以粵獨視角重新審視粵族同佢一眾侗水系親緣民族嘅源起 利用斯瓦迪士核心詞列表（Swadesh list） 追尋粵語真正嘅侗臺語本根 開啟將粵語重新劃屬侗臺語系嘅探究之門
topic-t6297.htmlhttp://cantonia.freeforums.org/topic-t2121.html喺追尋粵語侗臺語本根之前，先嚟以粵獨嘅視角重新審視一下我哋粵族、我哋粵族支系蜑家人、同一眾喺大粵境內以及大粵周邊嘅侗水語民族嘅真正歷史同現狀，點解係侗水語民族而唔係壯儂等嘅臺系民族？噉係因為我哋粵族最確切嘅起源係古南越族嘅古侗水人。
現代粵族嘅起源可以追溯到2200年前嘅古典時代，最早期嘅粵族誕生喺秦攻百越至南越帝國立國呢一個時段之內，佢哋係一個以古南越人為基底融合咗古羌秦人同古苗楚人元素嘅新型南越族群。參與形成最早期粵族嘅古南越人群落，顯然嚟自於西江流域嘅蒼梧古國西甌古國雒越古國同北江流域嘅陽禺古國。喺經歷中世紀中前期巨量嘅古南越系俚僚元素尤其係“歸化”俚人摻合之後，粵族最終形成。喺粵族發展嘅最初期，粵族文明嘅重心喺番禺（古代廣州）一帶，並誕生出使用人數唔算太多嘅最早期嘅粵語（古廣州話）。南越帝國滅亡之後，粵族文明重心隨即西移至西江中遊嘅廣信（古代梧州），現時粵語裡頭歷史最悠久嘅一支：勾漏粵語，就係喺嗰個時候形成，並迅即成為當時粵語嘅主流發音（由於支那漢朝殖民軍對番禺一帶南越帝國遺民嘅屠殺，加上當時政治中心西移同自身流通地域相對狹窄嘅因素，古廣州話喺踏入中世紀之後經已日趨式微，喪失咗喺粵語裡頭嘅一哥地位）。喺中世紀中前期俚人“歸化”嘅高峰時段，呢個重心甚至一度南移到高涼鬱林一帶。不過呢種狀況好快就隨著中世紀中期廣州對外貿易嘅復甦繁盛而改變，南漢帝國定都番禺以及隨後活力十足嘅珠三角經濟體嘅勃興，使到廣州再度成為粵族文明嘅中心，珠三角區域亦從此成為粵族域內最發達富庶最舉足輕重最具文化影響力嘅一噠地方，呢個格局喺粵族文明圈裡頭往後都冇再發生改變。而一度沒落嘅古廣州話，喺搆埋唔少嘅畬哎語新元素之後，喺中世紀中後期變身成全新嘅廣府話（新廣州話），終於，廣州話完成咗重新復興，並憑借著優勢嘅政經影響力再度成為粵語嘅標準方言，盛行至今。
蜑家人係粵族支系，講各式粵語方言。而家喺珠三角南番順同中山北部廣泛流佈嘅沙田話，係蜑家粵語最正宗嘅口音，沙田人，查實就係嗰啲早期上岸定居咗嘅蜑家人嘅後裔（共同嘅人文背景使南番順並稱“三邑”，厚實嘅歷史文化底蘊同近年騰飛嘅經濟，更使“南番順”三個字響徹大粵），沙田話屬粵語粵海方言，同廣州話非常相近。蜑家人被認為係粵族裡頭保留古南越人成份最多嘅群體，據證，蜑家人發源於西江潯江鬱江流域，佢哋係蒼梧古國嘅直系遺裔。直到而家，呢一帶仲廣泛流傳著蒼梧古國時代所遺留落嚟嘅一種古老信仰：龍母崇拜，龍母係秦攻百越時代蒼梧古國裡頭嘅一位女性英傑。古蜑家人係蒼梧古國嘅主體民族，古蜑家話，毫無疑問同標話拉珈話茶洞話有著密切關聯，古蜑家話屬於侗臺語系侗水語族。喺秦攻百越乃至到南越立國時代，古西甌國同古雒越國嘅性質都屬於鬆散部落聯盟嘅範疇，佢哋都唔係由純臺語民族所構成，喺古雒越裡頭明顯摻雜著屬於孟高棉系統嘅古京族（亦即古越南人）成份，而北邊嘅古西甌，侗水語民族構成咗佢嘅好大一部分，而且越向北，古西甌裡頭嘅臺系成份（古壯人）越細而侗水系成份（古侗人）越大，正因為噉，我哋甚至可以推斷最初畀秦軍予以沉重打擊嘅，係同古蜑家人古蒼梧國血脈相通嘅古侗水語民族。喺大粵成個古典時代，古蜑家人發祥地嘅蒼梧及其周邊一帶，都係支那重心殖民嘅區域，進入中世紀之後，呢種狀況比之前更甚，古蜑家人嘅地盤受到擠佔，被迫分東西兩支分別沿西江嘅上遊同下遊遷徙。向上遊遷徙嘅一支，形成咗今日嘅拉珈人茶洞人侗族水族佯僙人仫佬族毛南族等侗水語民族，佢哋仲依然保存著祖先所留低嘅語言，留喺古蜑家人原居地深山裡頭嘅，就係而家嘅標人，標人所講嘅標話，雖然仲屬於侗水語，但係經已混雜咗好多勾漏粵語嘅成份，而向下遊珠三角水域北江水系東江水系乃至大粵中西部沿海遷徙嘅一支，則係變成完全喪失侗水語嘅今日嘅蜑家人。
