我哋大粵民國（CANTONIA）嘅國旗同國徽（粵嚟粵掂方案）！

我哋大粵民國（CANTONIA）嘅國旗同國徽（粵嚟粵掂方案）！


對我哋大粵（CANTONIA）旗幟式樣嘅相關討論，喺粵語協會論壇，唔經唔覺間都有成年半時間。http://bbs.cantonese.asia/thread-12225-1-1.html 。當時，為咗使呢個話題可以持久噉探討落去，避免「敏感」，所以初時係打著「廣東省旗」嘅名號嚟傾嘅。喺呢年半裡頭，接獲唔少熱血粵人嘅設計意念同提議，各位仁兄越講越放，好快就轉正係為大粵而唔係為支屬廣東而設計嘅正途。


今日，將發佈我嘅粵嚟粵掂方案，將包括國徽、橫掛國旗、豎掛國旗、陸軍旗、海軍旗、空軍旗、政府船旗、民船旗在內嘅一覽子方案。我嘅呢套方案，係對各位熱血粵人嘅設計意念同提議進行整理匯集之後，再融入我對大粵旗幟徽記嘅長期理解得出嚟嘅，應該係迄今為止最完備嘅方案。


啡、綠、藍，係我呢套方案嘅三基色，而木棉花同銅鼓，則係重要嘅象徵物。


啡色，代表我哋係粵人，我大粵諸民族嘅直系先祖，係啡色膚色兼且帶有矮黑人種血統嘅古南越人，啡色意涵喻示我大粵諸民族嘅古南越源起。


綠色，代表自由、和平、生機。綠色，經已係自由嘅代表色，我粵覺醒，大粵獨立，係我大粵民國立國嘅核心理念；同睦鄰和平而有尊嚴噉共處，係我粵國民之所願；我粵地處東南亞北緣，北熱帶帶嚟嘅陽光同雨水，令我粵綠意泱然，生機勃發。


藍色，代表民主、海洋、睿智、永恆。粵內世居諸族嘅平等同民主，係我粵持久穩固嘅基石；我大粵族群同文明，有著顯明嘅海洋色調；我粵國民，理性而智慧；我粵國運，恆長而久遠。


大粵國旗，將依循現時世界上高上中下三色等分嘅國旗式樣。啡色居中，代表我哋粵人將永遠世居喺我粵國土，綠色喺上邊，代表我哋粵人人人享有自由嘅空間，藍色喺下低，代表我粵將建基喺民主嘅基石之上，正中間綻放嘅深紅色木棉花，色彩濃重，係我粵人所認同嘅代表標誌。


大粵國徽，盾形，全稱「廿二光芒木棉銅鼓盾」，盾形國徽，寓意我粵堅固，作為我粵人所認同嘅代表標誌，深紅色嘅木棉花位居盾心，放射出廿二道光芒，分別代表我粵三市（廣州、南寧、深圳）十七省（粵海、肇羅、韶清、湛茂、海南、莞惠、潮汕、東梅、廉欽、梧賀、鬱江、左江、右江、都鳳、柳融、桂全、文廣）同兩個自由聯邦區域（香港、澳門，自由聯邦區域嘅提法類似於澳紐關係，澳洲憲法明文列明紐西蘭可以加入澳洲聯邦，不過紐西蘭實質獨立，加入港澳兩道光芒，更多嘅係彰顯港澳嘅粵文明本質，而唔係大粵對港澳嘅主權要求）。銅鼓，作為古南越人嘅兩支直系後裔：東粵俚人同西粵僚人嘅祭祀重器，係我粵遠古青銅文明嘅重要象徵。喺盾牌嘅藍色基底上高，有我粵嘅英文名稱：CANTONIA，下低係我粵嘅國家銘文：用拉丁粵文（採用penkyamp式標調）書寫嘅「Mùk min fäa höi gäai ngó Jyùt」，意譯就係：「木棉花開皆我粵」。成隻「廿二光芒木棉銅鼓盾」，可以噉樣理解：建基喺民主（藍色基底）上高嘅粵本土理念（啡色光芒）同自由精神（綠色光芒）將永照我粵。


大粵陸軍旗，中間隻「廿二光芒木棉銅鼓盾」，寓意我粵軍精誠堅固，八道光芒，則係威震八方噉解。海軍旗、空軍旗、政府船旗、民船旗，則係參照咗英國三船旗式樣設計。


喺RAR壓縮包裡頭，係設計方案嘅原始高清析圖檔。

Attachments

CANTONIA GwokKei GwokFai.part02.rar

(1.57 MiB) Downloaded 183 times

CANTONIA GwokKei GwokFai.part01.rar

(1.66 MiB) Downloaded 148 times

國徽：廿二光芒木棉銅鼓盾（縮略圖）

Attachments

國旗：木棉旗（縮略圖）

Attachments

陸軍旗（縮略圖）

Attachments

海軍旗（縮略圖）

Attachments

空軍旗（縮略圖）

Attachments

政府船旗（縮略圖）

Attachments

民船旗（縮略圖）

Attachments

我觉得有中心不好,这给了我一种专政和特权的感觉.

