Nov 3rd, '10, 23:16
粵右激論系列：096 漢族唔散，粵族冇機！
唔係香港人隻腦發育健全唔健全嘅問題，噉樣講會得失我哋嘅香港粵族兄弟。
捽之爭到個時間表，十年，話長唔長，話短唔短，我諗唔少香港人會受嘅，起碼雙普選唔會再遙遙無期先喇，好過乜都冇。當然，呢個設定係建基喺北邊漢族中國嘅“法律”基礎之上嘅，至於信唔信得過？各位自己去諗喇！
不過，我就始終都係噉認為：
家陣啲撈事實係中國嘅統治族群，佢哋嘅意志同取向就係中國嘅意志同取向！撈話事實上就係中國嘅統治語言！想喺中國嘅司法體系網裡頭捲法律罅？盞係嘥心機捱眼瞓！
喺中國，我哋粵族人係被統治民族，畀人殖緊民，北邊嘅漢族人係統治民族！中國嘅法律，代表著北邊漢族人嘅利益，就算真係畀妳搵到笨，一旦啲漢人發覺，佢哋就會毫不遲疑噉修改呢條畀妳有機可乘嘅法例，佢哋喺上我哋喺下，佢哋佔有立法嘅制高點，喺中國嘅範疇之內，鬥玩「法律」？我哋粵族人點都唔夠佢哋漢族人玩！
喺中國嘅範疇之內，我哋粵族人點先可以佔據立法嘅制高點呢？做中國嘅統治民族喇！至於有冇噉嘅可能？噉就真係見仁見智囉，不過我就認為喺往後一段好長嘅時間裡頭，都唔會有呢種可能出現。點解？八個字：漢族唔散，粵族冇機！