Feb 17th, '15, 07:55
237 歡迎亞meallanfearghail生喺粵協殺到過嚟切磋！
各位先嚟睇睇亞meallanfearghail生對我嘅指教先喇：
————————-
焚書坑儒嘅做法根本唔係興粵，而係亡粵！將粵人變成一個無家可歸嘅民族！
睇住粵嚟粵掂一次又一次不顧後果咁強行推動粵文“拉丁化”，同埋嶺南文化“去中華化”（粵嚟粵掂所講嘅“去支那化”），我等真係好心痛。而今次見到佢竟然明目張膽咁主張“焚書坑儒”，我忍唔住要質問佢：“咁你係唔係連我等粵人，以至南方百越人本來就已經‘少得可憐’（爾句話仲係粵嚟粵掂親自講嘅）嘅文學作品，包括《粵謳》同埋《海上花列傳》，都要焚咗佢？！”仲有，佢竟然可憐到要靠以夷制夷來“光復嶺南”，包括用拉丁化粵文取代漢字粵文，同埋靠大力引進外來宗教來取代中華文化，而唔係恢復我等嶺南人喺漢人南下之前信仰嘅泛神教，甚至企圖令到嶺南失去民主自由嘅希望，而倒退為一個政教合一嘅落後國家，更甚至要打碎我等嘅家庭關係。咁樣一來到底係能夠光復嶺南文化，定係最終會消滅嶺南文化，令到嶺南人變成一個冇根嘅民族，諸君心知肚明。
而且，可悲嘅係，粵嚟粵掂根本認識唔到美國根本無心協助嶺南脫離共產黨獨立，甚至根本唔理會邊個有理邊個冇理——佢等大資本家唯一關心嘅係能唔能夠喺百越同共產黨嘅對抗之中撈返啲著數，因為有戰爭先至有人買軍火，有人買軍火佢等先至有錢去東南亞叫雞。而且，如果任由美國介入，無論係百越定係中共最後贏得爾場對抗，美國都好容易賴死喺爾一區唔走，最終將嶺南，甚至整個百越地區變成自己嘅經濟殖民地，到時脫離咗共產黨又做咗美國嘅奴隸，千千萬萬百越烈士拋頭顱洒熱血就變成運橘。
————————-
首先歡迎呢位meallanfearghail生喺粵協殺到過嚟大粵民國臨府論壇切磋交流。
亞meallanfearghail生，呢度唔係粵協，呢度係大粵民國臨府論壇，大粵民國臨府論壇嘅宗旨，係旨在粵獨，所有有利於粵獨嘅思維方式、操作舉措都可以扐出嚟探討，當然，我哋亦都歡迎唔同見解，祗要唔係擺到明反粵獨，我哋係絕對唔會封殺任何評論嘅。同時，本人喺粵協封號前後，對閣下有關伸長言論自由嘅發言表示欽佩。
不過亞meallanfearghail生，妳都幾煽情，妳可以唔鐘意我提嘅某一啲嘢，不過妳搵呢啲嘢加以醜化唱衰嚟詆毀我就唔好囉。
亞meallanfearghail生，妳上邊嗰段加鹽加醋嘅感懷，以我睇嚟，維護緊嘅，僅僅係“支那式嘅粵文化”嚟咋。而我，對支那式嘅任何嘢，都持反對態度，我嘅見解係：對我粵文明，應該喺現代粵語標準語嘅承載下低，進行全面而徹底嘅歐西化重塑，以盡去支根。
另外，我覺得亞meallanfearghail生除咗煽情之外，邏輯似乎仲有的多紊亂：唔通用拉丁化粵文版本嘅《粵謳》、《海上花列傳》嚟替代用方塊漢字做傳輸載體嘅《粵謳》、《海上花列傳》都可以算做毀咗呢兩本文獻？唔通引進外來宗教就等同於將大粵整成一個政教合一嘅落後國家？
我所倡議嘅當世版焚書坑儒，旨在播撒後支那時代東亞大陸文明嘅多元化種子，而秦嬴政2200年前所搞嘅，就啱啱相反！
恢復我等嶺南人喺漢人南下之前信仰嘅泛神教？亞meallanfearghail生真係認真搞笑，2200年前古南越人嘅泛神教家陣仲有邊個見識過？睇怕喺現時嘅黎壯兩族裡頭，都殘存無幾囉。據史學家考古所知，當時嘅古南越人好興獵頭個啵，我哋當代粵族係咪要學返先？
我梗知粵獨齋靠美國肯定唔掂喇，但係冇槍冇炮，唔通去搵棚牙嚟捍衛我哋嘅領土咩？唔搵美國買軍火，唔通去搵支撈買咩？呢啲錢係一定要畀人賺嘅，唔係美國，就係俄國、日本、臺灣、印度、歐盟，鬼叫我哋自己整唔出嚟咩！
坦白講，我係反對有任何外國軍隊留駐喺我粵國土嘅。不過，即使係有美國嘅軍事介入甚至有美軍部署喺我粵，亦唔係咩難以接受嘅事，起碼會對我粵獨立之初情勢嘅穩固助益甚大，日韓夠畀美軍駐扎超過60年喇，佢哋有冇畀美國變成佢嘅經濟殖民地吖？當然冇，關鍵係靠自己不懈嘅努力！