而家仲研究緊食屎定食飯？
2014.6.2
李敖有本書叫「要把金針度與人」，點解，因為針唔拮到肉都唔知醒。今日有人喺「廣州人」群組度同我嗌，鼓吹聯省自治，雖然佢發言無我多，睇落好似係我蝦距，祗不過噉，對於呢種搵笨柒嘅言論，我份人就從嚟都唔會手軟，一定就窮追不捨嘅，因為呢啲投降派言論，對我哋粵獨人來講，係危害最大嘅。人哋都研究緊建國後點施政喇，食麵包定係食飯，或者兩樣都唔食，你而家仲喺度研究緊自治定獨立、食屎定喺食飯嘅問題？
以下我會引用呢條友嘅言論（全部發言見附件裡頭嘅網頁），并逐一反擊。
當我問呢條友，叫距解釋下聯省自治嘅定義嗰時，佢話：「聯省自治是點？Google就有啦，唔使再講掛」（1：45，2014.6.2）。好心你喇，我畀個機會你兜你唔兜，喺佢無講明自己對聯省自治呢個概念嘅定義之前，我係有理由認為，佢講嘅呢個聯省自治，係一般定義下嘅聯省自治。
噉呢個聯省自治呢，佢又分兩種：一種係1949年之前提出嘅聯省自治，亦係歷史學意義上嘅聯省自治；另一種喺1949年以來提出嘅聯省自治，又稱為「中國聯邦主義」。
我哋先睇下第一種意義嘅「聯省自治」：
「一、同人確信舊式的代議政治，不宜於中國，故主張國民總須在法律上取得最後之自決權。二、同人確信國家之組織，全以地方為基礎，故主張中央權限，當減到對外維持統一之必要點為止。三、同人確信地方自治，當由自動，故主張各省乃至各縣各市，皆宜自動地制定根本法而自守之，國家須加以承認。」（梁啟超：「解放與改造發刊詞」，《飲冰室合集》文集之三十五，第20頁，中華書局1990年）
呢個係梁啟超講嘅，「中央權限，當減到對外維持統一之必要點為止」。你再點樣搞自治，都要維持大中華。
「今之大勢，莫如各省先行自圖自立，有一省為之倡，則其餘各省，爭相發憤，不能不圖自立，然後公議建立中國全部總政府於各省政府之上，如日耳曼聯邦、合眾國聯邦之例，即謂全中國自立可也。」（歐榘甲：「新廣東」，《辛亥革命前十年間時論選集》第一卷上，P269-270，北京三聯書店，1960）
透過聯省自治，喺希望建立起一個聯邦制嘅國家。係「聯」邦而唔喺「邦」聯吖！仆你個街！虧佢仲話「你講嘅呢樣就已經唔是自治了，自治唔一定無主權。」（1:46,2014.6.2）我可以話你知，如果係按照以上羅列嘅呢啲理論，自治都係無主權嘅，學日耳曼聯邦、學美利堅聯邦，你幾時見過巴伐利亞州，可以兜過德國中央政府去搞外交？你幾時見過阿拉巴馬州，可以制定一套違反聯邦法律嘅地方法而唔被推翻？簡直係鳩噏。
跟住落嚟，再睇下第二種嘅「聯省自治」。
「中國聯邦主義這個概念借自英語的Federalism in China或Chinese federalism，泛稱中國近代以來主張實施聯邦制的思想，目的是要令現在的中國統一，可以改變中國大陸的一黨專政，成為一個近似美利堅合眾國的民主國家。民國時期的聯邦制主張主要針對當時的軍閥割據問題。而在現今，部分學者認為中國聯邦制能在維持國家統一的前提下，使地方政府的自治權得到完善保障、能作為解決台灣海峽兩岸問題的一種方案。所提出的名稱有大中華聯邦共和國、中華聯邦、中華聯合共和國、中華聯邦共和國、中華聯邦民主共和國等。」（維基百科：「中國聯邦主義」詞條）
先唔講望文生義嘅「聯邦」問題，呢樣喺講第一種聯省自治嘅時候經已駁斥過。開頭嘅呢段話，講明咗係模仿美國嘅制度，噉就即係諗都唔使諗，喺聯邦架構裡面，你地方唔可能有主權。
再睇下「當代的幾種聯邦制構想」裡面嘅七種方案，有撈頭民運劉曉波主張嘅、撈頭共產黨自己亦喺建政前主張過嘅中華聯邦共和國，有台灣張旭成提出嘅「中華國聯/中華國協」，費希平、彭明、連戰等人鼓吹嘅「中華邦聯」，周陽山講嘅「中華聯盟」，王蒼黎提嘅「華夏共同體」、大前研一噏嘅「中華聯邦」、林中斌話嘅「中華聯合共和國」，林林總總，七八個方案，各有千秋，但對於我哋，呢七個方案都係一擔擔：廣東、廣西、海南并唔喺討論嘅範疇。咁咪即係繼續做所謂嘅中國人！簡直多撚餘，自曝其短，我都話明要爭取獨立架了，你要我同意呢啲屎忽方案？繼續留喺支那框架之內，粵語祗會被消滅。提出噉嘅方案，你不如話乜都唔好搞，凈係Stephen，食、屌、瞓就得喇！
