廣闊，喺香港領海嘅外圍，星羅棋佈噉散佈著好多屬於大粵嘅島仔（諸如桂山島、牛頭島、大小蜘洲、三角島、東澳島、白壢島、竹洲、大小萬山、外伶仃島、隘洲、三門島、擔桿島、二洲島、直灣島、細擔島、廟灣島、北尖島、平洲、大三門島、小三門島、青洲、針頭岩島等等），以呢啲島仔為基準，外延12海里嘅海域都係大粵嘅領海，而呢啲領海嘅上高，即屬大粵領空。雖然喺擔桿島以東同青洲以南區域，大粵領海領空畀香港領海領空同公海國際空域夾持成窄帶狀，不過噉並唔阻礙珠江口以東大粵領海領空仍同珠江口區域大粵領海領空連成一片而將香港領海領空完全包圍呢一事實嘅確立。香港嘅領海領空之外，並唔係公海以及國際空域，而係大粵嘅領海領空。喺技術上，大粵封鎖香港，等同於對港施行包括陸上禁運、海上禁運、空中禁運在內嘅全面禁運。陸上禁運唔講嘞，我唔運嘢畀妳噉就係喇。封鎖香港嘅重心在於海上禁運，基於香港領海嘅外圍都係大粵領海嘅事實，大粵可以以進出香港嘅船隻並非無害通過大粵領海為藉口，隨時對從香港水域駛出嘅船隻關閉本國領海（準入而唔準出），或者禁止外來船隻駛入同香港毗連嘅本國領海（準出而唔準入），又或者兩樣一齊做，從而切斷香港嘅海運補給。至於空中禁運，凡係出入香港嘅航線，無論向東南西北，都要飛越大粵領空，大粵可以隨時對從香港機場起飛嘅航機關閉本國領空（準入而唔準出），或者禁止外來航機進入毗連香港嘅本國領空（準出而唔準入），又或者兩樣一齊做，從而切斷香港嘅空運補給。封鎖查實係禁運嘅強化版，禁運至多係我唔運嘢畀妳，但係我亦唔阻著人哋運嘢嚟妳度，而封鎖就唔同，唔單祇我唔運嘢畀妳，連人哋運嘢嚟妳度我都唔畀。對香港嚟講，遭受封鎖要遠比遭受禁運嚴峻得多，香港農田奇缺人口巨眾，作為港人主糧嘅大米要依賴海路全數從東南亞入口，一旦海運受禁，香港喺短期內就會發生饑荒，一場大規模人為嘅人道主義災難在所難免。顯然，封鎖香港所帶嚟嘅後果非常嚴重，佢唔淨祇會引致國際社會對大粵更嚴厲嘅譴責咁簡單，分分鐘仲會惹嚟國際制裁以至國際軍事干預。

講完禁運封鎖，而家就嚟講講至激嘅“終極解決”方案：直接進兵。香港雖然淨得700萬人口同千leng平方公里嘅領土面積，不過佢係蜚聲世界嘅大都會，國際知名度極高，入侵佢所惹嚟嘅嗰啲矚目遠比入侵嗰啲人多但貧窮落後社會發育程度低嘅山卡喇國家要多得多。假如粵軍係都要悍然侵港，噉顯然係最白痴嘅選項。講軍力，香港拍馬都比唔上要同支那直接對抗嘅大粵，呢個係絕對肯定嘅，假如出其不意，唔喺北邊羅湖凰崗沙頭角正攻而從東邊大鵬同西邊萬山渡海，迂迴登陸HK東邊嘅馬鞍山將軍澳柴灣同HK西邊嘅大嶼山南丫島香港仔，由兩翼直插香港腹心，噉大粵完全可以喺3日之內軍事控制全港。不過跟著落嚟嘅，係粵國將面臨極之惡搞嘅局面，嚟自國際社會嘅政治聲討係必然嘅，國際禁運、經濟制裁好有可能，支那會借頭借路乘機南侵，甚至美國嘅航母編隊亦會駛嚟珠江口，屆時大粵將會南北受壓，危在旦夕。香港臨海，並唔喺內陸嘅山卡喇，美國並唔需要冒險深入大粵內陸腹地，喺海邊就可以展開行動，相信大粵獨立之初粵軍陸軍同粵軍山地戰嘅戰力，必定遠強於佢嘅海軍同海陸兩棲戰嘅戰力（大粵獨立戰爭粵軍同支軍肯定會以陸上交戰為主），呢個時候同美軍喺海邊打，粵軍冇著數估都估得到，即使粵軍呢陣果斷退兵，不過都已經遲，困局經已鑄成，假如呢陣支那傾全支軍力侵粵，相信大粵呢時並唔會獲幾多國際支援。為咗香港而得失美國呢個大靠山，仲要面臨國際制裁，獨力面對支那嘅南侵，呢個代價並唔係啱啱至獲得獨立嘅大粵所可以承受嘅。香港同星加坡一樣，都係西方文明喺東方成功嘅典範，歐美會視佢哋（以至菲律賓）為同一文明系統，係自己友，美國會極之睇重，美國可以為一個小小嘅科威特大動干戈，香港同星加坡同樣可以，呢個亦都係印尼唔敢喐星加坡卻膽敢吞併東帝汶嘅最關鍵因素。膚淺嘅人會認為美軍去科威特係為咗石油，查實深層嘅因由係為咗捍衛歐西人一直引以為傲嘅自由價值觀，而海灣嘅酋長國正正係歐美自由價值觀喺阿拉伯世界嘅展臺。伊拉克喺入侵科威特之前，一樣係美國嘅盟友，之但係佢出兵之後，美國一樣冇面畀。對軍事佔領香港，粵獨千祈咪抱著僥倖心理嚟賭大粵嘅國運。