標族，即標話人，講標話，集中分佈喺懷集南部同封開北部山區。標話係一種古南越語（古侗臺語）同勾漏粵語嘅混合語，之前曾經畀人認為係一種遠古粵語，不過而家經已被劃為係侗臺語系侗水語族嘅語言。據證，標話同拉珈語關係密切，喺古代，標話嘅使用範圍遠較今日廣闊，標族同古蜑家人以及蒼梧古國都有著深厚嘅歷史淵源。現時標族受周邊粵族強烈同化，標話經已成為瀕危語言，不過雖然係噉，標族嘅族群認同依然強烈，曾多次向支殖廣東當局要求被承認係一個獨立嘅民族。
侗族，講侗語，集中分佈喺三江從江龍勝通道黎平一帶。侗語屬侗臺語系侗水語族。侗族源於古百越，但係具體到百越邊一支則有爭拗，對於侗族源起最開始嘅睇法係著眼於侗族“gan”嘅自稱，“gan”嘅發音好容易畀人聯想到“贛”“干”，亦即係而家嘅支屬江西，啲人再根據侗民先人魯作出嚟嘅出江西記“族譜”，就簡單噉認定侗族源自2000年前生活喺江西鄱陽湖泮嘅古干越人。隨著後嚟侗族族源研究嘅深入，侗族嘅古干越人說而家經已冇乜市場。據證，“gan”喺侗語裡頭係遮掩蔭蔽嘅意思，指嘅係各支侗族所共有嘅眾山溪谷盤地嘅地理居住環境，而唔係“贛”。嗰啲出江西記“族譜”就更加無稽，而家壯族裡頭都有大撚把，唔淨祇出江西嘅，仲有出山東嘅出河南嘅出湖廣嘅狗屎納集乜都有，呢啲充斥支奴色彩咁假嘅嘢又點可以引以為據？“江西”作為地名最早出現喺公元7世紀嘅支那唐朝，嗰陣喺鄱陽湖泮，古干越人早就消失晒嘞（都係拜支那“三國”“南北朝”時期渡揚子江南逃嘅所謂“衣冠”漢人所賜），假如侗族真係由江西遷嚟，噉點解喺西遷必經要道嘅贛西同湖南洞庭湘江流域一帶冇任何侗水語民族嘅印跡留低？事實上，據新近研究結果，當代侗族嘅三個支系：南支佬侗中支旦侗北支佼侗都源自於古南越人系統，佬侗同古雒越人以及佢中世紀嘅後裔西粵僚人淵源密切，喜水而居嘅旦侗係沿柳江融江都柳江上溯西遷嘅古蜑家人嘅遺裔，佼侗則同古西甌人尤其係公元8世紀起義北征至沅江流域一帶嘅西原蠻一脈相承。現時大粵境內嘅侗族，以南支佬侗同中支旦侗居多，北支佼侗較少，全部人都講侗語嘅南部方言。
水族，講水語，集中分佈喺三都荔波獨山一帶。水語屬侗臺語系侗水語族。水族係第二大侗水語民族，同侗族一樣，佢哋源於古南越，尤其係古西甌人，水族係中世紀前期一眾自西江潯江鬱江流域西遷嘅侗水語先民嘅其中一群後裔。根據水族傳說，水族嘅先民最早住喺地形開闊平坦嘅海邊（可能係西江下遊一帶），後嚟珠三角發生海蝕，佢哋就沿西江西遷到一個叫“岜雖山”嘅地方（大概喺潯江黔江流域），冇隔幾耐，佢哋遭遇到一班攜帶青銅兵器異族嘅入侵（秦攻百越），戰敗後水族先民渡過紅水河走難到河池慶遠（宜州）一帶，喺嗰樹住咗一段時日之後再北遷至今日水族嘅現居地。今日嘅水族族群並唔算大，但係卻擁有自己嘅一套古老獨特嘅象形文字書寫系統：水書。水書至今仍然喺水族民眾裡頭廣泛流佈，傳承有序。
毛南族，講毛南語，集中分佈喺環江縣嘅“三南”地區。毛南語屬侗臺語系侗水語族。毛南族係中世紀前期一眾自西江潯江鬱江流域西遷嘅侗水語先民嘅其中一群後裔，佢哋以吊腳石屋同飼養菜牛而著稱。
仫佬族，講仫佬語，集中分佈喺羅城柳城宜州。仫佬語屬侗臺語系侗水語族。仫佬族係中世紀前期一眾自西江潯江鬱江流域西遷嘅侗水語先民嘅其中一群後裔同當地最早期嘅土著侗臺系仡央群嘅“木佬”人喺相互融合之後而誕生嘅新族群。仫佬族舊稱“木佬”“木僚”，由一個侗水語民族嚟承繼一個仡央語民族遺留低嘅族名，噉顯然係仡央系族群侗水化歷程嘅最好例證（兩族融合嘅確切開始時間可能喺秦征百越之後）。“木佬”人古時嘅分佈區域曾遠達黔東同黔中，並唔限於大粵西北，比起古苗楚人（黑苗先民），佢哋更早噉進入黔東，兼且係呢一帶最早期嘅開拓者，佢哋同同樣講著仡央系語言嘅仡佬族土著混居，並稱“濮僚”。喺現時支屬貴州東部，仲有約3萬木佬人，佢哋畀支那當局定義成“仫佬族”，不過絕大多數嘅木佬人既唔識講仫佬語，對自己本民族嘅仡央系母語：木佬語亦一竅不通。隨著僅有嘅最後兩位木佬語高齡使用者喺前幾年嘅離世，木佬語相信已經滅絕，雖然木佬語喺佢消失之前留低咗啲語言學嘅研究紀錄，不過就憑呢啲少得可憐嘅檔案印記睇怕左右唔到成個木佬人族群最終會畀異民族同化嘅悲情結局。“木佬”人對後嚟遷居黔東嘅黑苗嘅入滲令人深刻，黑苗嗌仫佬叫“卡”，而家黔東黑苗嘅首府凱里，就係黑苗語裡頭“卡里”嘅變音，意思即係“木佬”田；今日黑苗人自稱“Hmub”，即“木”音，同“木佬”幾近一致，而木人（Hmub，即黑苗人）服飾尚黑青藍，亦同仡央系民族相近而異於其他諸苗，呢啲都有理由令我哋相信，“木佬”係構成今日黑苗嘅重要元素，當年黔東嘅“木佬”黑苗化咗變成Hmub嘅一部份。現時，仫佬族嘅異化仍然喺度繼續（以前係仡央化侗水，而家係侗水化漢壯），由於仫佬族居地處喺相對富庶嘅河谷平川（呢啲地方通常靠近漢區），兼且仫佬族群規模唔大，所以早喺五六百年前，仫佬族就經已卷入支撈化歷程，而家佢哋係侗水語民族裡頭桂柳化程度最深嘅兩支之一（另外一支係茶洞人）。
