Feb 10th, '15, 22:01
057 轉換文字系統會導致一種文明嘅衰亡？荒謬！
喺現時呢個世界上高，成功轉換文字系統嘅國家同民族比比皆是喇！尤其係喺近代，成功嘅個案簡直多不勝數！越南，韓國，朝鮮，土耳其，蒙古，印尼，馬來西亞，前蘇聯嘅加盟共和國，克羅地亞，斯洛文尼亞……唔通妳冇眼睇嘅咩？定係選擇性失明吖？
首先要講嘅係我哋大粵嘅近親兼近鄰越南，喺毅然拋棄咗方塊字之後，越南嘅拉丁字本土文學成長迅猛，隨著大批自主自立意識濃厚嘅拉丁字文學作品現世，使到廣大越南民眾逐漸咗擺脫千年嚟籠罩喺佢哋頭上嘅中國文化殖民陰影！拉丁字並冇使到越南本土文化滅亡，相反，越南本土文化喺新嘅文字載體上高，得到咗更鮮明，更有效率嘅傳承！
現時，世界各地遍佈越南僑埠，呢啲越南埠同我哋粵民族嘅“唐人街”地位等同，西人絕對唔會混淆佢哋，從呢個側面，足可見越南自主化嘅成功！希望喺不久嘅將來，我哋粵民族廣佈喺世界嘅“唐人街”，亦都好似啲越南埠噉，正式正名為粵人街！
至於跟著要講嘅韓國，我諗噏多都尋，睇下而咖韓劇喺撈國嘅熱播，就知道到底係邊個影響邊個，呢啲韓劇無一例外噉喺有意無意間向一眾撈國人炫耀佢哋自己獨創嘅韓文字！
好似以上噉嘅例子仲有好多，土耳其，蒙古，印尼，馬來西亞……
所謂轉換文字系統會導致一種文明衰亡嘅論調係好荒謬嘅！現時有唔少粵人口口聲聲話要國際化，話要有國際視野，以為學識兩句英文就係“國際化”。之但係睇番佢哋嘅思維方式，卻依然停留喺“中國”嘅框框之內，諗啲嘢從嚟都係本著“中國”呢個低視角去睇嘅，佢哋從嚟都冇，亦都唔曉再企高一啲，用“遠東”，“西太平洋”，“亞洲”，乃至全球嘅視野去睇事物，喺更大嘅範圍之內去相互對比事物，參詳事物！