粵右激論系列：210 粵獨嘅先知

粵右激論系列：210 粵獨嘅先知


我從嚟都冇話過我係啲乜教授物學者喎，我祇係竭力推動粵民族覺醒復興運動裡頭嘅一份子啫。我嘅理念我嘅思維都係基於粵獨呢個政治目標嘅，所以妳話我係政客，噉都唔會錯得去邊嘅，大致係嗰範喇，祗不過呢，現時大粵本土呢度，家下仲係支那嘅殖民領地，冇乜政治自由可言，政客就更加無從談起。

喺呢個噉嘅環境底下，我更加想成為粵獨理念嘅其中一個先知，去點化去指引去武裝我哋嘅同胞，為我大粵嘅獨立同自由盡我嘅所有力同我嘅所有智慧。

學術研究係教授同學者做嘅，而點樣去善用呢啲學術成果為自己嘅政治理念加添籌碼至係政客同先知所應該做嘅事，話得明係政客就梗會有傾向性咖喇，所以唔好話我唔得“中立”吖。

粵文拉丁化之後會有問題？冚世界最好嘅脫支貨版越南就喺我哋側近，有成隊越南臺灣教授同妳諗計，有成籮脫支秘笈等妳嚟揀，妳使憂？家陣未有耐到討論粵文拉丁化之後會點點點嘅階段，我哋家陣要諗嘅，係點樣去啟導粵文拉丁化呢個進程可以順利噉發動同展開，拉丁化之後會點點點唔係否定粵文拉丁化嘅理由，嗰啲祇不過係技術性嘅問題，反脫支至係阻礙粵文拉丁化嘅真正元兇。

拉丁根未脫？亞meallanfearghai生我諗妳真係飲得咸水多得滯，對大粵本土基本情勢嘅瞭解真係貧乏得好交關下，我哋大粵本土嘅粵族人，從細係學漢字大嘅，好似我呢個年代嘅人，直到小五先至開始學ABCD咋，噉點拉丁根法吖？

深右派應該係保守主義？妳估呢樹係美國嚟吖？深右必屬保守嘅共和黨咩。呢位美版斯斯meallanfearghai同學，我哋呢樹係共產黨支那嘅殖民領地嚟吖，至少喺個名嚟講，深右呢個名號係絕對唔會同支那共產黨有共疊或者產生混淆效果嘅。支共曆嚟人所共認係左（雖然佢家陣變咗質，好似變得好“右”），噉佢嘅反對派，對應自然就係右喇，溫和啲嘅尋求自治、聯邦嘅粵人，係中右派，而深綠派深右派粵人所主張嘅，就係粵獨，呢啲就係我哋所言嘅粵右。

要真正研判準現代政治，唔係靠教條主義式嘅一本通書讀到老，任何學科都係生嘅，尤其係政治學呢範，會隨著時勢嘅變幻而衍生出新嘅，各自唔同嘅理論同信念。對於舊教條舊理論，喺必要嘅時候，要作出合乎時代變遷同量及傳統地緣政治影響嘅重構。

喺傳統意義上高，共產主義係左，資本主義係右。雖然支那共產黨家陣變咗質，係大官僚資產階級嘅代表政黨，不過佢畢竟係掛著共黨嘅名，專制兼獨裁，離資本主義主流嘅右仲好遠。

假如嚴格按照傳統意義嚟劃分，噉家陣嘅世界都係右嘅，只有古巴同朝鮮係左。查實家陣表示政治立場左同右嘅意涵經已有變，代表有錢佬階層嘅都可以係左，我哋有香港同臺灣嘅現實政治嚟做例證。

粵左粵右，通常可以依照香港民主同建制兩派嚟分野，又或者依照臺灣藍綠兩營嚟分野，左派立場通常係擁統撐專制，右派立場通常就擁獨撐民主。具體啲嚟講，親共親漢專制殖粵嘅，就係粵左；反支粵獨撐粵地民主嘅，就係粵右。

