打壓廣府話係促進廣東獨立嘅最有效方法
七月 7, 2010 · 1:23 AM ↓ Jump to Comments
http://martinoei.wordpress.com/2010/07/ ... %E6%B3%95/有啲台灣人，幾羡慕香港話，或者廣府話不單喺香港佔主導地位，而且仲可以寫得出嚟，至少呢度近年己經大部分文用香港話嚟寫。
由於廣府話嘅強勢，而中國當局喺打壓其他方言果陣，都仲未敢打壓廣府話嘅廣播，所以廣東人都仲未諗搞獨立呢個問題。
不過，近日有膠人提出，取消中國廣東省裡面嘅廣府話廣播，我可以講，如果中國當局真係照條膠人嘅建議去做，好快廣東就會提出廣東獨立嘅主張。
廣東嘅經濟本來就有獨立嘅條件，更重要係廣東人一向有反抗嘅天性，廣府話有可能世上咁多語言最凌厲嘅粗口，就知道呢個民族並唔好惹，而且越打壓越反抗。當真係搞到廣東取消廣府話廣播果陣，廣東人仲唔出嚟同你玩鋪勁。喺大馬，吉隆坡仲係成街廣府話同粗口，果度廣府話都無被消滅，更何況廣東本身。
小弟依家食住花生等睇戲，睇吓北京會唔會真係咁硬膠。