拉珈人，即茶山瑤，講拉珈語，集中分佈喺金秀。住喺大瑤山裡頭嘅拉珈人係瑤化咗嘅僚人。拉珈語屬侗臺語系侗水語族，同據稱同古粵語有密切淵源嘅標話接近。拉珈人係中世紀前期一眾自西江潯江鬱江流域西遷嘅侗水語先民嘅遺留者，其他族群都經已去晒大粵西北邊境嘅深山，唯獨佢哋依然留喺離潯江冇幾遠嘅大瑤山區。
茶洞人，講茶洞話，集中分佈喺臨桂縣茶洞鄉同永福縣龍江鄉。茶洞話屬侗臺語系侗水語族。據初步研究，茶洞話同毛南語親緣較為密切。茶洞人係一個新近識別出嘅侗水語民族，佢哋係中世紀前期一眾自西江潯江鬱江流域西遷嘅侗水語先民嘅其中一群後裔。
佯僙人，講佯僙語，集中分佈喺獨山。喺現時支那，佯僙人被夾硬認定係毛南族嘅一個支系，喺呢個之前，佯僙人甚至畀支撈劃成係“布依族”，而事實上，佯僙人係獨立族群，同講“北部壯話”嘅“布依族”（屬侗臺語系臺語支）血緣疏離，佯僙人即使同同屬侗水語民族嘅毛南族相比，彼此間亦少有認同，分野明顯。佯僙語屬侗臺語系侗水語族，同水語毛南語關聯甚密，佯僙語同水語毛南語喺基礎詞彙上高，有著將近60%嘅一致率，呢個亦都係將佯僙人屈入毛南族旗下嘅唯一有力理據。雖然佯僙人啲“族譜”作到天花龍鳳，又甘肅又江西噉，不過佢哋嘅語言足以揭示出佢哋嘅真正身份：佯僙人係中世紀前期一眾自西江潯江鬱江流域西遷嘅侗水語先民嘅其中一群後裔。佯僙人嘅傳統生活同傳統文化形態現時受外圍川撈嘅強力侵蝕而急劇凋零，佯僙語傳承後繼無人，吊腳樓完全冇晒，銅鼓舞近乎失傳。
-----------------------------------------------
睇完歷史同現狀，就嚟講返粵語。首先，粵語就係粵語，粵語唔係華語，粵語唔係唐語，粵語更加唔係漢語；粵人就係粵人，粵人唔係華人，粵人唔係唐人，粵人更加唔係漢人，呢個係粵獨嘅基本信念。喺發生學嘅角度睇，粵語嘅本底係古南越語，古粵語係侗臺語系語言，呢樣嘢確切無誤嘅，佢尤其同古南越語東支嘅古侗水語親緣密切。喺中世紀，古南越系語言持續分化各自發展，源自古侗水語嘅古俚語分佈喺廣東中西部同廣西東部，而源自古臺語嘅古僚語分佈喺廣西中西部，古俚語後嚟變成粵語同侗水語（當中粵語係主體，侗水語係古俚語嘅西北分支），而古僚語後嚟變成壯語同儂語。喺今日廣東封開懷集一帶，至今仲有古俚語嘅遺存，佢就係屬侗水語系統嘅標語，侗水系嘅標族人世居喺呢樹經已超過幾千年，梧州廣信（亦即今日嘅封開）一帶被公認係粵語嘅起源地，喺粵語起源地側近咁近嘅地方就有古南越語嘅遺存以及古俚人嘅遺民分佈（標語同標族），粵語同粵族嘅大粵本土起源經已清晰無誤，古粵語毫無疑問就係直接源自於古侗水語嘅。
由至少3000年前古南越族嘅古侗水人，到公元前3世紀古典時代嘅古西甌人，再到中世紀東粵嘅古俚人，至到依家嘅現代粵族，呢個就係我哋粵族近3000年嚟嘅血脈傳承史。粵族有著古南越古侗臺古侗水嘅本根，呢個毋庸置疑。但係妳有古南越古侗臺古侗水血脈本根絕唔等於妳必然仲保得著妳祖先語言嘅本根，因為呢個世界有唔少民族喺佢歷史發展進程裡頭，都出現過語言置換嘅現象，當中最有名嘅莫過於東北印度嘅阿薩武人同巴爾幹嘅保加利亞人。阿薩武人至今仲擁有同佢先祖侗臺系講北支撣語嘅阿豪馬人（今日嘅泰族撣族係佢親族）一樣嘅典型東南亞黃種人嘅容貌同血統，之但係佢哋嗰啲話就變晒音，依家嘅阿薩武語居然搞到同啲印度摩羅叉同埋一個語系同埋一個語族（印歐語系印度語族），阿薩武人同印度人根本就係完全唔嗱更嘅兩類種族（情況就好似啲支那撈頭同啲新疆佬噉），一個係黃種一個係黑種溝白種，依家卻係搞到冚族講番話，屌！而巴爾幹嘅保加利亞人同樣有一個由突厥至斯拉夫化嘅過程。