(旗的原则: topic-t747.html )


其实你的旗已经很完美,但中心的图案,可能另用来做国徽就更好啦...

仅是个人意见.

另外, 红色,我有一种不舒服的感觉,在中国什么都红色,这种颜色被共惨党用坏了.

不过, 你的线条,和颜色,和构图的配合,真的很好,我竟然有一种舒服的感觉(哈哈,我在说什么呀?),因为在几种颜色之间似乎有某种灰阶上的趋同,又好似经过一种和谐(妈的,我竟然说了一个共惨党用的词!)的滤镜,一点也不觉得突秃.

钟双羽 wrote:另外, 红色,我有一种不舒服的感觉,在中国什么都红色,这种颜色被共惨党用坏了.

不过, 你的线条,和颜色,和构图的配合,真的很好,我竟然有一种舒服的感觉(哈哈,我在说什么呀?),因为在几种颜色之间似乎有某种灰阶上的趋同,又好似经过一种和谐(妈的,我竟然说了一个共惨党用的词!)的滤镜,一点也不觉得突秃.

我都好鬼死憎紅色，佢用嘅好似唔係大紅噃。

不過嗰幾peng花瓣點解係dap哂落嚟㗎？噉樣唔係幾好囉。

附件睇睇。

Attachments

我重系鍾意嗰個有棱角，垂瓣嘅木棉。 圓呢個重系太 江浙，太南航

但圓呢個適宜做 Q 版胸章。

垂瓣嗰個適宜用在國旗

我都觉得垂落来果个好睇，不过有人话无生气，吾好意头。

或者叫设计师执一执啦。

lilian1318 wrote:我都觉得垂落来果个好睇，不过有人话无生气，吾好意头。

其實我好鐘意drdoom_2009生原創嗰朵五菱木棉咖，因為夠剛夠猛，甚至似一隻鷹徽。

太柔太圓滑嘅都唔好，冇氣勢冇鬥志。

假如話五菱花瓣嘅尾下垂唔好意頭，噉可以喺靠臨尾嘅地方將佢向上反折咪掂囉。嗌專業嘅設計師按呢個思路再執執朵五菱木棉喇。

始終朵五菱木棉嘅五支花芯係向上嘅，唔會有咩唔魯禮，值得保留。

请问阁下，国徽是用什么软件做的？我想学习学习，能否介绍一些经验？

Manchurian wrote:请问阁下，国徽是用什么软件做的？我想学习学习，能否介绍一些经验？

用Photoshop同圖畫，主要係圖層嘅運用。

木棉本来就系花瓣向下，林落其实无咩吾妥，改左一下盾既形状睇下点？

为左统一横挂同竖挂，我睇用铜鼓好吾好。

顺序从上到下应该系：青天，绿水，红土。 你嘅顺序而家系搞乱左嘅。
铜鼓缺乏激情。太古奥。

红棉比较容易认知。

我想楼上 设计一个帆船嘅方案。

三种颜色既排列系本贴作者粤兄提出既，话粤人永远世居故土，所以放中间，我都好赞成。至于帆船，暂时比较困难，因为图案复杂，搞得吾好好难睇。不过我会试下。

penkyamp wrote:顺序从上到下应该系：青天，绿水，红土。 你嘅顺序而家系搞乱左嘅。
铜鼓缺乏激情。太古奥。

红棉比较容易认知。

我想楼上 设计一个帆船嘅方案。

就係要古奧！銅鼓係古南越人同埋佢嘅兩大直系支脈：東粵俚人同西粵僚人遠古青銅文明嘅重要象徵，係彰顯大粵本土祖根文明嘅代表性標誌嚟！

地理意念：从上到下依次系南岭（绿色），粤民（肤色），大海（蓝色），依个次序系定局来。至于旗既中间图案就成左最后要讨论既野。我搞来搞去都觉得用铜鼓好：
1。象征粤人。
2。横竖都得。
3。容易设计。

lilian1318 wrote:地理意念：从上到下依次系南岭（绿色），粤民（肤色），大海（蓝色），依个次序系定局来。至于旗既中间图案就成左最后要讨论既野。我搞来搞去都觉得用铜鼓好：
1。象征粤人。
2。横竖都得。
3。容易设计。

lilian1318 方案好

大粵民國國旗（粵嚟粵掂方案）lilian修改版

Attachments

1.gif (27.19 KiB) Viewed 1899 times

大粵國旗 黑啡藍三色

Attachments

大粵國旗 橫掛 2：1 黑啡藍三色.gif (26.47 KiB) Viewed 1035 times

大粵國旗 豎掛 2：1 黑啡藍三色.gif (37.16 KiB) Viewed 1035 times

大粵國旗 黑啡藍三色.rar

(202 KiB) Downloaded 17 times