Dec 14th, '10, 23:22
粵右激論系列：232 柔性路線將迷失粵獨！對penkyamp生一啲觀點嘅唔同睇法
廣州亞運當頭，支那殖民政府先前又有陰濕動作，又想乘機借勢打壓大粵本土嘅粵語同粵文化傳承，於是，撐粵衛粵嘅反彈力量又再重新喺粵人裡頭積聚，終於，喺七月底八月頭，喺大粵本土，尤其喺大粵首都廣州，爆發咗7.25同8.1兩次激揚嘅撐粵衛粵運動。
喺嗰段咁風起雲湧，思潮澎湃嘅日子，亞penkyamp生不辭辛勞為我哋帶嚟咗呢篇名為《给广东挺粤青年们几个建议》嘅咁有見地同咁有啟導意義嘅撐粵文告。真係多謝晒佢。
我本人，對文中見解，唔少係好認同嘅，但係，對亞penkyamp生所持嘅某啲論點，我嘅睇法同佢明顯係截然有別嘅。
早喺粵協時代，我就識亞penkyamp生，知佢唔多係粵右嚟，嚟咗大粵民國臨府論壇呢度，佢應該算係粵右裡頭最唔粵右嘅。亞penkyamp生有好多觀點以我睇嚟，都係好溫和、甚至係好柔順嘅。
亞penkyamp生認同粵文拉丁化，係我最激賞嘅，佢喺粵文拉丁化同粵語拼音方面嘅造詣，相當高深，係呢方面嘅真正專業人士。
我對亞penkyamp生提出嘅拉丁化粵文顯影化舉措、粵語勵志歌創作、網路弘粵、粵文化復興嘅集群效應、製作大粵標識、粵文學創作、粵史編纂、興辦粵語學校（尤其係提出直接用粵語拼音、亦即係拉丁粵文交流）、認受粵民族係一個東南亞民族、爭取粵商撐粵衛粵（尤其係鐵粵企業目錄嘅提出），都極之認同。
好喇，講完認同，就講唔贊同嘅嘢：
第一，我絕對唔贊成喺保留漢字嘅前提下作去支那化嘅努力，因為噉樣去支那化法盞係嘥氣！冇用嘅。
要我大粵徹底噉喺文化上高獨立於支那，一定要轉變粵文嘅書寫系統，由現時嘅繁漢簡漢粵文轉成拉丁粵文，漢字一定要禁廢！唔係嘅話我粵咪使旨意可以喺文化體系上高永久噉成功脫支！
現時暫行保留繁漢簡漢粵文，祇不過係為咗過渡，以畀喺支那漢字教育架構下低成長起嚟嘅粵人一個對拉丁粵文嘅緩沖適應期。
單就penkyamp生呢篇《给广东挺粤青年们几个建议》嘅標題嚟講，penkyamp生明顯冇將佢粵文化，短短一個十二字標題，竟然出現諸如“給、挺、們”三個漢文詞彙，比率高達25%，真係好唔要得！點解唔採用我哋粵文所專有嘅特色詞彙嚟表達呢？譬如《畀廣東撐粵衛粵嘅後生仔女幾個建議》噉嘅寫法，亞penkyamp生，妳話係咪好過妳自己定嗰個呢？睇一篇文章，首先睇嘅就係文章嘅標題，penkyamp生妳將個標題起得咁漢文化，顯然係同妳喺文章裡頭所要表達嘅理念意涵好唔啱牙嘅。
第二，我哋嘅目標係要徹底脫支獨立！我哋對喺異族統治下低嘅任何自治方案都冇任何興趣！唔理呢啲自治係真自治抑或假自治！獨立定自治，係天同地嘅差別。粵獨！係原則，係底線，點可以變？！！粵獨！至係我哋最根本嘅目標！！！
所以，我哋唔應該、亦都唔需要對嗰啲仲接受緊異族統治嘅自治個案研究啲咩嘢，冇意義嘅，盞會令我哋迷失方向，消沉鬥志！
