Mar 22nd, '10, 17:24
最近由於從事唐人埠社工服務，識咗一個80後嘅小朋友同佢屋企人。呢位小朋友講流利普通話同英文，但佢同我傾偈就用唔鹹唔淡嘅廣州話。佢話佢嚟自廣州十幾歲就移民嚟羅省（洛杉磯）我仲以為佢係D喺廣州出世嘅撈頭細路，點知有日佢請我去佢屋企吃飯我先知擺咗烏龍。呢位小朋友同佢屋企人竟然係純正廣州人，其家族世代都居於廣州。後嚟由於內戰就舉家逃亡到金山（美國）剩下小數親戚都喺80年第一時間移民，只有呢個小朋友同父母冇走。我同呢家人傾偈時百味交集，因為我身同感受。
小朋友嗲哋任職於國營企業，媽咪就喺政府單位任文職。佢哋一家人喺80年唔選擇移民因為佢哋覺得廣州生活好。佢哋認為由D撈頭領導人改造廣東，D廣州人要多D配合。而北方文化係中國文化嘅正統，嶺南長期係蠻夷之地因為以廣府為主嘅文化都係次等文化。要喺改革開放時代中得益一定要學撈頭文化，佢哋做嘢嘅思維，當然要講好普通話。所以小朋友從細就被送去D所謂機關幼兒院讀書，Bo Po Mo Fo日日練，到咗小學佢就已經講流利嘅普通話。喺屋企得閑小朋友都係睇CCTV節目，唔睇D香港電視。佢嗲哋話香港電視都係腐化節目冇益健康，睇CCTV文娛節目就同D上頭好多嘢講，小朋友喺學校都會同佢媽咪同事嘅細路多D話題。而年年睇春晚同埋聽京劇就係呢個家庭一定做嘅嘢。小朋友父母仲送佢去少年宮學習北方山水畫。父母最大夢想就係個仔以後都係政府部門做嘢，成為黨員。結果小朋友就變咗一D廣州文化都唔識，講廣州話勒勒咭咭，交埋D朋友都係撈仔。
我話小朋友父母有份好工，又培養個仔咁惦，點解又最後移民呢？原嚟90年做媽咪嘅喺單位分唔到好房，靚嘢都分曬畀D撈頭同事。個單位都唔係論功行賞，廣州人被人歧視，分到嘅都細房。兩年後點知連細房都冇，由於要拆遷，廣州職員畀單位安置咗去好遠嘅地方做拆遷戶。但撈頭職員就喺單位附近嘅新建大樓入住而且仲可以畀佢哋買樓。做嗲哋嘅就仲衰，國營企業凸然間就變咗做私人公司。大老闆任用自己D老鄉排斥廣州人，平時以為同老闆好多嘢講點知第一個畀老闆炒，D老同志都冇人幫手講句嘢，連補償金都攞唔到。又冇工又冇房，個仔要坐成個鐘嘅車去讀書，失望之下大夢初醒，唔想個仔好似佢哋噉比人玩，不如移民好過。
小朋友嚟到美國先知原嚟佢學嘅普通話只不過係歷史短暫嘅滿洲官話，并唔係乜嘢北方嘅文人雅語。喺學校英文輔導班佢比香港人笑話佢講廣州話有鄉下口音，同上海人臺灣人喺埋一齊又聽唔明佢哋講乜嘢。廣州嚟嘅就更好奇呢位自稱廣州仔嘅真實性。新移民通常都最好有D老鄉嘅支持，咁樣先至平穩適應異國文化生活。個小朋友話比我聽佢而家都快30歲人，睇番佢啱啱移民嗰陣唔受任何一個團體嘅歡迎又唔識英文同D鬼佬溝通。最重要係因為佢冇一個文化嘅根！普通話背後冇文化亦冇傳統。相對嘅只有廣府文化，上海文化，閩南文化。只有普通話背景嘅佢既聽唔明二人轉又睇唔明棟篤笑更加唔知周立波喺到up乜嘢。佢由於細過嚟美，好少寫中文結果而家係用漢語拼音嚟打字，從思考開此普通話就占咗主導權，洗都洗唔甩。好彩佢而家有美國文化做底融入主流社會，但佢同時感到身為廣州人唔識廣州話同廣府文化嘅失落。講到呢到我身同感受，我都好好彩因為美國文化係我嘅根，我平時都用英文思考亦都唔講普通話。但我有呢位小朋友一樣對廣州話嘅失落感。為咗保持廣州人嘅尊嚴一直以嚟無論我喺邊度見到撈頭都同佢哋講英文，絕對唔會講乜嘢所謂嘅國語，起碼喺美國普通話就係英文。
小朋友最近番過廣州，以前嘅撈仔同學都冇人騷佢，唔係發咗財唔得閑就係番咗北京做官。冇地方住又唔識人根本就唔係故鄉。（媽咪間拆遷屋都冇埋）行到邊都咁多撈頭，佢問我會唔會有朝一日D廣州人畀撈頭都趕曬出廣東。我唔知點答佢，歷史話畀我知已經有好多廣東人被撈頭趕去海外，日後只會有跟多嘅人被逼走。