阿薩武人之前所遭遇嘅我哋粵人同樣遇到過，妳睇下近呢1000年嚟由中世紀粵語到近代粵語到現代粵語畀撈漢化成咩樣就心知肚明。由遠古嘅古侗水人到古典時代嘅古西甌人再到中世紀嘅古俚人，古粵語一直都係確切無誤嘅侗臺語，但係今日我哋仲可以毫不猶疑噉話依家嘅粵語係純正嘅侗臺語咩？大凡係粵獨人，又有邊個會心甘粵語畀人劃入去由支那豬撈主導嘅漢藏語系尤其係漢語族裡頭吖？一日唔能夠掌握決定性證據令粵語重新劃歸入侗臺語譜系，呢個一日都係粵獨至痛嚟。多年嚟喺支那強力文化殖民瘋狂愚民洗腦之下，唔少粵人非但唔認知到自己語言嘅祖根源自於侗臺語，甚至仲覺得自己嘅語言係支那語嘅怪雞現象，咩叫殖民奴化吖？呢啲就叫做殖民奴化喇！直到依家，我哋粵人裡頭仲有人喺度同啲撈拗粵語係語言定所謂方言，甚至仲同啲撈拗粵語至係“華語正統”，今日仲噏呢啲？有冇再廢啲吖？！依家離2010年撐粵語都過咗4年有多，點解仲有咁多傻撚咁鬼冇長進去信撈畀佢昆？成日喺支那預先設定嘅局度死兜死撞，妳估會畀妳搵到真正生路咩？
啲支那豬時常都好興同漢字文化殖民圈裡頭嘅其他弱勢民族講，喺妳嘅語言裡頭有幾多幾多詞係嚟源於我珈，喺妳嘅語言裡頭有幾多幾多個音係我啲古音嚟珈，喺妳嘅語言裡頭好多語法結構都係妳抄我珈咋，講嚟講去無非最想講呢句：妳嘅成副身家都係我畀妳珈咋。屌！作為支殖大粵本土粵人，我哋自細就感受到嚟自支那嘅漢語文化殖民，我哋絕大部分人都識講識聽撈頭嘅漢語，我哋畀邊個都清楚粵語喺好多基本詞匯上高同支那嘅漢語直投係大纜都扯唔埋完全九唔搭八嘅，妳毋須係一個語言學專業研究學者，即使妳係平凡人祇要妳稍為留意一下妳都會自己感受得到嘅，噉亦即係話，係人都可以感受到啲豬撈喺度講緊大話，問題係直到依家都仲未有人有足夠知識而且肯有心諗計去徹底踢爆佢啫。
呢個世界好多嘢都係因為深知所以摯愛又或者因為深知所以至恨，至於係愛係恨就完全睇妳咩立場，對粵獨人嚟講，妳知佢越透徹就越知佢漏洞喺邊反擊得就越有力，啲支那豬撈成日喺大粵同我哋粵人講乜撚中原雅言講乜撚華夏正音想我哋跪去拜佢結果卻適得其反導致我哋心生至恨。不過噉，齊有恨係唔夠嘅，我哋仲要諗計反擊，而且要嘅仲唔係喺現有理論或者知識體系上高嘅普通反擊，而係要破局以顛覆常規嘅姿態去反擊，譬如話，我哋啟動粵語侗臺語本根嘅追尋同開啟將粵語重新劃屬侗臺語系嘅探究之門。支那之前設落嘅局行埋一邊喇，我哋將自己開局自己設題，直接將爭拗嘅焦點引向粵語係咪侗臺語而唔再係粵語係咪漢藏語又或者粵語係語言定方言，顯然，有噉嘅進展對粵獨嚟講絕對得益，雖然話粵語喺語言譜系當中嘅位置並唔係激發粵人粵獨反支脫漢嘅關鍵因素，但係有得利用點都係好過冇得利用嘅，質疑粵語到底係咪真係屬於漢藏語系，並對粵語重新系屬侗臺語系作出探索，噉顯然對肅清支那殖粵史觀還原大粵歷史真相極有必要，況且呢個仲關乎到我哋粵人對自己古南越本根嘅追尋認知添。
啲支那豬撈噏嘢呢通常都好賤格嘅，講嘢成日都係噏啲唔噏啲，佢會使唔少口水同妳兜圈，兜咗一大輪聽完佢成堆廢話之後妳就會發覺，原嚟妳係根本冇辦法喺佢呢堆廢話裡頭提取到的多有用嘅嘢嘅，依家HK啲港支官僚成日畀人彈“語言偽術”，不過祇要妳見識過啲豬撈噏嘢可以幾空洞無物之後，妳就知道乜嘢至係真正嘅“語言偽術”，唔信？妳即管去睇兩日支那中央電視台嘅新聞聯播就清楚晒珈喇。對語言學基礎知識嘅刻意遮掩向嚟都係歷任支那政府嘅慣用手法，啲豬撈可以同妳講音韻訓詁之類嘅唔傷及佢大一統利益嘅嘢，佢可以同妳講佢之前點威點威，原嚟喺韓語日語越南語裡頭，嚟自支那嘅借詞可以好龐大珈，至少會佔到六七成喎，但係佢係唔會話妳知點解人哋借咗佢七成詞匯人哋啲語言仲可以同佢嘅漢語楚河漢界分得清清楚楚分別隸屬喺兩個截然唔同嘅語系裡頭，妳亦唔使旨意佢會主動話妳知咩叫做基本詞彙、咩叫做核心詞彙、咩叫做孤立語、咩叫做語言聯盟、咩叫做語言接觸，至於嗰個斯瓦迪士核心詞列表（Swadesh list）就更加冇可能話妳知，因為若果有人善用呢個表噉成個支那所謂“中華民族”“漢語各方言”嘅呃鬼局就會畀輕易攻破。我哋知道粵漢兩語之間有著本根嘅區別，一直以嚟我哋都搵緊權威嘅方式聯同有力嘅證據嚟準備進行終極反擊，而呢個斯瓦迪士核心詞列表，我哋係絕對唔應該錯過。
