Nov 2nd, '10, 18:54
粵右激論系列：067 分灶
雖然係意氣說話，不過啲撈（呢隻係廣西嘅桂柳撈）將我哋廣州廣東同日本拉埋一齊，就好似將臺灣同日本拉埋一齊噉樣，從一個側面折射出佢哋根本就冇將我哋當成自己友！甚至仲將我哋粵人當成係同日本仔等量齊觀嘅敵人！
噉妳話，呢啲噉嘅“親戚”值唔值得我哋粵民族去認呢？！！
最弊嘅係，我哋到而咖為止，仲同埋呢啲充滿敵意嘅垃圾“親戚”住埋喺間難鬼大屋裡頭！真係諗落都毛骨悚然！
喺呢間難鬼大屋度，人哋當正自己係長房大宗，對我哋呢啲旁支末葉呼呼喝喝，仲時不時陰濕我哋添！
呢間難鬼大屋起咗都成二千幾年，起咁耐就爛咁耐，咖下都搖搖apap變危樓囉！人哋長房大宗嘅，當然對呢間嘢眷戀喇，不過對我哋呢啲偏房嚟講，又係唔係值得對呢間爛屋咁依戀呢？？？
咖陣新世代，時興小家庭大社會，往日嗰種結構OUT咖喇！我哋真係要諗下喺外邊自己置番頭家至得！費鬼事再同埋啲大纜都扯唔埋兼且對妳嫌三嫌四嘅所謂“親戚”住埋喇！係咪！
就算一時間搬出去有困難，最起碼都要分灶喇！咪過我哋辛辛苦苦搵番嚟嘅，到頭嚟畀人食鳩晒！
好似我哋嗰兩個細時過繼畀人，而咖返嚟呢間爛屋住嘅細佬，雖然佢哋咖下都唔好景咖喇，不過最起碼都同啲垃圾分開食先喇！