虧亞邊個仲講出得「哦，原來你是想學陳雲的城邦論啊」（附件1：36，2014.06.02），我唔知佢究竟係根本冇認真睇過陳雲嘅書，定係想來挑機，先唔講陳雲提出嘅「華夏道統在香港」，既然香港人先係華夏遺民，噉我哋粵人就祗不過係撈頭黨統治下嘅蠻夷，同意佢嘅城邦論，咪即係話自己係野蠻人？簡直係講撚笑。
再講，所謂爭華夏道統嘅諗法，我哋呢啲粵獨人根本睬你都傻。當年嘅康有為，佢為咗論證戊戌變法嘅正當性，寫咗本「新學偽經考」，話人哋千幾年流傳嘅今文經學都係流嘢，仆佢個街，即時畀人屌餐飽，「說經家之野狐也」，香港而家鐘意爭道統啫，你廣東湊乜撚熱鬧，學陳雲話齋，粵語喺廣東已死，既然人地對你一樣係以蠻夷之地嚟睇嘅 ，除非你鐘意做蠻夷，否則仲附乜撚和呢？倒乜撚自己米呢？
「獨立之事不可為」，呢句說話係最多人講嘅，一種係「不可為之」：廣東文化係華夏正統吖，冇人認同，民心不可用吖，乜乜物物；另一種係「事不可為」，搞乜撚獨立啫，無鎗無人，點同撈頭兵打，講下笑好喇，唔好當真，諸如此類。
如果係怕撈頭黨嘅 ，噉就乜撚都唔好搞，講明就襯喇！唔論係所謂嘅聯省自治又好，定抑或係獨立建國又好，所有嘅 討論，都建立係一個前提上，即係撈頭黨會玩完。喂，大佬吖，你自己怕死，哦，我老世係撈頭，我做開生意嘅 係撈頭，撈頭係我米飯班主，我唔得罪得佢地，咁你咪直接講咯，仆你個街，邊個無一家大細，邊個無老婆仔女，人有顧忌，咁好閑啫，我個人可以理解，其身不能至，其身嚮往之，雖然唔敢企出來，但起碼精神上支援下，之但係你唔好整件咁嘅Gei2嘢來做道德辯護吖嘛？講到自己好似好啱噉樣，鐘意未打先跪係佢嘅事，但係唔可以代替我選擇架嘛？係咪先？
老老實實，旨意撈頭黨自我革新，就諗都唔使諗，廿五年前嘅事已經係大教訓，既然要打倒撈頭黨，噉你拿乜來打倒呢？你拿唔到選票，因為根本無選舉，所以唯有用腳投票，以暴力手段來達到目標。你自己怕死，唔代表人哋一樣怕死，撈頭維穩，每年要對付幾萬單野，而呢啲事件嘅發生頻率，係未來祗會有增無減，兩廣境內都出咗好多單野，所以嗰啲未打先跪嘅可以收皮，未來一定會有暴力革命，祗不過就時間問題。
我哋假設一下未來暴動嘅情況，如果支那大亂，兩廣海南可以獨善其身？冇錯，撈頭黨有兩百萬正規軍，但係唔好唔記得，支那人口有幾多億，有十四億，撈頭黨可以鎮壓到十四億暴民？呢個時候可能有人話，屌，理想主義，到時咪盞得一班連鎗都唔識揸嘅烏合之眾？先唔講秦朝末年嘅事例，仆街，秦朝有一個政策，收繳天下民間嘅兵器，所以陳勝吳廣啱啱起義果時，要攞菜刀同鋤頭去打仗，如果第時有人係想揭竿而起嘅 ，噉起義嘅人自然會有所準備，你估個個都係食濕米㗎？
好，畀你推翻到撈頭黨喇，支那一定會出現內亂，台灣即時會出聲，假如到時本土派佔優，甚至會正式自稱台灣國，香港分分鐘跟牌，東土同圖博果邊祗會笠笠亂，對於呢啲地方，新當政嘅撈頭點處理？畀人獨立定武力鎮壓？如果按照班友所謂嘅聯省自治，嗰啲地方一定就至少係主權國家喇，噉兩廣海南呢？收皮喇，撈頭祗會同你講，乖乖哋留喺支那框架內，最多畀你有省議會。
一個省議會可以做到乜？可以立法規定粵語係官方語言？可以取之於粵民還之於粵民，而無需將一大筆稅款俾撈頭攞去嘆？可以禁止撈頭進入兩廣海南境內？仆佢個臭街，按照而家嘅撈頭滲透率，無論係撈頭黨建政，定抑或係所謂嘅聯省自治，粵語係廣東都祗會畀佢哋搞到滅亡。
枉佢仲好意思講聯省自治，佢為嘅究竟係粵人定係撈頭？
- Attachments
-
- 廣州人.zip
- (115.93 KiB) Downloaded 2 times