我哋祇需要知道，西班牙嘅巴斯克同加泰隆尼亞、英國嘅蘇格蘭同北愛、俄國嘅車臣同韃靼斯坦、加拿大嘅魁北克，都喺度為佢哋各自最終嘅徹底獨立而奮鬥，而唔係僅僅滿足於所謂嘅“文化主權獨立”。
冇政治獨立，文化獨立就好難有保證，條頸始終畀人nin實，人哋happy嘅玩多元，妳就好彩啲，有得“文化主權獨立”，人哋衰格啲嘅，好似啲支那漢撈噉，乜都要一致一元，噉妳就實聽死硬！所以話，我哋自己嘅命運一定一定要揸喺我哋自己嘅手裡頭先至最穩陣！
第三，penkyamp生提出我大粵本土嘅撐粵衛粵要突出國際性，因為我哋粵語係國際性語言，呢點我認同，皆因事件嘅國際化對我粵絕對有利！搞到全世界嘅人都知，令國際輿論對我哋撐粵衛粵嘅行動廣為關注，我哋所得到嘅同情同聲援就會越多，支共對我哋嘅打壓就會越加避忌。同時，令撐粵衛粵成為國際問題嘅熱點，反過嚟，顯然會強力促進世居喺我大粵本土嘅粵民粵民族意識嘅覺醒，而我哋粵民族整體族群嘅徹底覺醒，正正係我哋粵獨嘅泉源所在！
不過，好可惜嘅係，亞penkyamp生喺接著落嚟所提出嘅，竟然係要降低粵本土主義以遷就撐粵衛粵嘅國際化，噉顯然係本末倒置。喺我大粵本土撐粵衛粵嘅最終目的，並唔係使到呢樣嘢嘅本身國際化，而係透過呢個行動嘅國際化傾向以謀取更大嘅成效。我哋粵民族意識嘅覺醒，我哋嘅母語同習俗文化可以更好噉唔受外力干擾噉得以傳承，呢啲都要仰賴粵本土主義、粵民粹主義嘅從旁護持。
今次撐粵衛粵運動事件本身嘅性質，係世居喺大粵本土嘅粵族人為抗擊支那漢撈長期嘅對粵殖民壓迫、捍衛自己本民族嘅語言同文化權益而作出嘅一場強力嘅鬥爭。呢場鬥爭，佢最急切要達成嘅目標，係要捍衛粵色彩同粵文化喺我大粵本土嘅獨佔性唔再受到侵犯同威脅。
至於呢次撐粵衛粵運動對大粵本土以外嘅海外粵僑同埋佢哋嘅族群造成咩影響，又或者海外粵僑會對往後嘅類似運動施加啲咩作用，我認為，呢啲都祇會係附帶同外延性嘅嘢，唔會對大粵本土撐粵衛粵運動本身嘅性質，亦即係：抗擊支那漢撈對大粵本土嘅殖民壓迫，構成啲咩根本嘅、質嘅改變。
離開大粵本土去講撐粵衛粵，等於離開啲水去講魚、離開啲根莖去講花果，佢本身嘅意義就經已削減咗一大半。大粵本土對於全世界嘅粵散播區域嚟講，地位無疑係居於第一位嘅，絕對唔可以因為所謂嘅“國際性”而輕忽大粵本土嘅利益。
倡導大粵本土主義，唔等於係自閉，更加唔係排外，大粵本土主義祇係排一樣嘢，就係排漢同排支那！我哋將非常樂意同除咗支那、除咗漢撈之外嘅全球所有國家、族群、社團、政黨進行全方位接觸同交流。
國際化，尤其係政治交涉層面嘅國際化，我哋將非常樂意睇見，因為，噉極大噉有助於我哋粵獨運動嘅開展。但係，喺粵民族範疇裡頭嘅國際化，尤其喺理念認同嘅同步性問題上高，我更加傾向於世界各域嘅粵人自己去選擇。
講白啲，就譬如話，海外嘅粵人唔係幾認受粵族呢個理念，唔贊成脫離泛支那化（亦即係所謂嘅大中華）嘅範疇，唔想粵文拉丁化，噉唔通我哋大粵本土嘅粵民就唔使民族覺醒，就唔畀脫支獨立囉喎？我覺得噉太荒謬喇！完全冇理由將海外粵民嘅思維意志強加喺大粵本土粵民嘅頭上面。
