隔牆有耳：喺香港打粵戰！！
Jul 26th, '10, 21:37
24-7-2010
香港《蘋果日報》
隔牆有耳：喺香港打粵戰
廣州爆發「粵戰」，難得當地年輕人咁關愛自己本土嘅語言同文化，八方作為一直身體力行以廣府話寫作嘅一員，梗係力撐。但噚日傳來內地當局打壓原定聽日喺廣州舉行嘅「齊撐粵語大行動」嘅消息，好多香港網民失望之餘，正構思緊搞活動，以示聲援。
廣州網民原本發起聽日傍晚喺海珠區江南西地鐵站出口集會，呼籲大家到時着白衫，現場仲會玩廣州話歇後語遊戲，答中有明代名將袁崇煥名句「掉哪媽！頂硬上！」 Tee送，唔少香港人都諗住北上聲援。
廣州行動發起人被拘
不過，噚日傳來行動發起人喺當地被治安拘留、活動取消嘅消息。雖然唔少網民仍然話星期日會照去嗰頭，行吓街買吓嘢見吓面呀咁，但究竟到時會點冇人知。有香港網民就透過 facebook「我相信可以召集十萬人阻止中國推普滅粵的惡行!!!」群組，揚言「大陸搞唔到香港搞」。
佢哋初步定咗 8月 1日星期日下午兩點，喺灣仔修頓球場起錨，將行動搬嚟香港，呼籲參加者到時齊着白衫撐粵語咁話。有網友立即和應，話「強烈支持當日有袁崇煥名句 T-shirt賣」。
香港同係嶺南文化發揚之地，好應該力撐廣州同胞。雖然喺香港，廣東話嘅生命力仍然好頑強，但一啲人擔心，面對兩地融合大勢所趨，「今日廣州，明日香港」，香港流行文化中嘅廣東歌、港產片強勢不再，就係例子。
港家長逼子女講英語
另外，英文《國際先驅論壇報》前日評論版就登咗篇香港自由撰稿人 Verna Yu嘅文章，題為《Cantonese, Please》（講廣東話吖，唔該），有個幾有趣嘅觀察。作者話，原本用母語同自己嘅小朋友溝通係世間最自然嘅事，但喺香港唔係個個咁諗，早前佢為兩歲嘅囡囡搞生日派對，佢用廣東話問個 4歲嘅來賓想食乜，對方淨係用英文大叫"No,no,no!"後來先知，香港唔少家長就算本身英文麻麻，都堅持同自己個 BB全英文對話，為嘅就係想仔女學好英文，考入名校或者國際學校。學好英文梗係好，國際化梗係正，但冇咗本土文化嘅根，又係咪好事呢？
pf_lee@appledaily.com
http://hk.apple.nextmedia.com/template/apple/art_main.php?iss_id=20100724&sec_id=4104&subsec=15333&art_id=14273133
香港《蘋果日報》
隔牆有耳：喺香港打粵戰
廣州爆發「粵戰」，難得當地年輕人咁關愛自己本土嘅語言同文化，八方作為一直身體力行以廣府話寫作嘅一員，梗係力撐。但噚日傳來內地當局打壓原定聽日喺廣州舉行嘅「齊撐粵語大行動」嘅消息，好多香港網民失望之餘，正構思緊搞活動，以示聲援。
廣州網民原本發起聽日傍晚喺海珠區江南西地鐵站出口集會，呼籲大家到時着白衫，現場仲會玩廣州話歇後語遊戲，答中有明代名將袁崇煥名句「掉哪媽！頂硬上！」 Tee送，唔少香港人都諗住北上聲援。
廣州行動發起人被拘
不過，噚日傳來行動發起人喺當地被治安拘留、活動取消嘅消息。雖然唔少網民仍然話星期日會照去嗰頭，行吓街買吓嘢見吓面呀咁，但究竟到時會點冇人知。有香港網民就透過 facebook「我相信可以召集十萬人阻止中國推普滅粵的惡行!!!」群組，揚言「大陸搞唔到香港搞」。
佢哋初步定咗 8月 1日星期日下午兩點，喺灣仔修頓球場起錨，將行動搬嚟香港，呼籲參加者到時齊着白衫撐粵語咁話。有網友立即和應，話「強烈支持當日有袁崇煥名句 T-shirt賣」。
香港同係嶺南文化發揚之地，好應該力撐廣州同胞。雖然喺香港，廣東話嘅生命力仍然好頑強，但一啲人擔心，面對兩地融合大勢所趨，「今日廣州，明日香港」，香港流行文化中嘅廣東歌、港產片強勢不再，就係例子。
港家長逼子女講英語
另外，英文《國際先驅論壇報》前日評論版就登咗篇香港自由撰稿人 Verna Yu嘅文章，題為《Cantonese, Please》（講廣東話吖，唔該），有個幾有趣嘅觀察。作者話，原本用母語同自己嘅小朋友溝通係世間最自然嘅事，但喺香港唔係個個咁諗，早前佢為兩歲嘅囡囡搞生日派對，佢用廣東話問個 4歲嘅來賓想食乜，對方淨係用英文大叫"No,no,no!"後來先知，香港唔少家長就算本身英文麻麻，都堅持同自己個 BB全英文對話，為嘅就係想仔女學好英文，考入名校或者國際學校。學好英文梗係好，國際化梗係正，但冇咗本土文化嘅根，又係咪好事呢？
pf_lee@appledaily.com
http://hk.apple.nextmedia.com/template/apple/art_main.php?iss_id=20100724&sec_id=4104&subsec=15333&art_id=14273133