呢個世界，一種語言同周邊其他語言嘅關係無非衍生同接觸兩種，去界定兩種地理分佈位置接近嘅語言佢哋之間究竟係原根衍生定接觸置換嘅關係，並唔係睇啲咩詞法語法音韻語音語義之類嘅相對高階嘅嘢，而係睇佢哋之間基本核心詞匯發音嘅相似度。世界語言學界晨早就有個噉嘅共識，就係語言接觸係有界有度嘅，基本詞彙尤其係核心詞彙係冇可能畀借用到嘅。兩種語言即使相互間借詞高達七八成，其他嘅諸如語法構詞法音韻亦非常相近，祇要佢哋之間基本詞匯尤其係當中嗰100個核心詞匯唔相近，噉就可以即時斷定呢兩種語言唔屬同源，佢哋之間嘅高度相近僅僅源自佢哋之間嘅密切頻繁接觸，呢個亦都係點解韓語日語越南語借咗漢語咁多詞咁多古音但係仍然無改佢哋係獨立語言嘅根本原因。韓語日語越南語向漢語借詞嘅現象喺語言學上稱為語言聯盟。語言聯盟指嘅係原嚟冇任何親屬關係嘅語言由於長期共同處喺同一區域而致使佢哋嘅語言喺結構上高產生共域特徵嘅現象，語言聯盟裡頭嘅唔同語言，詞彙上相互間有大量借貸，而且語音語法系統亦有著一啲共同嘅結構格局同結構規則。顯而易見，語言聯盟祇係一種接觸置換嘅關係。
斯瓦迪士核心詞表（Swadesh list）係世界語言學界公認嘅釐定一種語言系屬嘅最基礎手法，斯瓦迪士核心詞表裡頭嘅詞冚世界語言都會有，一種語言透過核心詞表同其他語言對應詞嘅發音進行比對，就可以基本釐清呢種語言喺世界語言譜系當中嘅位置。呢種甄別方式唔單祇方便仲門caam好低，比對字同字嘅讀音好易啫，即使妳唔係專業嘅語言學者妳都可以輕易做到，而依家網路資訊量咁發達，要搵到一啲語言核心詞匯嘅音頻檔亦唔係咩難事，噉就為我哋有心特登去比對某幾種語言帶嚟可能。
我哋可以將廣州音粵語同勾漏音粵語作為一組，將侗語水語壯語儂語黎語泰語呢六種侗臺語代表語言作為另一組，同時添加越南語同漢語普通話作為第三參照組，跟著分頭去搵呢10種語言斯瓦迪士核心詞表嘅音頻檔，搵到之後直接比對相同詞嘅10種語言讀音就係喇。廣州音粵語發音直接去粵語審音配詞字庫網上版搵；越南語泰語漢語都係相應國家嘅官方語言，壯語（僅指臺語族北部語支，亦即所謂北壯，以武鳴話為標準音）現時係廣西嘅半官方語言，要搵音頻檔並唔難。儂語（僅指臺語族中部語支，亦即所謂南壯，以靖西話為標準音）侗語水語黎語同勾漏音粵語就難搵啲喇。勾漏音粵語仲算好啲，佢畢竟係粵語裡頭僅次於廣州音粵語嘅第二大方言，我哋粵獨人當中必然會有人識；儂語黎語喺廣西海南啲大學網站裡頭應該刮得到，佢哋點都算係有影響力嘅大族；不過好似侗語水語呢啲使用人數本嚟就唔多兼且族群主體唔喺大粵嘅語言，就真係要搵真人嚟親身讀至得。
要搵齊呢10種語言斯瓦迪士核心詞表嘅音頻檔，講真並唔容易，不過一旦畀我哋搵齊，令我哋興奮嘅結果唔使幾耐就可以出到嚟。我哋祇需要喺嗰100個核心詞匯裡頭鑑別出超過50個詞匯同諸如侗語水語壯語儂語黎語泰語等嘅一眾侗臺語相同或者相近，我哋就可以即時宣稱粵語應該重新歸屬侗臺語系，因為斯瓦迪士核心詞表係一個權威性極強悍嘅基準，根據諸如啲咩詞法語法音韻語音語義所提出嚟嘅證據喺佢面前統統不堪一擊，冚嘭唥都要彈開。若然喺嗰100個度搵唔夠50個，我哋就加碼去嗰207個基本詞匯度搵，祇要廣州音粵語或者勾漏音粵語嘅某個詞讀音同侗語水語壯語儂語黎語泰語相應詞讀音是但一個相近，噉就可以算做搞掂一個，以粵語同漢語咁大嘅發音差異，同以二對六咁大幅面嚟比（廣州音+勾漏音粵語 VS 侗語水語壯語儂語黎語泰語），實可以搵夠過半數嘅。到時即使唔能夠將粵語重新劃返入去侗水語族，亦至少可以好似黎語同臨高語噉，將粵語單獨設置為一個獨立語族：侗臺語系粵語族（Tai–Kadai languages - Cantonese language），佢喺語言譜系當中嘅地位等同於漢藏語系漢語族，妳話幾盞吖。
我哋寧願畀人質疑粵語嘅侗臺語資格點都好過粵語畀撈屈入支那嘅漢語族度，因為以支那豬撈啲蝗蟲鴨霸本性，佢一定會利用妳屬於漢語族呢樣嘢嚟進行新一波文化殖民宣傳嘅。喺幾廿年前，越南語嘅地位亦同樣備受語言學界爭議，爭議嘅焦點無非係漢藏語屬定非漢藏語屬，後嚟越南語言學界就係透過斯瓦迪士核心詞表最終一錘定音確認越南語同高棉語嘅同根關係，越南語終於可以系屬喺越南佬想要嘅南亞語系孟高棉語族下低，而唔係支那希望嘅漢藏語系越芒語族。講真喇，越南語喺南亞語系裡頭係非常之奇特古怪嘅，又單音節又帶聲調又孤立語又N多漢化詞音，橫睇dim睇佢都冇忽似南亞語裡頭嘅其他語言，越南語噉都可以逼得入南亞語系，噉粵語逼返入去佢之前就一直系屬開嘅侗臺語系又有咩咁出奇？