雖然香港嘅民主黨同社民連佢哋而家做啲嘢有左嘅味道，不過離傳統意義上嘅左，仲有頗大距離：佢哋提出咗最低工資標準，不過最基本嘅經濟體系公營化，個人財富均化，同工運奪權，佢哋都唔敢去碰去提，因為，呢啲觸及資本主義嘅根基，噉搞作力撐佢哋嘅美國一定會私疑。

而家香港傳統意義上嘅左翼運動，其實同西方嘅左翼源於一脈，係溫和式議會議事式嘅左，並唔係當年毛支獨裁式“人民民主專政”嘅極左。同現時席卷拉美嘅左翼運動相比，香港嘅左翼查實勢力並唔大。

按現時國際主流嘅政治觀點，獨裁統治嘅支那同寡頭統治嘅俄羅斯，仲有所謂嘅上合諸國，都係左營。係同美歐主導嘅民主陣營普遍對立嘅。家下釐定國際政治陣營嘅左右，經已唔可以再用代表有米同代表冇米咁簡單嘅基準嚟劃分，而要將現勢政治陣營歸屬嘅元素加入去。

雖然而家嘅支那社會有著資本主義原始積累階段嘅明顯特徵，但係喺同時，支那嘅內部又遍佈公營經濟，官方喉舌全部都係左派言論，支共裡頭仲有大把人持傳統嘅左派思維，批判現時嘅虐民政策，所以，話佢係右，起碼現時嚟講係好唔恰當嘅。

而美國對現時支那嘅呢種雜交怪雞資本主義，一向唔認受，所以支那先成日鬧美國死抱“冷戰思維”，可見，美國視支俄係左營嘅傳統觀念，一直都冇變過。

我嘅核心理念係粵獨，而粵獨要喺全粵民族思維裡頭生根，靠嘅係大粵民族主義！而唔係共產，左派，右派，民主呢啲咁泛式嘅嘢嚟支撐，因為噉會分裂成個粵族社群，兼且唔可以使粵族社群同支撈社群喺分野上高顯明噉對立開嚟。

顯然，類似於反世貿，反全球化，反G20，反G7，反哥本哈根會議，反溫哥華冬奧呢啲新左派運動，係動員唔到粵族資產階級嚟反撈嘅。而爭取粵族裡頭有米階層嘅支援，對粵獨運動嘅發展同壯大，意義深遠！我始終都噉認為，粵獨唔應該排斥佢哋嘅加入，冇佢哋啲內水射著，靠美歐啲外水，好難撐得耐。以呢個視角嚟睇，我哋粵右至係真右。

妳居然講到粵文拉丁化可以同共產主義扯得埋？我真係服得妳好交關，汪妳仲話自己係乜乜大學嘅在讀學生。攞粵文同粵語兩相比較，妳就會知道，粵語至係本根，漢字粵文不過係皮末，我喺“拉丁化粵文嘅探索之路”裡頭，晨早就話過：我哋粵民族係一個冇乜母語語文歷史傳承嘅民族。喺度再確切啲點明，就係：我哋粵民族係一個冇乜漢字粵文歷史傳承嘅民族。既然本嚟就冇乜傳承，噉粵文拉丁化又何嚟反“傳統”？何嚟激進吖？

仲有一樣嘢我諗妳係混淆得糊哩糊塗，我哋係要推動粵文嘅拉丁化進程，唔係粵語嘅拉丁化，呢兩樣嘢嘅意涵有好大嘅唔同。我哋推動粵文拉丁化，係為咗更好噉保護粵語免受嚟自支那漢語嘅進一步侵蝕。粵語至係我哋粵民族粵文明嘅本根所在，粵文實現拉丁化之後，我哋嘅族人可以喺文字書寫同文字錄入嗰陣，一次又一次噉記實、一次又一次噉發著我哋粵語嘅標準拼音，寫得越多記得越深，講又係佢寫又係佢，到時粵語想唔深入我哋每一個粵族人嘅心髓都唔得喇！呢啲就係表音文字對語言傳承純淨性所顯現出嘅好處嚟喇。