Feb 11th, '15, 21:41
115 粵國人希望：中國民運“菁英”喺倡導民主之前，先釐定清楚佢哋中國嘅疆域範圍
事實上，基於粵國人嘅立場，仰光市被冠予〝大北京〞之名或曼德勒市被冠予〝小北京〞之名，我哋並冇任何興趣。我哋擔憂嘅係，中_共政權有計劃噉、按部就班巧立各種名目，喺中國北部漢族嘅鄉下，不動聲色噉將漢族大量移入粵國，與此同時，以槍炮做後盾，以各種手段將粵族為首嘅粵國土生土長嘅原住民，趕出家園等佢哋流亡異國（好聽啲就叫做移民！），家陣移民出去嘅粵國原住民又何止幾十萬？！！
我哋同樣好同情流亡海外嘅中國陸肆民運人士，但係，我哋亦都好懷疑，中_共政權現時嘅移民計畫，係咪為日後民主化嘅中國鋪緊路？中_共政權嘅移民政策長此以往落去，縱使將來粵國嘅前程，粵國何去何從可以訴諸公投，屆時，亦勢必由北邊落嚟嘅漢族移民主導著粵國嘅前程！
我哋粵國人希望嗰啲家陣流亡海外嘅中國民運“菁英”，唔好有類似於緬甸NLD所謂嘅“一個國家不能出現兩個平行之政府”嘅立場同諗法，我哋粵國人希望中國嘅民運“菁英”，喺倡導佢哋國家嘅民主之前，先釐定一下佢哋中國嘅疆域範圍。顯然，粵國唔喺中國範疇之內！我哋粵國人有必要採取類似於撣國人嘅心態，對中國嘅民運“菁英”切勿過於接近同輕信！畢竟，佢哋同我哋粵國人係唔同嘅民族，非我族類，其心必異，唔能夠唔防吖！