喺上邊篇港獨文度，就有提及過星加坡嘅例子，可見港獨對強大鄰國要脅威逼噉嘅危峻局面顯得早有提防。顯然，香港最可靠嘅外力軍援會嚟自美國，尤其係美國嘅航空母艦，最極端嘅狀況，就係美國嘅其中一個航母戰鬥群會以香港為母港，作長久駐紮。而家美國話要重返亞太，首選喺澳洲北部達爾文同星加坡輪流駐軍，菲律賓又嗌著不而侵埋我喇（菲軍已經正式邀請美軍共同駐防呂宋或者巴拉望），我哋睇真啲，呢啲國家都係歐西文化底嘅，所以假如日後港獨強烈提出美軍駐港，噉成事嘅幾率真係好高。

一旦美軍駐港，檯面上嘅藉口必定係反支，一如美軍喺韓國一樣，要前沿存在，而港獨方面，佢講出口嘅理據當然同樣係反支，不過實質就係想借美軍之力拒粵。呢個就有如美軍喺澳洲同星加坡嘅輪流駐防，檯面上係提防支那南侵，檯底下就充斥著抑制印尼嘅味道（呢樣至係星加坡請美軍嚟嘅最主要目的，而澳洲亦擔心人口眾多嘅印尼會向佢空虛嘅澳北滲透），美軍喺東南亞存在，事實上構成對支那（東亞超強）同印尼（東南亞亞超強）嘅雙壓制。美軍喺香港嘅存在對啱啱獨立嘅粵國而言，的確相當有利，佢可以形成對支那嘅軍事威懾，從而為大粵全力擺脫建國之初百廢待興嘅虛弱狀態贏得時間。但係，若然大兵力美軍喺香港作長久駐守，噉對大粵嚟講，就絕對唔係一件好事，因為佢會形成對大粵嘅一種隱性牽制，大粵同美國冇可能永遠都冇拗撬，因為大粵需要不斷尋求壯大，而一旦美國對大粵國勢嘅膨脹感到憂慮並試圖制衡，噉駐港美軍就會從一個隱性嘅牽制瞬間變成對大粵腹心顯明嘅威脅。作為對呢種近在咫尺嘅強勁威脅嘅反應，大粵必定要耗費大量嘅精力同銀紙嚟完備珠三角呢一大粵心臟地帶嘅佈防（尤其係要狂谷皮費好重嘅空軍）。

