大粵民國特赦法議案

大粵民國特赦法議案


基於對大粵國民仁慈寬恕同功過相抵嘅立法原意，特制訂本法。

1：本法僅適用於擁有大粵民國國籍嘅在囚人士。除非獲得他國在囚嘅粵籍囚犯嘅對等交換，否則大粵羈押嘅非大粵籍囚犯一律永不獲準特赦。

2：特赦係一種旨在寬恕減免對一個囚犯刑罰嘅行政命令，祇有大粵民國總統至有權限發出呢種命令。

3：基於司法獨立原則同行政司法互不干預原則，特赦祇喺行政嘅範疇之內有效，對一個正喺度接受司法調查同聆訊嘅嫌疑人，總統冇權對佢發出特赦。祇有法庭正式裁定疑犯罪成，並將疑犯轉介獄政署服刑，犯人重新納入行政管轄嘅系統之後，總統至有權限考慮對囚犯進行特赦。

4：無論喺任何狀況下低，所有犯有叛國、危害大粵國家安全、對粵種族清洗、故意殺人、強姦、反粵地人類（包括販賣婦女兒童、強迫婦女賣淫、虐殺女嬰疾嬰）呢六種重罪嘅囚犯，一律永不獲準特赦。

5：基於功過相抵原則，祇有曾為大粵獨立、大粵國防安全、大粵疆土拓殖、大粵國力提振騰飛、大粵重大科技進步、大粵公益救助同公義伸張、大粵文化及語言保育作出過貢獻嘅囚犯，曾獲粵軍授勳同嘉獎、大粵各紀律部隊授勳同嘉獎、大粵聯邦政府授勳同嘉獎、大粵20個聯邦實體政府授勳同嘉獎嘅囚犯，曾為國爭光（諸如奧運會或者世界賽獎牌獲得者）嘅囚犯，曾獲國際重大獎項（諸如諾貝爾獎普利策獎菲爾茲獎圖靈獎奧斯卡獎）嘅囚犯，以及曾有卓著政績嘅前政府公務員囚犯，至有資格參與輪候特赦。為對為富不仁嘅犯罪者保持阻嚇，曾經繳交高稅額嘅囚犯並唔屬有特別貢獻之列，冇資格輪候特赦。

6：要求特赦提請人必須係自己本人先有功於粵，再行提請寬恕，假如祇係特赦提請人嘅家屬而非特赦提請人本人有功於粵，噉特赦提請程序將會自動終止。

7：無論刑罰輕重，本法一概適用。亦即係話，即使獲刑終身監禁以至死刑嘅囚犯，祗要要求寬恕嘅理據充分，總統就可以對佢進行特赦。

8：特赦可以係完全赦免，亦可以係寬減赦免，不過無論係完全赦免抑或寬減赦免，囚犯都唔可以取消案底，獲完全赦免嘅囚犯要喺檔案度特別加注總統完全赦免釋放（其他冇獲特赦嘅囚犯一般係加注刑滿釋放），而獲寬減赦免嘅囚犯要喺檔案度特別加注總統寬減赦免釋放。

9：特赦係常態化下嘅工作，而唔係一年祇有一潤或者幾潤嘅畀面盛宴，祗要要求寬恕理據充分，總統可以喺任何時間對囚犯作出特赦。總統特赦個案嘅數目唔作任何上限，亦唔會限制一個月祇可以幾多幾多個，一年祇可以幾多幾多個。喺總統府裡頭，將常設一個特赦候審處嘅機構專責跟進呢一事務。

10：特赦提請步驟首先係由要求特赦提請人自己草擬為自己嘅寬恕求情信，再加其他知名人士（諸如軍政長官、議員法官、學研界巨擎、主教住持、鄉紳寨老、公益義工機構代表、文化及語言保育機構代表）嘅寬恕求情信唔低於20封，合齊之後送去特赦候審處備案輪候特赦審議。

11：特赦候審處將優先安排死刑及終身監禁囚犯嘅特赦提請畀總統處置。對要求特赦個案，總統喺參閱相關寬恕求情信同聽取司法部檢控署律師團代表、聯邦憲法法院法官代表、聯邦參眾兩院司法事務委員會代表意見之後，將獨立作出是否特赦以及乜嘢類型特赦嘅決定。司法部檢控署、聯邦憲法法院、議會司法事務委員會意見僅屬參考性質，對總統決定並冇約束力。

12：一旦總統對一個囚犯作出特赦，該囚犯已獲刑罰嘅之前所犯罪行將被永久豁免再受起訴（假如該囚犯日後再被查出特赦嗰陣未現跡嘅其他罪行，噉呢啲罪行將唔喺特赦覆蓋範疇之內而唔獲豁免起訴）。總統特赦令係終極性命令，聯邦參眾兩院冇權立法阻止，聯邦憲法法院亦冇權接受任何就總統特赦令而提請嘅司法覆核。

13：所謂事不過三，為防濫用，每位大粵國民終生至多祇允許被特赦兩次。

寫得吾錯，好比心機。衹係會吾會有一D死板。我意思係，連特赦呢D咁著重具體案例具體分析嘅野，都要用約法來規定，會吾會好吾靈活？

我嘅意思係，會吾會我地比較偏向歐洲大陸法系，注重條條規矩。而吾似得英美法系，著重以往案例。

如果釆用大陸法系，大法官嘅權力會受到限制，來自已定法律條文嘅限制。

如果釆用英美法系，大法官更有希望同總統、國會三權分立，因為大法官可以用自己對法嘅理解來判斷而非死板條文。

大粵民國應該採用大陸法系。喺特定場合下，可以兼顧下英美法系嘅過往案例裁定具延襲性嘅特徵。

我嘅觀點係，法律條款嘅制訂係立法範疇之內嘅事，法官嘅職責在於依法判決，法官唔應該有過多自由發揮嘅權限，因為，噉會惹嚟司法凌越於立法嘅質疑。

大陆法系修法太麻烦。（修指维修）
比如，时代吾同，法律又要跟住变。如果黎吾切修法，又会令执法者难做，执行，又吾合情理；吾执行，又违法。

英美法系，好，係因为简单。大法官通窍佐法理，就一里通百里明，判得人口服心服。仲可以加入复议，上诉等机制，减少误判。而且吾使推持修法嘅宠大开资，呢种开资系无限期。

英美法系，吾好係，好难考到律师，同法官职位，因为要睇晒以往所有判案，凭己推导出国家嘅法律精神，同规则。

英美法系令司法系統權力過大，法官可以任意解讀法律，噉唔妥。

無論係強勢嘅議會，抑或強勢嘅法院，都會影響強健政府構建，噉對獨立之初嘅大粵係致命嘅。

喺大粵始終面臨支那吞併嘅險境之下，聚合力低而動作遲緩嘅議會主導政制唔啱我哋，成日引致上訴覆核搞到遲遲定唔到案嘅司法亦唔啱我哋，大粵要嘅係強健嘅聯邦政府同協力嘅議會、法院。

-------------------

我哋最好嘅學習楷模：現代以色列——軍政體制同自由憲政完美結合嘅典範

topic-t4979.html

（英美法係），如果大法官係一個粵獨嘅強勢支持者，（大法官仲要係終身制），試琳下係吾係好爽呢。有一個粵獨嘅大法官，效果可能會勁過一本衹係靠寫出嚟嘅粵獨法典。

（英美法係），大法官由總統指定。