Oct 31st, '10, 16:48
粵右激論系列：030 駁某人嘅漢語影響論
呢個世界有邊個語種唔受其他語言嘅影響咖？全部都受影響！不過受影響唔等於就係話某種語言從屬於某種語言！唔該妳搞清楚！日語夠受妳所謂嘅“漢語”好大影響囉，噉日語係咪應該歸入“漢語”嘅範疇呢請問？
妳自己都識講粵語嘅底層係古越語喇！底呢樣嘢係好鬼關鍵嘅，唔通妳唔知嘅咩？假如今日講粵語嘅粵民族同先秦講古南越語嘅古南越人係冇哪冇掕嘅話，噉而咖嘅粵語裡頭又點會有古南越語嘅底層吖？？？
我梗係唔會好似妳噉，乜鳩都向北拜喇！乜叱“中原雅語”？關我哋粵語同古南越語屄事咩！
粵語係唔係秦朝唐朝嗰陣嘅“國語”我冇興趣知，亦都冇興趣去估，我淨係知道粵語唔係而咖嘅“國語”啫！粵語有資格成為將來某個國家嘅國語，不過肯定唔係而咖呢個。
至於妳嗰個廣州同廣東嘅比喻，不如我教下妳應該點比呢：假如粵語之於妳所謂嘅“漢語”等同於廣州之於廣東嘅關係，噉我諗好多粵族人會好認受。之但係呢，現時粵語並冇受到噉樣規格嘅禮待。
假如妳係要搵廣州同廣東比嘅話，噉我可以話妳知：廣州唔單止可以代表成個廣東！仲可以代表埋成個大粵，包括廣西同海南！呢種關係就好似華盛頓可以代表成個美國，倫敦可以代表成個英國，巴黎可以代表成個法國噉樣！
最後就係妳嗰個都幾笑甩人大牙嘅舉例，廣州人同順德人，江門人，北海人居然會雞同鴨講？？？妳真係傻咗未好番！我而咖同妳就雞同鴨講喇！！！咪話廣州人同佢哋唔會雞同鴨講，就算廣州人去到大粵最西部嘅百色同當地人都唔會溝通唔嚟吖！點解？咪就係因為我哋有相同嘅母語--粵語囉！