粵獨人100%都有反心，不過若然啲反心淨係表現喺對現有架構（無論係政治架構抑或係思維架構又或者係知識架構）嘅逆反思維上高，噉係遠遠唔足夠嘅。粵獨人唔係普通粵人，粵獨人係我哋粵民族裡頭最先民族覺醒嘅一班人，粵獨人諗嘢一定要有開拓性（或者講係顛覆性），除咗要識睇穿撈頭啲呃鬼局，仲要識自己去設局跟著自己去解讀，而唔係一味喺啲支那豬撈預先設落嘅局度兜圈死撞。豬撈嘅劇本留返畀佢哋呃第個喇，粵獨人應該有自己嘅劇本，並力求按自己嘅劇本去演繹，我哋應該識得點樣去做主場，而要人哋嚟跟尾，祇有噉，至可以勇創出粵獨嘅新生路出嚟。
-----------------------------------------------
最後喺度講下語言結構同同音同調字意涵確定嘅問題。
依家冚世界嘅語言按結構分可以分成孤立語、黏著語、屈折語、多式綜合語四種，當中以黏著語最原生化，其他三種語言都係由佢衍生發展出嚟嘅。凡係屬於東亞漢藏系（粵語藏語閩語漢語緬甸語屬於呢一譜系）侗臺系（壯語儂語黎語泰語寮語屬於呢一譜系）苗瑤系（赫蒙語勉語屬於呢一譜系）嘅語言冚嘭唥都係孤立語類型；喺南亞孟高棉系語言裡頭，地理位置靠近侗臺系漢藏系嘅部分語言（諸如越南語佤語克木語），由於受語言聯盟並由之而嚟嘅廣泛語言接觸嘅影響，亦演變成帶聲調嘅孤立語。孤立語一個好典型嘅特徵就係一音多調，呢個係佢區別於黏著語（譬如蒙古語日語維吾爾語馬來語泰米爾語阿拉伯語班圖語）、屈折語（譬如英語法語俄語印地語）、多式綜合語（美洲印第安土著語）嘅重要標誌，因為喺黏著語、屈折語、多式綜合語裡頭，係根本就冇聲調呢個概念嘅。祇要妳屬於孤立語嘅範疇，噉妳就必然會遇到同音字同音詞嘅問題，呢樣嘢並唔係粵語所特有嘅，而且與其講係孤立語同音字同音詞嘅區別，仲不如講係同調字嘅區別嚟得貼切。
各式孤立語有著各自唔同嘅文字書寫系統，有拉丁式嘅（譬如越南文勉文赫蒙文）有北印度式嘅（譬如藏文）有南印度式嘅（譬如泰文緬甸文寮文）有支那式嘅（譬如漢文），佢哋因應同音字亦都有佢哋自己嘅方式，歸結嚟講無非兩種，一係字符標調，一係字符置換，好明顯支那嘅漢文屬於字符置換嗰隻，其他嘅冚嘭唥都係採用字符標調或者係添加字母標調嘅方式嚟處理。不過無論係字符標調又好字符置換又好，一旦出現同調字同調詞，除非有字典特別定義，否則嘅話就需要結合前後文內容嚟確定佢嘅真正意思，依家冚世界嘅語言都係噉做珈喇，而並唔好似啲支那豬撈噉話我換隻方塊字符就可以解決珈喇咁簡單。
支那一向自認為佢哋嘅漢字可以好方便噉解決到呢樣嘢，其實噉係以幾個甚至幾十個方塊字符同時賦予一個單音節唔同意涵為代價嘅，譬如漢語mǎ音，齊係對應方塊字符就有7個，連字帶詞至少100個以上，搞到咁撚複雜無非係為咗保持表意嘅唯一性，喺上古漢語裡頭，呢個準則可以被確保，因為嗰時文化落後，根本就冇幾多嘢畀妳去記載。喺踏入中世紀之後，隨著文化發展，唔少嘅方塊字符開始出現多重意思，漢字表意嘅唯一性被明顯削減，而漢字嘅字數卻並冇出現縮減，甚至仲開始出現同一個方塊字符可以有多種讀音嘅混亂現象，由一對多變成多對多，於是成個漢語嘅表述架構開始出現臃腫論盡嘅病態，同一樣嘢有時居然可以以幾十種詞匯或者短語組合（所謂成語對聯之類嘅嘢）嚟描述。譬如同樣係馬，佢之前可以整出諸如驪、騧、騂、駘、駑、驁、騏、驥、驊、騮、驍、驌、驦、駿、驕、駔、駒、騍、驄、驪、騅、驃成堆方塊字符嚟形容馬嘅顏色優劣公乸奀壯，噉其實經已好複雜，佢家下仲要搞下添，整啲咩烏騅馬、黃驃馬、駿馬良駒出嚟，其實都係原嚟嗰啲嘢嚟嘅，本嚟以龐雜單一字型以確保表意唯一嘅準則就噉就徹底破壞咗，直至依家啲支那豬撈仲喺樹自鳴得意噉以為呢啲就係佢哋文化“博大精深”嘅地方，其實喺外人睇嚟呢裡頭除咗玩文字遊戲浪費學習精力之外，並冇任何利益可言。
