Oct 31st, '10, 16:43
粵右激論系列：023 粵文同撈文，大家各行各路！
我始終都係噉認為：我哋當代粵文係承襲咗古南越同古華夏雙重遺傳經過長期獨立發展流傳得嚟嘅，我哋粵文所承繼嘅係古華文，而唔係今日嘅撈文！呢點妳一定要有一個明確嘅認識。
冇錯，撈文亦都有佢哋自己嘅傳承，佢哋有可能同樣承襲於古華文，噉我哋粵文同佢嘅關係至起碼係同源異流，而非本末！既非本末，就唔存在長幼次序之分，大家都係彼此彼此。
既然係彼此彼此，噉我粵文有自己嘅一套亦都好正常！喺我粵文裡頭有嘅字假如妳撈文都有，噉我粵文唔可以話妳撈文盜我版，同樣妳撈文亦唔可以話我粵文盜妳版，皆因我粵文同妳撈文都係喺古華文嗰度得到咗佢嘅授權嘅。我粵文同妳撈文既然係同源異流，噉妳撈文有權走妳嘅陽關道，我粵文亦有權行我嘅獨木橋！彼此相互之間係獨立同平等嘅，我唔影響妳，妳亦都休想干涉我！