Nov 3rd, '10, 23:06
粵右激論系列：081 評粵語聲調
有人主張：要將“聲調”同“聲韻”兩個概念作明確嘅區分。“聲調”係以調值為唯一依據，粵語同越南語都分為6個聲調。“聲韻”係以韻尾為唯一依據，粵語同越南語都分為3個聲韻，即陽聲韻，陰聲韻，入聲韻。呢種劃分標準先至算係明確兼科學。
喺以前，啲人喺區分粵語聲調嘅時候，認為粵語有六聲九調。
不過嗰啲係以前嘅事，自從方塊字電腦輸入法出現後嘅近十幾年，呢種入聲另算入一類嘅聲調分類法經已唔再受後生一代所尊重喇。
香港中文大學嘅審音配詞字庫經已完全放棄咗入聲係聲調嘅觀點。喺佢哋嘅字庫裡面，粵語淨係有6個聲調而根本就冇入聲。
喺維基嘅閩南話裡頭，亦都係噉嘅情形。
中國國內嘅其它“漢方言”，如客家話、閩南話等南方語言新出現嘅拼音方案，幾乎都係清一色嘅入舒同調，入聲另調嘅觀點喺南方及後生一輩裡頭經已唔受重視喇。
----------------------------------------
喺粵語裡頭：1陰平 2陰上 3陰去 4陽平 5陽上 6陽去
喺越南語裡頭：1陰平 2陽平 3陰上 4陽上 5陰去 6陽去
兩者 1 2 3 4 5 6 調嘅定義係唔同嘅。
粵語第1調等同於越南語第1調；粵語第2調等同於越南語第3調；粵語第3調等同於越南語第5調；粵語第4調等同於越南語第2調；粵語第5調等同於越南語第4調；粵語第6調等同於越南語第6調。
----------------------------------------
至於標調嘅部位，係喺 a e i o u 五個元音字母嘅頭殼頂，標調嘅次序係 a > e > i > o > u 。