Feb 10th, '15, 17:52
029 我哋粵民族，二千年前就經已唔係華夏人！
參與形成古南越人嘅，係蒙古人種嘅先古南越人同尼格利陀人種嘅矮黑人。
而直接參與形成我哋粵民族嘅，係古秦朝人同古南越人。
而咖有唔少人混淆咗古秦朝人同古秦國人嘅概念，於是係唔係都搵現時嘅秦撈同我哋粵人比。其實根本就冇得比！當年南下大粵開基嘅嗰五十萬秦朝將士，嚟自秦朝疆域嘅各個地方，並唔單單係嚟自秦國，佢嘅主力更有可能係由關東六國人組成。好似大粵聖祖趙佗就係嚟自趙國故地。
呢五十萬秦朝兵係帶著佢哋原嚟母國嘅口音落嚟大粵嘅，所以最初期嘅粵語係由戰國七雄各自流行嘅各式古華夏語再加上古南越語糅合而成。
為咗解決呢五十萬入粵秦朝兵嘅婚配繁衍，當年任囂趙佗曾多番上書秦朝庭，結果令佢哋都幾失望，秦始皇只肯畀三萬女眷入粵！真係唔知佢搞緊邊科？
不過有時啲嘢真係整鬼定，妳秦始皇唔肯畀秦女過我，我趙佗咪諗出娶越女嘅靚蹻囉，男人嘅生理欲望有時真係可以決定到一個種族嘅走向。拉美之所以變成西班牙/葡萄牙–印第安嘅混血種場，就係多得嗰班當年發現新大陸嘅西葡水手性衝動所致。
趙佗作為呢五十萬入粵秦朝兵嘅軍事統領，士兵嘅正常生理需求佢一定要照顧，佢當時若果唔搵越女嚟頂數，分分鐘可能搞出兵變嘅大頭佛。而秦越姻親一結，“和輯百越”就係自不然嘅事，瓜熟蒂落，水到渠成。
喺種群意義上講，呢五十萬入粵秦朝兵或者仲可以稱之為華夏人。但係佢哋同越女所誕下嘅後代，就係徹徹底底嘅粵人！秦朝兵同越女嘅結合，誕生咗我哋粵民族嘅第一代先祖！
講真！我哋粵民族真係要多得秦始皇！一係要多得佢派五十萬秦朝兵入粵；二係要多得佢唔畀相同數量嘅秦女入粵；三係要多得佢嘅梟暴成性，假如唔係佢嘅梟暴，秦朝都唔會好似超新星爆發噉，喺創造耀眼光輝嘅同時瞬間毀滅。暴秦嘅覆亡，畀到聖祖趙佗帶領我哋新生嘅粵民族施展拳腳實現抱負嘅大好機會！