F/A-18E/F將喺可以預見嘅將來成為美國航母上高最重心兼且係長期服役嘅主力戰機，呢種每架售價至少6000萬美金具空中戰鬥及對地對海攻擊雙重功用嘅重型艦載機，一隻美國航母上高至少搭載40架以上（配屬4個攻擊機編隊），另外，航母度仲有預警機、電子攻擊機、反潛機、武裝直昇機等機種，成隻航母至少配備80架各式戰機，戰力足比一個大型空軍基地。而要同呢一航母集群嘅戰力相抗衡，大粵至少要攞出60-100億美金購買戰機，外加飛行員培訓、機載導彈配給、空軍基地嘅建設同維護、戰機維修同保養、地面防空預警系統建設、防空飛彈配給、航空燃油配給、仲有各式後勤人員及物質配給等等，總皮費唔會少於300億美金，而且每年仲要至少扐出50億美金嚟維持呢一空防體系嘅運轉。假如駐港美軍裡頭唔單祇有航母，仲有空軍（譬如駐防F-35、F-15E以至F-22等先進陸基戰機），噉大粵使喺鞏固珠三角防衛上高嘅軍費開支祇會更高。對珠三角嘅佈防當然係需要嘅，但係若然齋要應付質素稍次嘅支那空軍嘅突襲顯然唔使使費咁多，珠三角佈防嘅扯水，同時會牽制著大粵對國境西線同北線軍力嘅投入。

呢一改變，顯然會令大粵喪失好多喺支那身度拓展新領土嘅機會，尤其係會延誤大粵對西粵雲貴呢一古南越人故土嘅收復。對於不斷要求強大以更壯實噉抗衡支那嘅大粵嚟講，呢種阻滯足以致命，西粵可以為大粵帶嚟嘅，唔單祇係對珠江源頭嘅控制以及對西北邊防嘅鞏固，更重要嘅係，統合西粵嘅大粵，將擁有使大粵日後成為世界一流強國最重要嘅先天基礎：廣闊嘅國土同藉此繁衍而出嘅眾多人口，呢樣至係大粵恆久立國並同支那展開長期爭持嘅關鍵（現時兩廣45萬平方公里嘅粵域本土同1.4億嘅粵地世居人口（面積列世界第55位人口列世界第8位），至多祗可以令大粵具備成為中型強國嘅潛能）。遼闊國土同繁盛人口唔係締造強盛經濟嘅必然，但卻係必須，冇呢兩樣嘢，世界上超強經濟體就冇可能誕生，而冇超強嘅經濟，就冇可能成為世界一流強國。西粵對於大粵嘅重要程度遠勝於香港，佢係大粵未來成為世界一流強國嘅要害所在（西粵雲貴涼山，地廣礦多水沛能豐，足有63萬平方公里同3200萬非漢裔土著人口，統合西粵之後嘅大粵，領土面積將達到108萬平方公里，列世界第28位，而世居人口將有1.72億，列世界第6位。若然再野心啲，以清剿逃緬川撈同解救長期遭受緬甸迫害嘅緬東北土著為名，揮軍攻佔地廣人稀嘅緬北克欽實楷同緬東撣邦（務求將大粵疆土直接同印度接壤以更好噉獲取印援以反支），噉大粵領土更廣達139萬平方公里，列世界第19位，人口1.85億，列世界第5位）。而被夾硬吞併嘅香港更多嘅祇會為大粵帶嚟麻煩，尤其係令大粵深陷祇會使粵港關係越嚟越冰凍、祇會令大粵嘅精力越嚟越被無謂噉消耗嘅爭拗黑洞，一個唔忿氣對粵毫無歸屬感嘅香港顯然唔會為大粵實力嘅增進添加任何助益。西粵固然亦會為大粵帶嚟諸如驅逐5900萬雲貴川撈嘅頗大麻煩，不過呢啲同佢為大粵所帶嚟嘅利益相比，仲係好有數為，況且，喺反支殖嘅大環境下低，呢啲嘢好容易通過借力打力而被稀釋瓦解（西粵3200萬非漢裔土著足以將嗰5900萬雲貴川撈撼到五癆七傷，搞掂西粵，大粵根本毋需傾盡全力）。

