Feb 11th, '15, 21:32
111 民族（族群）效應對民主嘅巨大影響力
民主嘅實施係要通過選舉嚟體現嘅，講到選舉，就肯定要有選民同候選，亦即係牽涉到人嘅參與，點樣去實際操作嘅問題，而唔係僅僅局限於理念嘅範疇。
我哋知道，人係社會性嘅生物，佢哋往往會聚群而居，形成一個喺語言，文化，心理上都彼此認同嘅群體，亦即係民族，或者叫族群。喺實踐民主嘅現實過程裡頭，民族（族群）嘅效應肯定會對民主本身施以巨大嘅影響力。
可以講，理想狀態下嘅民主係唔存在嘅，民主喺人類現實社會嘅存在無可避免噉肯定會滲入民族（族群）嘅因素。