近代工業革命知識爆炸，漢語亦喺1919年五四運動之後進入咗所謂“白話文”時代，以單一字表意更加被徹底拋棄，今日現代漢語雙音節“詞”喺漢字書寫系統嘅風行，更令漢語出現明顯黏著語化嘅趨勢，亦即係話佢要用兩個音節甚至三四個音節至可以表達到一個意思，而喺上古漢語裡頭係根本冇呢種現象嘅（譬如早上用一個辰字表述傍晚用一個昏字表述）。本嚟都經已一字多意而令到龐雜確保唯一呢一準則破咗產，依家仲要畀佢唔同方塊字符之間任意無序組成詞組，噉就更加立立亂，亦難怪啲鬼佬學漢字漢語時常都係學到半lang掯就tan軚縮沙，因為個中變化實在太過繁雜，撈頭嘅現代漢語依家至少喺構詞呢個層面就經已呈現出混亂不堪嘅局面。即使妳支那當初的確可以用一堆字型各自唔同嘅方塊字符嚟識別同調字，不過時至今日就冇咗呢支歌仔唱好耐囉，因為妳呢啲方塊字符尤其係常用嗰啲幾乎隻隻都經已一字多義咗，即使到時畀妳甄別到同調，最終亦都會畀妳引向多義，噉又咪啫係盞搞，要知道，我哋區分同調字嘅初衷並唔係為區分而區分，而係為瞭解佢嘅確切含意而區分嘅。拋開自身混亂嘅架構唔提走嚟同我講我啲字可以好方便噉甄別同調珈，呢個就好似一棟設計嚴重過時嘅舊樓佢嘅結構本嚟就經已有唔少隱患，妳仲同我講唔係吖我躉樓啲青磚仲好靚珈一樣，妳真係當我lulu咩？！
-----------------------------------------------
207個斯瓦迪士核心詞列表（粵語/英語）
我 I
妳 you
佢 he
我哋 we
妳哋 your
佢哋 they
呢 this
嗰 that
呢度 here
嗰度 there
邊個 who
乜嘢 what
邊度 where
幾時 when
點樣 how
唔 not
所有 all
多 many
一啲 some
少 few
其他 other
一 one
二 two
三 three
四 four
五 five
大 big
長 long
寬 wide
厚 thick
重 heavy
小 small
短 short
窄 narrow
薄 thin
女 woman
男 man
人 human
細路 child
妻 wife
夫 husband
母 mother
父 father
動物 animal
魚 fish
鳥 bird
狗 dog
虱 louse
蛇 snake
蟲 worm
樹 tree
森林 forest
枝 stick
果 fruit
種 seed
葉 leaf
根 root
樹皮 bark
花 flower
草 grass
繩 rope
膚 skin
肉 meat
血 blood
骨 bone
肥膏 fat
蛋 egg
角 horn
尾 tail
羽 feather
髮 hair
頭 head
耳 ear
眼 eye
鼻 nose
口 mouth
牙 tooth
舌 tongue
指甲 fingernail
腳 foot
髀 leg
膝 knee
手 hand
翼 wing
肚 belly
腸 guts
頸 neck
背 back
乳 breast
心 heart
肝 liver
喝 drink
吃 eat
咬 bite
吸 suck
吐 spit
嘔 vomit
吹 blow
呼吸 breathe
笑 laugh
看 see
聽 hear
知 know
想 think
聞 smell
怕 fear
睡 sleep
住 live
死 die
殺 kill
鬥 fight
獵 hunt
擊 hit
切 cut
分 split
拮 stab
翹 scratch
挖 dig
游 swim
飛 fly
走 walk
嚟 come
瞓 lie
坐 sit
企 stand
轉 turn
落 fall
畀 give
攊 hold
擳 squeeze
磨 rub
洗 wash
擦 wipe
拉 pull
推 push
掟 throw
繫 tie
縫 sew
計 count
說 say
唱 sing
玩 play
浮 float
流 flow
凍 freeze
腫 swell
日 sun
月 moon
星 star
水 water
雨 rain
河 river
湖 lake
海 sea
鹽 salt
石 stone
沙 sand
塵 dust
地 earth
雲 cloud
霧 fog
天 sky
風 wind
雪 snow
冰 ice
煙 smoke
火 fire
灰 ashes
燒 burn
路 road
山 mountain
紅 red
綠 green
黃 yellow
白 white
黑 black
夜 night
晝 day
年 year
暖 warm
冷 cold
滿 full
新 new
舊 old
好 good
壞 bad
腐 rotten
髒 dirty
直 straight
圓 round
尖 sharp