粵獨要謹記，完全唔睇現實政治環境齋就顧著“民族團圓”嘅非理性民族主義情緒，唔會有助於解決粵港分歧以至粵港統合嘅問題，而祇會令佢越嚟越向不利於大粵嘅方向發展。粵獨必須明白，而家粵港各自分立往後亦必各有各獨立建國嘅趨勢已經幾成定局，既然粵港統合無望，噉對未來粵港關係，粵獨就一定要以國際關係嘅層級嚟謹慎睇待同務實操作。粵獨完全冇必要對粵民族團唔團圓呢樣嘢過份肉緊，即使好似家噉粵民族唔團圓，亦唔會對大粵國家嘅長久續存同防務安全構成潛在或者即時嘅威脅。珠江口防務以及可以預見嘅香港對去支那化嘅模糊態度呢兩樣嘢，至係粵港分立為大粵所帶嚟嘅真正麻煩，大粵務必要向香港表達我哋對呢兩個問題嘅強烈憂慮，並且向港方表明，我哋打算循外交談判、訂立雙邊條約或者協議等嘅途徑嚟謀求相關嘅解決之道。

從地圖度我哋可以好清晰噉睇到，大粵同香港有明確嘅海上邊界（即係而家香港特別行政區區界嘅海上段），呢條海上邊界兩頭連陸，係閉合嘅，佢圈定咗香港嘅領海同領空範圍。喺珠江口伶仃洋以及香港以南以東水域，大粵擁有著淇澳島、內伶仃島、大小鏟島、九洲列島、桂山列島、萬山列島、蜘洲列島、隘洲列島、三門列島、外伶仃島、擔桿列島、佳蓬列島、沱濘列島、針頭岩島等一系列島嶼嘅主權，呢啲島嶼周邊12海里嘅海域都係大粵領海。同時，根據現時粵港海上邊界，大粵同香港分別領有後海灣、大鵬灣嘅北部水域同南部水域。根據地圖所示形勢，莫講話從珠江口東西兩側各港口出港嘅大粵籍船隻唔使行經香港海域，即使係從深圳西邊嘅蛇口又或者從深圳東邊嘅鹽田出海嘅大粵籍船隻，亦根本毋須借道香港海域，所以，擔心香港可能利用地利嚟卡死大粵珠江口航路嘅諗法係純粹多慮，珠江口唔係黑海，香港亦都唔係土耳其。事實上，令大粵真正憂心嘅，並唔係對珠江口航運自主性控制嘅喪失，而係珠江口嘅防務安全。

坦白講，齋一個香港又或者港澳加埋，都唔足以威脅大粵。不過，香港獨立國家嘅身份為外軍可能介入呢一區提供咗一個平臺，大粵嘅擔心就主要嚟自呢樹。大粵對珠江口防務嘅憂慮事實上係同外軍駐港尤其係外軍喺香港部署強大軍力緊密相連嘅，珠江口防務關乎大粵心臟珠三角以至大粵首都廣州嘅安危，一旦敵對勢力借道香港攻我粵心要害，大粵必即陷腹背受敵嘅險境（北有支軍南有出港敵師）。阻止外軍駐港，係大粵珠江口防務成敗嘅要着，我哋祗可以搞掂，唔可以搞waang，喎咗嘅話，除咗令國防皮費大增影響大粵對西粵等重心利益區域嘅拓殖部署之外，大粵本土仲會面臨著被南北夾擊嘅威脅。點樣預防避免外軍尤其係強勢外軍駐港呢一不利情勢發生，係對大粵外交手腕嘅一個嚴峻考驗，更係一個大粵對香港係咪真係唔吞唔謀嘅誠信測試。我哋都好清楚，外軍駐港必然同香港擔心自身安危息息相關，所以，解決呢一麻煩嘅根源首先在於釋除港方疑慮，大粵要令香港清楚知道，大粵對香港冇野心，大粵願意向香港保持高軍事透明度嚟證明呢一點，同時，大粵亦要向香港表明，反支絕對唔係外軍駐港最重要嘅理由，大粵會視香港邀請外軍駐港嘅行動係一種香港對大粵經已唔再信任同唔再友善嘅負面訊號。因為，若然真係反支，根本就毋須留喺香港，大粵至係反支嘅前線，大粵甚至可以直接邀請外軍尤其係美軍駐粵，大粵比香港更靠近支那，外軍尤其係大數量外軍作戰部隊留駐香港，祇會令大粵對香港嘅猜忌越發加深。

