建基喺尊重人權基礎上嘅粵獨

建基喺尊重人權基礎上嘅粵獨


國旗國徽乜部物部嘅嘢任何一個脫支運動都噉搞，噉搞睇落好似玩噉，查實係一種志氣嘅宣示，虛擬嘅妳都冇膽搞，仲嚟諗咩實牙實齒嘅真粵獨？

任何一樣嘢發跡嗰陣都係十劃都冇一撇，見冇人跟尾噉唔通就唔搞？OK！埋緊堆唔搞嘅可以退出，無謂勉強。不過我哋係粵獨嘅啟明星，我哋係粵獨嘅火種，我哋絕唔會放棄，假如連我哋都唔搞，粵獨往後就唔會有發展壯大嘅機會。

先知呢個詞我好鍾意噏，民族覺醒的確需要先知，就有如日後嘅民族解放需要英雄一樣。粵獨嘅先知需要做嘅，就係要樹立一個粵獨嘅標尺，話畀人做成點至叫做真粵獨。

我，就係粵獨裡頭為數唔多嘅先知之一，至起碼就目前而言，我睇唔到有任何比我更完備更激進更去支那化嘅理念。

所以，以而家嚟講，我一個人嘅理念事實上就係粵獨嘅標尺，因為，其他人嘅理念都顯示出或多或少支根未脫嘅表現，離真正嘅粵獨仲有差距。

我接受以“全人類利益”嚟征服支那，嚟瓜分支那，但係咪以咩“全人類利益”嚟同我講殺粵人！反人類嘅字眼粵獨要盡力迴避，呢個係佔據輿論高點嘅前提，即使粵獨好清楚嗰啲嘢一定會有發生！

“全人類利益”根本就唔存在！粵獨會經過司法程序宣判為數唔多嘅粵奸叛粵，然後處決，不過粵獨唔會以打粵奸為名嚟殘殺自己嘅本族人，若然係噉粵獨同支那豬有咩區別？粵獨更傾向開動宣傳機構嚟同粵人去支那化，而唔係去做一啲反人類嘅嘢。喺呢方面，粵獨要保持理性同克制。

民族覺醒冇可能一步到位，呢樣嘢一早預咗，不過，現時粵人社會亦冇可能祇有親支那一個諗法，粵獨其實係粵人裡頭普遍存在嘅一個隱性選項，祇不過礙於冇現實應激而未有充分顯露啫。

粵獨喺發跡初始期，一定會有一批死忠者，佢哋多數會係後生仔。粵獨會倚重呢脫人嘅活力嚟逐漸謀求對大粵主流社會嘅控制，祇要嗱實大粵嘅社會資源，粵獨就會迅即變成大粵嘅主流理念。

所以，粵獨唔會一直祇係政治思潮，粵獨遲早會成為軍政實體，有自己嘅轄境，有自己嘅武裝，有自己嘅官僚體系，有自己嘅宣傳機構，呢一切，都為粵獨日後主政大粵做準備。

漢奸關粵獨咩事？妳以為啲漢奸真係好想支那散架成東亞大陸上高幾廿個國仔咩？

漢奸祗想支那改朝換代，然後佢哋揸Fit，跟著就謀求繼續好似前朝噉，殖民我哋呢啲周邊嘅異民族！

而家喺美加嗰啲民運、法輪功就係現代漢奸，妳去問下佢哋想唔想支那四分五裂？

嗱埋就話“團結”而家喺外邊嗰班作反撈頭、尤其係將支那民唔民主同粵獨扯埋一齊甚至視同一體嘅諗法，係極為典型嘅支根未脫嘅表現！對呢樣嘢，我哋經已痛批過好多次！粵獨就係要同支那徹底分割！支那嘅內政，粵獨一概冇興趣參與，粵獨有興趣參與嘅，祗係點樣瓜分支那，將支那變成東亞大陸上高幾廿個國仔。

支根未脫又想講粵獨？到頭嚟盞嘥氣。粵獨一定要先盡去支根！

兩廣（海南歷屬廣東，唔再單列）係大粵本土，大粵民國當然要有呢啲地方，粵獨亦視呢啲地方係傳揚範圍。

祗要幸福理得咁多？噉不而移民喇，仲咁冒險粵獨托咩？

粵獨淨要珠三角都OK？建議妳去同民進黨講，咪臺獨喇，臺南獨或者高雄獨就得喇，又或者，去同美國佬講，妳哋啲普世價值喺美國噏就得喇，咪再冚世界通街揚。

粵獨要喺兩廣本土獨立建國，同支那嘅“大一統”根本唔嗱更。而支那嘅“大一統”係將好多本嚟就唔屬於佢嘅殖民地直接吞併，導致支那嘅實際領土遠遠大於佢嘅本土。

吳越嘅“華東”領土主張同樣遠遠超出佢原嚟嘅本土，簡直就係東亞另一個超級大國嘅雛形，而且佢仲將閩贛吞併，直接將疆域劃到嚟大粵嘅東北邊界。噉令人好容易聯想到他日支那一亡佢會唔會即刻搖身一變做東亞大陸上高嘅新支那。

粵獨對噉嘅事態當然關注，將支那分裂成東亞大陸上高幾廿個國仔係粵獨嘅興趣所在，喺後支那時代，粵獨極唔希望見到喺東亞大陸上高再有任何強勢力量崛起，呢個係我哋反對吳越“華東”領土主張嘅根本因由。

立亂殺唔洗講人權？妳噉噏嘢法有冇再天真啲？粵獨理念當中嘅基石之一就係人權！美軍喺伊拉克炸親平民都要即刻出嚟交代，若然唔係就會即刻受到國際同美國國內輿論圍攻，人類社會嘅進步家陣妳估仲好似同以前咁唔開化？

人權呢樣普世價值時刻掣肘著殘酷嘅屠殺，現代任何軍事行動假如一涉及對平民嘅屠殺，都冇可能避開國際軍事法庭嘅審判。

粵獨係要驅逐所有支那殖民者，不過斷然唔會冇腦到搵軍隊直接去清洗，假如噉做，睇怕粵獨都未成，粵軍將領就會一個二個畀人的晒去海牙。又打又殺又斬頭，咁暴戾咁殘暴咁唔理性，粵人見到都怕晒我哋喇。

驅逐有好多方法，我哋當然明白個中嘅嚴酷，但係唔使下下都擺到明攤晒出嚟嘅。記住，國際形象好緊要，粵獨要永遠畀世界睇到，粵獨企著喺普世價值嘅光明面。