鈍 dull
滑 smooth
濕 wet
乾 dry
對 correct
近 near
遠 far
右 right
左 left
在 at
裡 in
同 with
和 and
若果 if
因為 because
名 name
-----------------------------------------------
100個斯瓦迪士核心詞列表（1971年公佈，喺207詞列表剔走107個詞之後就係呢個100詞列表，佢列出咗更為關鍵嘅一種語言最基本嘅100個詞）
I (Pers.Pron.1.Sg.)
You (2.sg! 1952 thou & ye)
we (1955: inclusive)
this
that
who? (“?” not 1971)
what? (“?” not 1971)
not
all (of a number)
many
one
two
big
long (not 'wide')
small
woman
man (adult male human)
person (individual human)
fish (noun)
bird
dog
louse
tree (not log)
seed (noun!)
leaf (botanics)
root (botanics)
bark (of tree)
skin (1952: person’s)
flesh (1952 meat, flesh)
blood
bone
grease (1952: fat, organic substance)
egg
horn (of bull etc., not 1952)†
tail
feather (large, not down)
hair (on head of humans)
head (anatomic)
ear
eye
nose
mouth
tooth (front, rather than molar)
tongue (anatomical)
claw (not in 1952)†1
foot (not leg)
knee (not 1952)†
hand
belly (lower part of body, abdomen)
neck (not nape!)
breasts (female; 1955 still breast)†
heart
liver
drink (verb)
eat (verb)
bite (verb)
see (verb)
hear (verb)
know (facts)
sleep (verb)
die (verb)
kill (verb)
swim (verb)
fly (verb)
walk (verb)
come (verb)
lie (on side, recline)
sit (verb)
stand (verb)
give (verb)
say (verb)†
sun
moon (not 1952)†
star
water (noun)
rain (noun, 1952 verb)
stone
sand
earth (=soil)
cloud (not fog)
smoke (noun, of fire)
fire
ash(es)
burn (verb intr.!)
path (1952 road, trail; not street)
mountain (not hill)
red (colour)
green (colour)
yellow (colour)
white (colour)
black (colour)
night
hot (adjective; 1952 warm, of weather)
cold (of weather)
full†
new
good
round (not 1952)†
dry (substance!)
name
-----------------------------------------------
Ethnologue 民族語：世界語言譜系分類
http://www.ethnologue.com/-----------------------------------------------