外軍駐粵顯然比外軍駐港要好操作得多，皆因主動權揸喺自己手度，我哋自己對駐粵外軍嘅部署強弱裝備動向等底細冇理由唔清楚，即使退一萬步，駐粵外軍打算干涉大粵內政要打返我哋，我哋都未至於懵然不知匆忙應對，因為，我哋肯定會有呢方面嘅應急預案。至於駐粵外軍嘅來去，我哋想佢嚟嗰陣可以擺支那上檯，大嗌支那威脅就係，而一旦唔想佢喺樹，我哋就可以使出民意強力反彈呢招殺手鐧，“暫時”請佢哋返歸，而根本唔使擔心請神容易送神難嘅問題。我哋隔離嘅菲律賓對呢壇嘢可謂認真灑家，佢哋對美軍就曾經做齊晒呢兩樣嘢，鐘意就請妳嚟，唔鐘意就請妳走，將一個世界超霸舞嚟舞去，的確瀟灑。弱國點會冇外交？關鍵係睇妳點去善用時勢。

為咗提升粵港雙方嘅軍事互信同彼此間嘅軍事透明度，大粵方面可以向香港提出以下一啲建議同合作。一：訂立軍演共同參與準則。凡喺珠江口區域，粵港若然其中一方要會同他軍共同演習，噉另一方亦必然獲邀參與其中嘅所有演習科目。二：訂立軍事調動互相通報機制。凡喺鄰近香港嘅萬山深圳寶安龍崗以至東莞惠陽珠海，粵軍有軍事調動（諸如駐防、移防、換防、集結、演習、過境）都應事先知會港軍，同時，凡喺鄰近大粵嘅沙頭角上水天水圍屯門赤臘角大澳，港軍有軍事調動（諸如駐防、移防、換防、集結、演習、過境）都應事先知會粵軍。三：開放香港正東面東南面正南面嘅部分大粵領空領海，以為港軍提供充足嘅日常訓練區間。四：假如香港有興趣，大粵非常樂意邀請部分港軍同粵軍一齊共同駐防粵支邊境，噉一來可以幫港軍輪替鍛練部隊，二來可以充實粵支邊防守備。

大粵對香港嘅態度好明確，就係：我尊重妳，我同時期待著贏得妳對我嘅尊重，我希望妳理解我嘅關切，我冇唔妥妳，我亦希望妳咪嚟刺激我，基於和睦對等安寧共處嘅考量，喺外軍駐港嘅事度，大粵相信香港會作出一個令粵港雙方都心安都舒服嘅理性嘅選擇。

可以預見嘅香港對去支那化嘅模糊態度係除咗珠江口防務安全之外，粵港分立所帶嚟嘅另一件最令粵獨憂心嘅事。基於港獨同粵獨有著截然唔同嘅植根同發源，粵獨唔可能指望港獨喺去支那化嘅事度落足心機。喺去支那化嘅事上面，香港好可能會成為一個唔好嘅示範，並形成事實上嘅掣肘，對去支那化心不在然嘅香港會對大粵反支措施嘅推行唔經唔覺間施加負面影響，進而令粵獨喺大粵推動去支那化事業嘅進程受阻。為此，粵獨應該主動出擊，尤其係喺涉及粵獨核心理念嘅粵文拉丁化嘅事上高。我哋應該借鏡印尼大馬汶萊三國相互協力統一現代馬來文語音、拼寫、詞彙、語法嘅做法，務必盡一切可能促成粵獨同港獨澳獨就粵文拉丁化達成一致共識，以令拉丁粵文先喺粵港澳普及通行，再向外推廣至海外粵僑社區，從而達成全球粵族人書面文字嘅去支兼一體化嘅宏願。香港唔出盡全力去支顯然仲會影響大粵全面開放粵港間民間交往嘅意欲，大粵方面基於對支那漢撈好可能借香港（以至澳門）為跳板入滲大粵嘅疑慮，粵港澳三國喺各自獨立之後粵港同粵澳間嘅互免簽證自由通關喺短期內睇怕都難以實現（港澳尤其係香港方面同時亦憂心粵人會乘機大量擁入）。

--------------------

另閱：

《為什麼我想香港獨立/自治》原文

http://namyuekok.freeforums.org/wingyee-lau-t4923.html

大粵民國同香港共和國、澳門共和國嘅關係

http://namyuekok.freeforums.org/topic-t421.html

論大粵民國嘅三大立國基石 以及大粵憲政架構構築所應堅持嘅立場

http://namyuekok.freeforums.org/topic-t4957.html