我呢幾年一直都強調，粵港冇可能統合，因為香港人根本唔制，即使免為其難，香港都要攞足著數至制，但係大粵冇可能令自己嘅主權無限出讓。
粵港冇可能統合嘅另外一個關鍵因素係粵獨冇可能同港獨統合到，粵獨同港獨向嚟分得好清，妳還妳我還我，要粵獨嘅中心廣州將大粵國都讓畀香港廣州民意絕對唔制。
祗要係土生廣州人，大部分都會無限回憶廣州作為嶺南第一都會過往嘅光榮，坦白講，廣州人根本唔甘心做嶺南第二，呢種情緒係好自然嘅，根本毋須挑撥，我哋亦唔應該借“唔內鬥”為名對廣州人嘅呢種情緒指手劃腳。
廣州同香港係親緣城市，但係由於粵港長時間嘅政治分立，因而演變成一個政經中心VS另一個政經中心嘅格局，而家穗港事實上係一對競爭對手，廣州而家對香港越追越貼，廣州人對呢種態勢顯然好鼓舞。呢啲嘢都唔係一句“唔內鬥”所可以遮掩嘅，就好似香港鍾意睇實星加坡嚟追一樣，香港鍾意同星加坡比，香港人要獨立嘅心已經坦露得好清楚，係啲懵炳至相信而家仲有粵港統合呢支歌仔唱。
作為大粵民意最需要睇重嘅指標，廣州民意唔會接納以矮化廣州為代價嘅粵港統合，而祇會接受矮化香港嘅方案，香港就必定相反，噉就冇計傾喇，既然兩家民意都傾唔掂數，噉最好嘅解決方式，就係粵港各有各獨。
------------------------
以粵獨嘅視角評《為什麼我想香港獨立/自治》——論粵港統合嘅唔現實性以及粵獨同港獨嘅根源性歧異 兼議粵獨嘅建基：基於自由主義嘅民族主義
topic-t4986.html