Feb 12th, '15, 17:29
158 支那應該點切法？
最主要係要因應地域嘅中心大都會同方域文化嘅重心點嚟去推，當然，山川地勢亦都要考慮。
妳冇理由將幾噠鄉郊地方拉埋一齊就叫做一國。就好似妳講嘅「中山」噉，河北中南部係趙，平津唐一帶係燕，佢夾喺燕趙中間，大城都冇個，實力單薄，兼且冇明顯嘅特色方域文化，嚴重受燕趙經濟文化嘅輻射影響，顯然冇辦法單獨立國。
至於齊魯，最主要係要量及現時山東嘅政治經濟格局，濟南同青島係山東雙子星，半斤八兩，齊魯兩個銜頭佢哋一人攞一個，好合理。山西嘅晉代分別對應現世嘅太原同大同，係同樣道理。
至於點解唔將成都，重慶裂分成巴蜀；福州，廈門裂分成福閩；瀋陽，長春裂分成滿遼；上海，溫州裂分成吳甌；係要照應到呢啲都係非支那核心本土區域裡頭嘅國家，兼且係我哋潛在嘅盟友，唔適宜過份削弱。承認佢哋嘅“大範圍”，起碼可以得到佢哋嘅對等承認，講白啲就係要佢哋承諾唔將廣州，南寧，海口，汕頭，梅州離析成粵壯瓊潮客嚟看待。
河南要用魏周，宋嘅地域歷來係喺中原偏東嘅地方，將宋嘅銜頭留畀徐州喇。