而家嘅海外粵民，同埋佢哋嘅海外子孫，根本就冇經受過，亦冇機會經受支那漢撈殖民我粵本土畀我粵本土粵民所帶嚟嘅切膚之痛，佢哋唔會明白點解我哋本土粵民會咁憎恨啲漢撈，佢哋根本就冇同殖民者親身交往嘅經歷，佢哋唔會體味到畀人殖民嘅痛。
講句難聽啲嘅，我哋本土粵民而家係支那漢撈嘅奴隸，而海外嘅粵民，就係鬼佬、馬拉雞同啲黑鬼眼裡頭嘅寄生蟲。漢撈嘅奴隸當然係想反漢滅支，所以大粵本土嘅粵民歷嚟都係媚外而蔑撈。而喺鬼佬、馬拉雞、黑鬼地頭寄居嘅海外粵民，就啱啱相反，由於長期孤居域外兼且備受當地主體民族嘅歧視，佢哋憎啲鬼佬、馬拉雞、黑鬼絕對多過憎啲撈頭，所以佢哋當然想搵支那呢座大“唐山”喇，至起碼喺情感上邊會係噉。礙於佢哋所處嘅處境，可以預見，要maang咗佢哋條支根係好難嘅，至起碼我哋獨立嘅粵民族國家未創建之前呢種情況唔會有大改變。
大粵本土粵民同海外粵民各自境遇嘅唔同，從根本上杜絕喺粵民族範疇裡頭去支那化保持步調一致嘅可能性。假如呢陣再強調咩粵民係“國際化”嘅族群，噉海外粵民嘅呢種戀支情結將會大大拖慢我哋粵民族嘅民族覺醒進程，進而畀我哋粵民族獨立嘅民族國家嘅創建帶嚟消極影響。
祇有我哋粵民族獨立嘅民族國家得以創建，海外粵民真正認祖歸宗、唔再去錯拜“唐山”，先至會變得有可能；祇有我哋粵民族獨立嘅民族國家得以創建，先至會有大粵本土粵民同海外粵民嘅真正合聚！而祇有呢陣時，我哋粵民族至真真正正算係一個有統一粵內涵認同而非“唐人”認同嘅“國際化”大族群。
其實從8.1嗰日嘅穗港聯動撐粵語行動裡頭，就可以睇出大粵本土粵民同海外粵民喺反支那漢撈烈度上高嘅明顯差異。相比香港嗰邊嘅水靜河飛，廣州呢邊就顯得無比壯烈，喺主集結地失守嘅情況下低，仲頑強轉移陣地，甚至喺短時間內發起過千人嘅大遊行，直至發生強烈嘅警民衝突收場，8.1嘅大遊行比起7.25嘅大集結行動更趨激烈，點解會噉？經年月累受支撈殖民壓迫嘅感受決定一切！針gat到肉先知會痛！
喺呢次8.1撐粵行動裡頭，香港嗰邊靜英英，澳門簡直冇晒聲，講真，我好失望！因為淨得廣州壯烈！淨得廣州孤身作戰！之前香港講到乜噉，到最後，我哋大粵本土粵民自己嘅事，咪主要由我哋大粵本土粵民自己撐返。呢啲就係處境、際遇同感受決定著一切。
第四，對於penkyamp生提出嘅粵文化復興嘅去市井化並保持雅致性呢一點，我嘅睇法僅僅係基本認同。冇錯，喺我哋需要做有深度嘅粵獨理論研究嗰陣，呢樣嘢會顯得好緊要。不過，當需要強力推動社運向前進展嗰陣，去市井化同保持雅致就顯得不合時宜。
我始終認為，太過雅致太過學術太過花瓶嘅口號，明顯欠缺激情，鼓舞性唔夠，難以快速噉催發出民眾參與社運嘅激情。冇《屌那媽，頂硬上》、《煲冬瓜收皮》、《收皮》、《放人》、《廣州》呢啲咁世俗淺顯但係可以明顯激揚鬥志嘅樸實口號，7.25同8.1兩次激烈嘅撐粵衛粵運動就根本體現唔出大粵本土粵人嗰種對支那殖粵深切痛恨嘅精神心髓！
先講著咁多先，第次得閒再嚟對penkyamp生嘅一啲觀點進行二論、三論......